|
ديوان الشاعر /مقحم بن دحيم الغنامي
ندراً نشتبه كريـم يـا بـراق نــدراً نشتـبـه ينـوض بارقهـا ورا مـزن ٍ ارداف وقفت اخيل البـرق يـوم ارعشتبـه يوم رعشت به في العلاوي والاطراف عيني تخيـل ورمشهـا مـر مشتبـه موحي الرعد والبرق اله فيه رفـراف والمـاء ليـاراد الكريـم جهشتـبـه واحيا به ارض صفصفا قاع صفصاف وهنـي رجـلّ غـب سيلـه مشتبـه قدام يكثر في الوطاء دوك الاضـلاف وليا استـوى مربـاع نبتـة كشتبـه نبته جديد وفيه مـن كـل الاصنـاف غاشية لـون خضـاب مـن نقشتبـه روس الانامل والكواعـب والاكفـاف تلقاء الزهر كـل الفيـاض احتشتبـه ولا عاد ترفع ورسهاحـم الاشعـاف والهامـل ام حويـر استـو حشتبـه ترزم وتلفت بالنظـر قـدم وخـلاف لـو مـا يجيـه الا الهـوا شوشتبـه تسرع بروحتهـا وتسـرع بالانكـاف في ارض عذيـة والنبـات اورشتبـه والطير اله فيها مع الصبح غطـراف فيها ام سالـم صوتهـا غطـر شتبـه تلعب مع الغربي علـى درب هتـاف قامـت تـردد صوتهـا وادهشتـبـه قلب الـذي للبـر والصيـد ميـلاف كم مـرةٍ شهـب الجيـوب طرشتبـه والطير يبديبـه علـى كـل مشـراف حذراً ليـا مـن الحصـاه اقرشتبـه ماكنـه الا يـدرق البيـت حــواف بلشـان فـي طـرد الولـع وبلشتبـه ربداً تشوفـه يتبـع الاثـر ماشـاف وحـازت وفلـت ريشهـا واغتشتبـه وطلع لها الي لبرق الريـش قصـاف ليا هـوا بمخـلاب مـد مـابشتبـه الجوف وليا الريش غاداً لـه انتـاف هـذا مـراد ورغبـه الـي عشتبـه نفسه على حب الطبيعـة والاريـاف وعـن مـن يقلـل قيمتـه عرشتبـه على النقاء ماضاق به كـل محـراف |
والضعوف اللي
و الضعوف اللي الزمـان الشيـن هـذا يبـوه كـل زول غير عميـان البصيـره تلاعـب غيهـا انت ما شفت اختلاف الليالي يا مهبـول شف وتلقا ميـت النـاس ياكـل حيهـا والضعوف اللي منول تجي خلف النزول عانهـا وسـط الدوايـر تجـر عبيهـا والصديق اللي مصادقك اله عشرين حول شجـرهٍ ترقـد تحتهـا ويذهـب فيّهـا مير لا تبني البنايه علـى درب السيـول كـم قليبـاً عقـب سيلـه تنـادا طيهـا وعرف انك يا ابو قلبين لو عمرك يطول الليالـي السـود دارت عليـك رحيهـا والمهم انصحك رافق حكيميـن العقـول الرجـال اهـل المـروه ترافـق زيهـا والردي يخذلك وهو مع الناس مخـذول وان جزيته بالحسانـي جـزاك بسيهـا وان بغيت من النضا زاملـه دور ذلـول وخـل بالـك لصلهـا لا يغـرك نيهـا والعلوم البايهه لا تصيـر الهـا رحـول كبهـا ويجـيـك بالبايـهـه ركبيـهـا ونفسك ارفع قدرها لو يقول اللي يقـول لا تخليـك المخاليـق بـيـن لحيـهـا وان نصوك من النشاما رياجيل زحـول الكرامـه كـان تقـدر عليهـا هيـهـا مير جعل بلادنا الشرع فيها مـا يـزول من حدود الشـرق فيهـا ليـا غربيهـا دوله تطبع مناهج علـى نهـج الرسـول أمـنٍ فيهـا المواطـن وأمـن طرقيهّـا |
هواه في القلب
هواه في القلب يا مل قلبٍ يجيه مـن الهـوا لاعـه اليا طراله من الخـدرات مملوحـي هواه في القلب مصيافـه ومرباعـه يجري مجاري عروق الدم في روحي يا عاذل القلب لا سمـعٍ ولا طاعـه لو تعذل القلب ما يسمع ولا يوحـي لو الزعل فيه دايم والفـرح ساعـه راضي ومن سبب الاتعاب مسموحي في ود بعـض الاوادم طيـب ناعـه حت ايش لو يعترض له كل ساموحي أخفيـت وده ثـلاث سنيـن تباعـه وراع الهوا طايلٍ هجره ومفضوحي واليوم اباابديـه ليـن يبـث مذياعـه مادام مالي وراء الكتمان مصلوحـي اما يجيلـي مـن الاجـواد فزاعـه ولا اتريـح بعـد بينـت منضوحـي يلومني واحدٍ مـا يعـرف اطباعـه ما شاف ماشفت تلغف قلبه البوحـي لو شاف هاك التهايا طـق باصباعـه وقدم علي اعترافه واستلـم نوحـي |
تروح أبه وتجي
تــروح أبــه وتـجـي تـل قلبـي تـل غربـاً تــروح أبــه وتـجـي حايـلاً تقفـي وتقبـل علـى قامـة سـجـا والضوامي جاين الها علـى العـد علجـي وردهـا مـا وافـق الـورد فــي ليـلـة دجــا والسبايب صاحبٍ راح ما اطرالـي مجـي ومـن طـرف معوادهـا قاطـع حبـل الرجـا مـا بقـا الا التيـل يبـرد فـوادي ووهـجـي كــل مــا كلمتـهـا خفـفـت جـــرح لـجــا ان دلهت شوي عينـي تنـام وتسهجـي وأن ذكرته شب له نار في القلب وهجـا أتــذكــر صــورتــه وأتــذكــر مـخـرجــي ويوصل الهاجوس قلبي جبل سلما وأجا اتخـيـل لـــي جـدايــل علـيـهـا دلـجــي والنـحـر والـخـد بــراق والـعـيـن دعـجــا لـو اطيـع الرجـل يمـه تـشـل وتـدرجـي مير من يتبع هـواء النفـس منهـا مـا نجـا ويش اسوي يا ابو خالد بهاك العسوجي أنت الـي فـي الازماللـي يكلفنـي حجـا فيـه نـوع مـن الدعـاوي يضيـعٍ حجـجـي والله اللـي يقضـي الشـان والـه الملتجـا |
مقحم وتركي
بين مقحم الغنامي و تركي الغنامي قصيدة الشاعر تركي بن ماطر الغنامي لي صاحب بذ حالي بـذ ولا في اقول السبب هاذي وان جيت ابا شوفته لـوذ ويلـد يمـي لـيـا لاذي ليته عطاني ومعي اخـذ ويبين لي معـه منفـاذي مير البلا سكـر المنفـذ ما يدري انه هو اخـاذي يطرق بسودٍ هدبهـا جـذ قلبـي لكـن الله الغـاذي يا عنق ريمٍ رموه وشـذ في حد حره من الحـاذي لو منه طول الدهر مالتـذ لاني بصاخط ولا مـاذي من شافها خطر ما ينقـذ كلاٍ من الزيـن مستـاذي قم يا ابو خالد لخيلك حذ عادتك يا محتـم الجـاذي خابرك طيب ورايك فـذ وافزع لخالد وابن عـاذي رد الشاعر مقحم بن دحيم الغنامي الشعـر عمـي يهذهـذ يبنيه والبنـي متحـاذي قاود معه ما يحاوج قـذ ماهر وفي فنه اساتـذي ونعده الشاعـر الجهبـذ ما هوب للقاف جـذاذي يختار ما طاب منه ولـذ ابيات احلى من المـاذي بني القصيده على قاف اذ وكمل بناهـا بقـاف اذي هدد بنا خيـه ثـم نفـذ لكـن بالـرب مالـواذي يصيح واشوفه استاخـذ ينخاالرياجيل الافـذاذي ونخاوي القرم مـا تنبـذ يسعى لمثله باالانقـاذي لو هو من المبتدا عـوذ مالدفـي ذيـك والا اذي محدٍٍ على قلبه استحـوذ بنجـلٍ سهمهـنٍ نفـاذي وقلبٍٍ عليه السهم ينفـذ يفداك لو كـان فـولاذي |
لي وليفا
لي وليفاً
قصيده غزليه موجهه للشاعر مدله الجذع
لي وليفاً يا مدلـه يحـاول وجعتـي=بس قلب الود ما ينعـذل عـن ودهـا اصله وارجع وتصعب عليه رجعتـي=لو عيوني كـل ساعـه تعايـن قدهـا وان ذكرته فز قلبي وانا في هجعتـي=وانتظر مدري متى الله علـي يردهـا ولو بلاي البعد محسب كلايف نجعتي=ميـر بيبـان المناقيـد عنـه اسدهـا يا حمام الورق يوم انت تسجع سجعتي=الرسالـه يـم زيـن التهايـا ودهــــا |
يازين
يا زين يا زين أعذل القلب والقلب قاسي نرخي عليه الحبل و الا نمسـه ابيه ينسى مير مهـوب ناسـي هواء غزال الريم دايـم يرسـه يمسي ويصبح في الفواد متواسي تلقاه في خاف الحشا لو تعسـه خلٍ جفاني مادرى ويش اقاسـي والحب تيار الجفاء مـا يهسـه راعي عيونٍ كن فيهـا نعاسـي الـود فيهـا بيـنٍ لـو تدسـه اما تعا ندني تبـا كسـر باسـي ولا ماهيـب بفعلهـا مستحسـه |
دخل شعر النبط شعر الحداثه
دخل شعر النبط شعر الحداثه اقول الشعرهاجوس وقريحـه يعافكلك ونوب يهـب ريحـه ليا صادفك موضـوع يحسّـك تقوله وانت نفسـك مستريحـه وتقطف من زهوره كـل ورده وتستانس مع الـورد ونفيحـه تصوغ القاف وتصوغ المعاني تخيّـر فيـه وتقـد ّم مليحـه ونوب الشعر عنك يصك بابـه ولذ ّاته على الشاعر شحيحـه ياكود اللي يخبطه خبط عشوى ولايفرق مليحـه مـن قبيحـه أحد شعره كما الحسو المرفّـا مجمّه دوب يملا لـه صفيحـه وأحد شعره كما هـداج تيمـا ماينقص ماه لو كـل ّيميحـه وزمان اليـوم شعّـاره كثيـره يخلطون العسل فـوق اللتيحـه دخل شعر النبط شعر الحداثـه ودخل كلّه على شعر الفصيحه وكل ّ ٍ قـام يرسـل للمجلـه ومحررها يسوي لـه شريحـه ولو إنّه عارضه قـدّام ينشـر على عر ّاف وعقول ٍرجيحه يدلّونـه ليـا غـوي الدلايـل لاصار انّه يبا درب المديحـه يبا من شعره المنشور عـزه وشعر ٍ قد ّّمه راس الفضيحـه ليا منّـك قريتـه سـد نفسـك وودنّك من الصفحـه تزيحـه يعاتبـك القلـم ياللـي كتبتـه وتعاتبـك المعانـي والقريحـه وأنا ماودّي أجرح لك مشاعـر وعرض اللي غفل مانستبيحـه لكن أنصحك من باب المـوده و لعلّك تستفيد مـن النصيحـه تريّث فالقصيـد إليـا نظمتـه وتنق إلنا معانيـه الصحيحـه ولاتزعل على اللي ينصحونك دخيلـك لاتولعـهـا قديـحـه وأنا ماأقول أنا أعرف من يقوله أخذها كلمة ٍ منـي صريحـه وخلـق الله طبايعهـا تفـاوت وكل ّ ٍ فيه ميزه وإلـه ليحـه أحد مثل الذهب وأثقل بوزنـه وأحد مترديّه مـدري نطيحـه وأحد رجال تنعم فـي جنابـه وأحد قربه يشادي شوق شيحه ولـوّ آعـد ّهـم يامـا ويامـا لكن الرجل يعرف من نضيحه |
شف بالي
شف بالي شف بالي شوفها يصعـب عليّـه وبيننا حبل المواصـل ماتواصـل في عفيف وخابـر ٍ بيتـه وحيّـه مير من دونه غثاء مهوب حاصل ان بغيت اجيـه يلحقنـي زريّـه وان تركته ينقطع حبل المواصـل العرب راحوا على عشريـن نيّـه وكثرة الشكّه وضاقن الحواصـل لو غزال الريـم ماهيـب اجنبيـه ولاتعلق جدها في حلـف واصـل وسمها المطرق على خد المطيّـه وشاهد ٍ غيره عن الاجناس فاصل بنت ربع ٍ تحتمـي تـال الغزيّـه وعنـد تاليهـا يثنّـون المفاصـل عزوتي في حاضري والجاهليّـه |
لايابعد كل البني
لايابعـد كـل البـنـي لايابعـد كـل البـنـي المسـمـاه ياللي جمعـت الزيـن دقـه وجلـه سبحان رب ٍ حـط زينـك وسـواه خلاك عـون ولـون مافيـه خلـه رعبوبة ٍغضّه غضيضـه دمثـراه هرجك عسل حـال المولـع يسلـه ورمشك يتل عروق قلبي من اقصاه وحجر ٍتحت هاك الرموش المضلـه و نجـل ٍيحيرالفكرفيهـاو تـدهـاه و سيف الزناتي من هدبهـا تسلـه احيان فيها نظـرة العـز و الجـاه واقـول حظـي قــام ياطيرقـلـه واحيان فيها الموت تبنـى حجايـاه واحـس مــن نظراتهابالمـذلـه وازريت لفرق و جنته من شفايـاه حمـر ٍيعالـج بـو سهاكـل علـه وكن القمر مـن لبتـه فـي محيـاه و حجيجـاتـه كنـهـن الاهـلـه و بيض ٍثمرهن ضره الثوب و احفاه الله يخطريهـن سبايـب مشـلـه فكري شرد مابيـن عقلـه وحليـاه و عجـزت للقالـي عليهـل ختلـه عقلـه رزيـن وعايـزات ٍ تهايـاه واديب وو سام الشـرف مستحلـه والزين من راسه لياسبـت رجـلاه عـزالله ان الزيـن كاسيـه كـلـه واهني من جابـك نصيبـه هنيـاه حضه مشعشع و السعد مقبـل ٍلـه سمي خلي مع هـل الخيـل تلقـاه و تلقاه مع راع الولـع سلعـة ٍلـه و سميها فالشرق نسمـع بطريـاه لكـن بالتحديـد ماعـرف محـلـه |
الشعر جار
الشعر جار يقول من هاضة هجوسه من الجـوف و مكفيه عن عيـب الاوادم عيوبـه و يشوف في و قته علامات ووصوف وده يبنهـاويـرجـي الـمـثـوبـه الشعرجار ٍله من الوقـت صـادوف راحوعليه اهـل السوالـف عقوبـه كلن يصطرلـه مقـالات و حـروف والا علـى غيـره يسـو ي كذوبـه حتى القصيد اللي مع الناس معـروف يبايحـطـه مـيـت الـنـاردوبـه مابه حيامن خلـق ربـي ولا خـوف و ليانسى الثتنتيـن نسـي العروبـه ملقوف يرقصله على الشعر ملقـوف و يشوف في هـرج ٍيقولـه عذوبـه يضرب لراع القافيه طبـل وكفـوف و الـكـل منـهـم مايميـزدروبـه عينه تشوف و ناقص ٍقلبه الشـوف تـوه جديـد وسـاع هبـة هبوبـه والشعر ياهل الشعرغالي و له نـوف له قيمـة ٍعنـد الرجـال محسوبـه و حقه على اللي يبدع الشعر منصوف ياللـي تقـول الشعرزيـن سلوبـه ماهوب حكي ٍفوق الاوراق مصفـوف لياتمعنـتـه تـشـوف العجـوبـه تباتـقـدم للنشامـامـرق صــوف و الدار قدمـك يالعمـيـل معـروبـه العـام مانـتـه بالمناقيد مكـشـوف واليـوم فالاسـواق مثـل الجلوبـه |
الوسم
الوسم يالله في نو ً مـن الوسـم رعـاد تحيا ربوع المملكـه عقـب نـوّه ويحي الفيافي عقب محصولها باد العود يابـس والتـراب متشـوّه لو ان مالي ذود من ضمـن الاذواد لكن الي مـع سجـة البـر خـوّه ولاني بفلاح ً والـي بيـر وبـلاد واليـا تـرد الجـم تبغـا عبـوّه واليوم صبري طال ياشين مقعـاد برك علانا القيض والوسـم تـوهّ والوقت بوهني وانا بهـت يازيـاد واشوف شي ً فـي زمانـي يبـوّه اللاش فاد وطيب الـراس مافـاد يجمع ومخليـت ً يـداه المـروهّ يند وجهه كـل ماجـوه الاجـواد امـا حيـا ولا تسوقـه حـمـوّه وغداء مع الايام في حرب وجهـاد ولامعه في بعض المسايل جـروّه وازرا يوفي حـق نفسـه والاولاد وحقوق نـاس ً تذكـره بالعنـوهّ يدرا ويذكـر سالفـة كـل نقـاد ويخاف مـن شمـات ولا معـوّه ولا الردي يسبح على كبدة الـزاد وفي باقي الاحـوال مالـه طـروهّ لاهـوب لاناشـد ولاعنـه نشـاد ودايم يلوذ عـن وجيـه السمـوّه وان زارهم تفرش له الارض سجاد وهـو منـول ماضـرا بالحفـوّه ومن لايحط المال في بـن وقنـاد ويشـب دايـم للمناعيـر ضـوّه وييسر على المعسر ويبني للامجاد وينفع صديقه قبـل ينفـع عـدوّه هذاك قلـه جعـل مالـك للانفـاد وعليه دعوه من عصـور النبـوهّ قلته وانا للـرزق مانـي بحسـاد ولاتوخذ الارزاق مـن بـاب قـوّه |
زمان الدعايه
زمان الدعايه نوينا نغسل الشعـر بالسـدر والكافـور ونفصل على جسمـه قمـاشٍ يوافقلـه ليا ماحصل للشعر بيـن القبـور قبـور قبرناه في البشت الحساوي مـع الدقلـه نباه يتريح خاطـره لـو مغـار شهـور ويرتـاح فتـره مـن كــلامٍ يلفقـلـه حنوه العبـاد الضايعـه حنيـة الباكـور لونه يجي في الـوزن والقافيـه شقلـه تقول إن واحدهم يسولف بـدون شعـور ينفـض يدينـه والمذيـعـه تشدقـلـه هدفه الوحيد ورغبته يكسـب الجمهـور وياللأسـف يلقـى شبـابٍ يصفقـلـه قبل يبتدي يرفع مقامـه ثـلاث سطـور ويظهر على الشاشه مغير أطبخه واقلـه يقـوم يتنرفـز لامجاهـد ولامـمـرور يبا يكسر التلفاز والجـدر مـن صقلـه وانا ملحق الي فاهم ٍ في السلوب قصور مهندس خبير وينتج الخـام مـن حقلـه من الذوق والابداع عالـج كثيـر امـور ليـا حـس موضـوع ٍ مهـم يتطرقلـه يعد القصيد بعقـل ماحـط فيـه كسـور وهل الذوق من حلـو المعانـي تذوقلـه وقيل أسال الرجال في المجلس المحظور وتلقـى تماثيلـه دليـلٍ علـى عقـلـه واشوف الرديف اخلف مكانه وركب الكور وفهق عنه راع الكـور والعـام يفهقلـه زمان الدعايه حط له ناس فـي حـادور يضيـم الحيـاوي والفشـور يتعتقـلـه وهاذا حل من سموه في وقتنا الهامـور ليا اقبل على بعض المجالـس تسابقلـه يغـرك بهندامـه وماحـط مـن ديكـور سراب ٍ ضحاحه كـل عطشـان يبرقلـه وانا استثنى الي زادهم بينهـم مخشـور ليا شاف له محتاج في النـاس يشفقلـه يساعد هل الحاجه وييسر على المعسور حريص ً للفعل الخيـر والخيـر وفقلـه وانا يعلم الله مارغب الجاهـل المغـرور يجـي ويتعـدى خاطـري ماتشوقـلـه ولااحب الهبود اللي يجيب العلوم العـور ياليتـه يوكـل واحـد ٍ عنـه ينطقلـه يسولف بلا معنى ويزعل بـلا سبسـور تمل اجتماعه ملـت الارض مـن نقلـه اراعي نظر غيره وانا خابـر انـه ثـور لوني ليـا شفتـه علـى الكبـد ياثقلـه يعسر العرب بالشور ماهوب راعي شور مصر ٍ على الراي العـوج دوب تسرقلـه اقوله وانا جربت مـن وقتـي الميسـور يمـوت البنـادم والمنـى ماتحققـلـه يبا يبطي الجاهل وسـود الليـال تـدور ولاادري ولايدري متى الشمس تشرقلـه |
مهداه الى الشيخ نايف بن فيحان بن ربيعان
هذه القصيده مهداه الى الشيخ /نايف ابن فيحان ابن ربيعان العتيبي يجي للمثايل وقـت وتهيـض الخفـوق وانا الهاجس الي زارني هـز وجدانـي وانا خابر ان الشعر وهبـه وفـن وذوق وفنه للراعي الـذوق ملفـت للاذهانـي واشوفه يجي ويروح ويراود الصنـدوق ومن عادته يقضي للزومي ليـا جانـي بدالي للزوم وقام قلبـي عليـه يتـوق والاشغال تمنع رغبتي بعض الاحيانـي ياعبدالملك شغل الـي كمـا الغرنـوق وكب العمل لو يفصلونك علـى شانـي عسا الله يكافينا ويكفيـه شـر العـوق مود الغريب الـي مـن البعـد زملانـي لزومي ورا الثقبه وانا من ورا المشقوق لاكنـه قريـب بشايـة الله ليـا عانـي ابزور نايف راعـي المركـز المرمـوق اماره ومنصـب كلهـا فـي كحيلانـي اعرف الحقوق وللنشاما علـي حقـوق وحقـه علـي زيارتـه ويـن ماكانـي امير وولد عمي وحق العـرب ملحـوق ابديـه قبـل فـلان وفـلان وفـلانـي اماره ماخذها بالتواقيـع مـن مخلـوق قبل جـده السابـع محمـد وسلطانـي اماره لهـا ماقـف ليـا ردو الماسـوق تخلي السيوف المرهفـه دمهـا حانـي اماره كما نار ً علـى عالـي الشاهـوق يسولف بها مـري وحربـي وقحطانـي ذراهم يذري يوم بعض الـذرى مفتـوق مـلاذ وذرى وظـلال للمقطـع العانـي يبيعون غالي الروح يوم اعتلاج السوق ليـا قـام للبـارود شعلـه ودخـانـي يوم ان السماء جوه مغيم وفيـه بـروق وشبه الجزيره بين صاحـب وقومانـي تمثنوا قرارة نجد مرتع سهـاف النـوق رعوبه على مشهات حلـوات الالبانـي ماجت بالبساطه جات بالسيف والمذلوق وضحايا نهار يشبـع الذيـب سرحانـي رباعين اهل هيبه وهامات اهلـم فـوق لهم سمعت ً في نجد مع مـر الازمانـي رباعين لامشـروق فيهـم ولامطـروق هل الطيب والطالـه طويليـن الايمانـي يـوم ان المعيشـه ماتهايلهـم برفـوق ياكود بنهار يرعـف السيـف شامانـي من القاهره والترك خاطبهـم الفـاروق تكاتبهم الباشـات واحـد ورى الثانـي كلام ً صحيح وعند كل العـرب ماثـوق اله في العقول وفي السجـلات ديوانـي ومعيه على ماقلت تشهـد قبايـل روق وبرقا عليه شهـود والقـاص والدانـي على مدح ابن فيحان نايف دفعني شـوق تسابق هجوسي يـم نايـف وتنخانـي يابحر الندى مآنت بعلى الطيبه مسبـوق وعلى مدحكم ماهوب يشنانـي الشانـي نظمت القرايح يوم هايف لي الطـاروق ومافي ظميري عنـه عبـرت بلسانـي |
قصيده الاسهم
فصيده الاسهم الهوامر تدرجّ البنك في البنـك اكتتـاب واقفه عنـد الدرايـش تشيـل انواطهـا ول يامـال العنـا ول يامـال الذهـاب اجمع الربطه ويصبح مغيـر ارباطهـا اتذكر وين راحت وضيعـت الحسـاب المهـم الله عقـل فـي يـدي مغاطهـا كل ماسكرت لي باب غيره فـك بـاب واغثانا مـن وذانـه ومـن مسواطهـا تدرجّ مثل الرحاء فالذهاب وفي الايـاب واسمها بقعا وسو البـلا فـي اوباطهـا كم كريم ً حطته بين ضرس وبين نـاب وكل ماصفر حكمهـا تعيـد اشواطهـا ان عطتك الوجه مره ياحـي الانهـذاب وين ماوجهـت قدمـك تمـد ابساطهـا وان جفتك تروح قدمك مثل ريش الغراب ودوب تسلم من لهبهـا ومـن شخاطهـا الغنـي فيهـا مايرقـد معذبتـه عـذاب والفقيـر يلحهـا مايـشـم شياطـهـا |
ماكل من رز نفسه يقبل الرزه
ماكل من رز نفسه يقبـل الـرزه لو ينفق المال في تصميم هندامـه ماغير عذب ضميره واحترق رزه والناس ماهيب يمه طالت ايامـه لو الآوادم تقيس الرجل في بـزه لقيت كل ً لبس له بشت وعمامـه الي يبا العز من فعله بنـا عـزه النصب والهيلمه ماترفـع الهامـه الرجل ماهوب غصن ادنات ماهزه فكره وعينه تقص الدرب لااقدامـه للضيق حزه ويبدي للفـرج حـزه ومن عقب الطيب يلقا الطيب قدامه والي لحاله للون ابليـس مغتـزه اخير اله من مكان يكشف افلامـه |
والمعدن الي مايقارب للمعدنـك
يالي تذم البعد مانقتبـس منـك بعد ً عن الرديان ماهوب صـده يالبعد لو قالو هذا الـي مزينـك بعد الخطاء عن واحد ً مانـوده ويالي تروح للمجلس ً مايثمنـك ياماد ً كفـك علـى مـن تمـده اما تصافح واحد ً مانشد عنـك ولولا عيون الناس مامـد يـده ولا تحصل لك رفيـق ً مداهنـك حاقد ويبدي لك نوايـا المـوده فيرس كبدً من شبابـه مباطنـك وعلاجه الفرقا والاقفـاي ضـده اخير منه مطـرف ً مايواطنـك انته تشد الحبـل وهـوه يشـده لاوامن ًغدره ولاهـوب وامنـك وكلً موقفه الخطـر عنـد حـده والمعدن الي مايقارب للمعدنـك خله يولـي جعـل بقعـا تلـده ترا الردي لو تزبنـه مايزبنـك جدر ً مهايف كل ريـح ً يهـده دور حصان ً في اللوازم يعاونك قريب من قلبك على بعـد جـده الي ليا شان الدهر كنـه البنـك عوج الليـال القاسيـه ماتـرده هذا الصديق الي ليا احتجته امنك تقدر للعطران الشـوارب تعـده |
| +4. الساعة الآن 03:25 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط