|
ودي بطاروق ساخن مع اي شاعر
بعد ماغبت مده جيت عندي علوم...ودي آخذ مع الشعار وأعطي ذهب
مانسل السيوف الابوقـت اللزوم... والعرب عند وآجبها تعــرف العــرب |
هات علمك على حسب الطلب والسلوم=ودي العب معك يارجل يابولهب العرب نائمه ياراقد النوم قوم=دق نجر الخطر والنار اكلت الحطب |
صح آلسنتكم متابعين
|
علموني هلي عن قوم ماهمب قوم ... واختبرت المعلم فى العلوم ورسب
وانت ياطير ياللي كل ساعه تحوم ... كيف لوكان في يمناك سيفٍ حــــدب |
احد معطى من الخيرات وحد محروم=والشياطين نرجمها بنجم الشهب صوب شام العرب تقدح كبار السهوم=والعرب في تقاعسها يجيها تعب |
صحت ابدانكم
علاك ابه يبو فايح |
يا سلام يا سلام
صحت السنتكم ولا هنتو متابعين بإذن الله |
السماء ياطويل العمر مابه نجــــوم ..... مير جز الشنب بالموس يابــو شـــب
انت يابو حمد في حـكم زيد محكـوم ..... والجـرب في سنام الثور سمه جـرب |
الخميني يقود الفرس والفرس روم=قرب الحرب مافيه خوج وعنب
الاسد طال ليله بين حر وسموم=والمريكي من البترول قام ونهب |
صحو السنتكم ومتابعين
المحاوره مبدعين تحياتي لكم |
من طلـب ثار جده لو يـــطيــح ويــقــوم ... من مشى مع طريق الناس بكره قرب
ماحصل في الجماعة منتصر وامهزوم ... والعجـــب منـــك يابو زيد كل العجــب |
الزمن دارت رحاته بين مسكو والجموم=عان ابوزيد الهلالي راح يفتل في الشنب العلاقه في تدهور بين ليل وبين يوم=اسلكو مع طريقن في ملفن صعب |
الأخ الشاعر ناصر أبصم لك بالعشــرة إنك شاعر كبير.
والأخ الشاعر الأستاذ نوح بن فايح الغنامي أيضاً أبصم لك بالعشــره إنك شاعر كبير. لكن لاتوضحون المعنى عاد خلوها مغموسه لأن الغمس فن واحتراف في الشعــر . |
بيض الله وجيهكم ابدعتوا ياغنانيم ولوني فاضي لكم
شفت لكم حل ولكن مشغول حتى النخاع ههههههههه |
صح السنتكم
ابداع في النقض والفتل وتنا ابصم بالعشره احترامي للجميع |
صحت السنتكم وهذي شهاده اعتزفيها
احترامي لكم |
| +4. الساعة الآن 08:08 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط