منتديات شبكة قبيلة الغنانيم الرسمية - ديــــــوان الشاعر / رحـــــيــــــم الغــــــنــــــــامي

منتديات شبكة قبيلة الغنانيم الرسمية (https://www.gnanim.com/vb/index.php)

- دواوين شعراء الغنانيم (https://www.gnanim.com/vb/forumdisplay.php?f=66)

- - ديــــــوان الشاعر / رحـــــيــــــم الغــــــنــــــــامي (https://www.gnanim.com/vb/showthread.php?t=12817)

سعود بن منيف بن نافه

01-24-2012 01:10 AM

ديــــــوان الشاعر / رحـــــيــــــم الغــــــنــــــــامي

ديــــــوان الشــــاعر الكبــــــير:

رحـــــــيم الــغــــنامي
شاعر مبدع في قصائده وله عدة قصايد متنوعه ""

::::::::::::::::::::::::

إن كـان ودّك بـالـصراحـه مـا يصحّ الا الصحيح

إنـته لـي أغلا مـن جـميـع الـناس يـا كـلّ الغلا

مـاتـشره كـفوف الكريم الا على كفوف الشحيح

يـا احلا مـن الـحالـي تـكرّم لـي و ذوّقـني حلا

أنـا عـلى ديـن الـنبـي مـانـي عـلى ديـن المسيح

لاتــفرح الــعدوان فـيّ ويـهرجـون إبْي الـملا

مـاجـيت احـبّ الا انـت والا الـغيـر خـلّه يستريح

مـــابــينــي و بــينــه كلام و لا سلام و لا هلا

عــز الله انــي مــن تــغلّيــك و مـعامـلتـك ذبـيح

كــنّي فــقيــر الــعالــميـن إبلا شـراب و لا كلا

يـالايمي في الحب اخذ هرجه من لسان الفصيح

خــطرٍ عــليّ اشــق حـلق الـثوب واذبّ الـخلا

الـجادل الـلي مـن مـحبّتـها غـدى قـلبـي جـريـح

مـاعـاد بـاقـي غـير عـرقٍ حـيّ يـا كـافّ الـبلا

مثل الجريح اللي قضا عمره على فراشه طريح

راحوا خوانه من سبب حربه على القوم إقتلا

فـي الـليـل يـلحق ونّته ونّات واليا اصبح يصيح

مـمّا مـضالـه فـي حـياتـه لا استراح و لا سلا

يـذكـر نـعيـم الـعافـيه مـن عـقب مـاذاق المطيح

مـاكـنّهـا طـافـت عـليـه سـنيـن .. تـقول اوّلا!

والـخاتـمه وجـه الـسميح آخير من وجه القبيح

يـالـلي تـساومـني على الثاني من الاثنين .. لا

:::::::::::::::::::::::::::::::::::::::::::::::::: :::::::::::::::::::::::::::::::::::::::

سعود بن منيف بن نافه

01-24-2012 01:12 AM

سـاعـديـني عـلى وصـلك يامال القطيعه
لايــطول الــمعــانــد بــينــنا والـفراقـي
يـمضـي الـوقـت وتـمر الـدقايق سريعه
والـعمـر يـنسـرق مـني ومنك انسراقي
ارجــعي لــي نـهار الـسبـت والا تـبيـعه
زل عـصر الركود وحل عصر السباقي
إغـمريـني بـوصـلك يـا الـفتـاة الـبديـعه
لاتــخلّيــني آصــالـي لـهيـب إشـتيـاقـي
مـن فـراقـك تـعرّضـت ل حوادث شنيعه
سبّبت لي كسور ب عظم مخّي وساقي
أدهـر الـحال مـن فـرقـاك وانـتي ربـيعه
لاتـموّت مـن اسـباب انـقطـاعـك نـياقي
لــك مــثل مـالـي بـقلـبك مـكانـه رفـيعـه
والـغلا مـثل مـا حـاصـرك ضيّق خناقي
الـــبلا انــك تــغلــين وغلاتــك طــبيــعه
والـــتغــلّي مــعك لازاد زاد احــتراقــي
في حدود النطاق إبدي على راس ريعه
مـار لايـاخـذك خـارج حـدود الـنطـاقـي
مـوت شـامـخ هـوانـا ف المحبه فجيعه
كـارثـه يـمكـن تـسبـب حـدوث اختناقي
يـوم حـبي وحـبك مـعتـلي ف الـطلـيعـه
لــيه خـالـفتـي الـمشـروط ف الاتـفاقـي
ضـاق بـالـك وضـيّقـتي عـليّ الـوسـيعه
لـين صـرنـا كـليـنا مـن بـعضـنا ضياقي
قـامـوا اهـل العقول الناقصه والصديعه
وأحـدثـوا بـينـي وبينك زعل وانشقاقي
لـيت والله مـا اخـذتـي هرج ناسٍ خليعه
حــددت لــلمــفارق نــقطة الانــطلاقـي
شــلةٍ مــاتــعرف الا الــغدر والــخديـعه
تـركـي ولا تـزيـل عـن الـكبود العَرَاقي
مـابـقى الا تـحرّف في اوصول الشريعه
عــايــشه وقــتهـا كـله بـكذب ونـفاقـي
قـلت لـك مـاوراهـا الا خـساره و ضيعه
مــار لــفّتـك مـعهـا مـثل لـف الـرواقـي
مـاتـضيـع الـوداعـه ف الـيدين الوديعه
عــلم وآثــبّتـه مـاهـيب هـقوات هـاقـي
لـو يـشيـن الزمان اللي شراني ما ابيعه
اشـهد انـي مـحبـك حـب رايـق وراقـي
كـنت مـتحـصّنٍ عـنك ابـحصـون مـنيعه
لـين سـهمـك تـمكّن واستطاع اختراقي
لـو تـشوفـين فـي قـلبـي جـرايم صنيعه
مــاتــنامـين مـن فـعلـه عـلي الـطلاقـي
فـــعلٍ يــديــنه الاسلام ســنّه وشــيعــه
مـثل فـعل الـمريـكي فـي ديـار العراقي
مـا اتـخذتـي عـلى غـزوه وحـلّه ذريـعه
لا سلاح مـــخزون ولا دمــيٍّ تــراقــي
جـيش حـبك مـقاومـته مـاعاد استطيعه
مـثل جيشك , خساير هجمته ما تطاقي
خــلصـينـي وبـتّي بـالـسيـوف الـبتـيعـه
فـي مـحبٍ رقى لاجـلك عـسير المراقي
يــاوصــالٍ يــشرّف والاذاعــه تــذيــعه
يــافـراقٍ مـابـعده ف الـبسـيطـه تلاقـي

سعود بن منيف بن نافه

01-24-2012 01:13 AM

يـاصـاحـبي لا تـغلاّ وأنـت غـالـي عَلي
غلاك فـي كـل يـوم يزيد عندي غلا
مــافــيه داعــي تــغلاّ الله يــخلّيـك إلـي
الـحلـو يـنقص حلاه ومنك ياخذ حلا
سـيلـك جـرفني عليك وحطّني من عَلِي
واغـرق محاصيلي وفرّج عليّ الملا
والــشوق عـندك مـذكّيـني ذكـاة الـطلـي
واكـبر دلـيل لـذكـاته يوم أموت أوّلا‍
لا تــسأل الــمُبــتلا عـن بـلوة الـمُبـتلـي
لـو قـال مـابـه بلا فـيه الـبلا و الجلا
قـامـت تـوقّد بـصدره نـارك وتـصطلي
لاوالله الا كلت جسمه .. يادافع البلا‍
تـعال يـالـماضـي الـحاضـر ومـستـقبلي
مـاودّعـك قـلبـي الـلي حبّك و ما قَلا
اي والله أبــيك والــلّي غـير يـا هـملـلي
مـا ابيه لو جرّ لي موّال (ياطير ألا)
يـامـيح قـلبـي عـلى شـوفـتك مَيح الدلي
عـبّاه عـشقـك من الاشواق لين إمتلا
تــلقّنــي بــالــغلا قــدم آتــلقّى الــخلــي
واخـتصّنـي بـالـمحبّه جعلني ما خلا
خابرك تعشق رضاي ولا تحب ازعَلي
امـا كـذا الـحب يـامـحبـوب والا فلا
أقــبل عــليّ ابــتراحـيبـك وخـلّك شـلي
مـاجيت محتاج شرب ولا مدوّر كلا
قـل مـرحـبا يـاهلا يـابـعد ابـوي وهَلـي
وأقـول : تـبقى ياراعي مرحبا ياهلا

سعود بن منيف بن نافه

01-24-2012 01:14 AM

لــيلة الأعــياد تـبدأ مـن عـصيـر
وأنت بادي ليل عيدك من ضحاه
كــل عــامٍ وانــت يـاخـلّي بـخيـر
مــن بــداية عـامـك الـيا مـنتـهاه
اشهد ان العيد مع حضرتك غير
يـالـطيـف الـرّوح يـاطـفل المهاه
جـيت اجـدّد عهد حبّك واستخير
وانـثر شْعـور الـفواد ومااحتواه
مـانـبيـك تـعيـش تـأنـيب الضمير
حــبنـا غـالـي وعـالـي مـستـواه
دامـني فـي حـبّك الـعذري اسـير
سـوّ بـي مـاشيت وأخذ اللّي تباه
واعـتبرني خاتم اصبعك الصغير
كـل مـاتـامـر عـلى خـشمي هذاه
الـعشـير الـلي مصافي له عشير
الـــزعــل لابــد يــرمــيبــه وراه
اذبـحيـني ذبـح بـالسيف الشطير
لا تــخلّيــني عــلى قــيد الــحيـاه
والله انّي راضـيٍ عـن مـا يصير
كـان ذبـحي بـيد مـردوع الـشفاه
الــهديّه جــتك يــاغــروٍ غــريـر
خـاتـم الـماسه .. وتوقيعي علاه
اعــتقــد مـا فـالـهديّه مـايـضيـر
رمـز نـرمـز بـه لـغالـي من غلاه

سعود بن منيف بن نافه

01-24-2012 01:15 AM

يـالـلي عـليـك عـروق قـلبي معاطيش
احـي العروق اللي ذبحها عطشها
شوفك مزون وريح عطرك رشاريش
واعـماقـي ارضٍ نـبتها ما فرشها
خــلك لــها مـثل الـمزون الـمراهـيش
الـلي لـيا سـقت دار تـشبع دبشها
لــبّى الــعيـون الـناعـسات الـمرايـيش
نـظراتـها تـجرح ويـذبـح عـكشها
أسـطى عـليّه من عيون اشقر الريش
طـرح الـحرار الشقر وألاّ وحشها
ومـعنّقٍ دونـه هـل الـخيـل والـجيـش
كـلٍ يـشيـل اجـنازتـه فـي نـعشـها
كـنّه يـقول لـعنـق الادمـي (مـعلـيش)
حـيّر عـقول اهل العقول ودَهَشها
مـثل المها تاطا على الارض بشويش
وغـيرك لـيا مـنّه وطـاهـا خـفشها
والـمبـسم الـلي كـل مـن شافه يطيش
احـلى مـن الشربيت والذ واشهى
ولـو باقي وصوفك مع البيض حتيش
نـتشـت مـنهـا يـوم كل(ن) نتشها
يـاصـاحـبي لا تـنكـر الـملـح والـعيش
الـروح مـن عـقبـك تـزايد طفشها
الــحب لا جــا فــيه صــدّه وتـطنـيش
اخلف عقول اهل الغرام وخرشها
عــلّمــني الله لا يــهيــنك هــذا لــيش
بـعد جـروح الـروح صـدك نبشها
مـاقـلت لـي صـدّك عـن مـوّدك لويش
عش واقعك مثلي ولحظتك عشها

سعود بن منيف بن نافه

01-24-2012 01:16 AM

يـالـلي جـمالك يودع العاشق صويب
سـبحـان مـن فَ اتـم صوره خالقه
تـغيـب عـن عـينـي وعـنّي مـا تـغيب
صـورتـك لا زالـت ف ذهـني عالقه
يـــاحــبي الاول ويــا آخــر حــبيــب
الـرجـل فـي حـفرة غـرامـك زالـقه
حبك ضرب في داخل اعماقي صليب
والـقلـب فـي صـاج الـمحـبه سالقه
والــجرح عــيّا لا يــداويــه الـطبـيب
يـاجـارح احـساسـي وراسـي فالقه
عــليـك اديـر الـفكـر واودّي واجـيب
والـذهـن فـي قـربـك وبـعدك قـالقه
والـراس مـنّي شـاب قـدّام الـمشـيب
ومن خوف لحدن عنْه ينشد حالقه
ومـثل ما يصْلق داخل السعن الحليب
الـهم . بِعْدك وسـط قـلبـي صـالـقه
اسـهر طـوال الـليـل مثل المستصيب
امــغمـضٍ وحـده والاخـرى بـالـقه
عـزّ الله انّي مـنك في وضع ٍ عصيب
مــثل الــقزم بـين اربـعة عـمالـقه!
فـعلـك ما يرضي لا عدو ولا صحيب
مــادام لـيلـي نـور صـبحـك فـالـقه
أنــته سـوات الـحق وآنـا لـه طـليـب
درب ٍ ذلـــقتــه يــاحــبيــبي ذالــقه
أبـطيـت مـاجـا مـنك مـرسـال ونديب
يـالـلي غـيابـك نـص عـقلـي شالقه
نــار الــمحـبه فـي مـعالـيقـي تـذيـب
والـشوق مـنه ازرار ثـوبـي دالـقه
تـعال عـطنـي حـظ واخـذنـي نـصيب
والا تــروح ومـنك روحـي طـالـقه

سعود بن منيف بن نافه

01-24-2012 01:18 AM

مـضا اسـبوع وصناديق الضلوع ايهزّها طاريك
ويـدفـعنـي عـليـك الـلي مـثل مـاجـابـني جـابك
دفعك الشوق والشوق اقشر ولايعترف ب بريك
بـعد مـاهـبّت اريـاح الـزعـل واشـتالت اطنابك
اخـذت اديـرهـا فـي راسـي آراضـيك ما آراضيك
انـا انـعم فـي وصالك والا اذوق النار فغيابك؟
وفــيمــا آنـا بـحيـرة وقـفتـي مـابـين ذيـك و ذيـك
لــيا هــاذي ركــابــك مـقبـله حـيّ الله اركـابـك
لـو إنـك قـبل لا تـتعِب ركـابـك فـي رضـا مـغلـيك
قـعدت شوي؟؟ سقت ركابي وناخت على بابك
لإنـك بـاخـتصـار اتـشدّنـي فـي الـحب مـنك إلـيك
مــثل مـانـيب اشـدّك بـالـغلا و اوتّر اعـصابـك
خـصوصـا ً كـل مـاجرّدك سوء الظنّ و التشكيك
مــع الـلي والله انّه مـايـساوي حـفنة اتـرابـك
انــا مــاودّي آبــكّيــك جــعل الــعيــن مــا تـبكـيك
هـذاه الـيوم سـابـع يـوم لـك مـا جـفّ صـبّابـك
هلا يــامــرحــبا .. مـكانـك الـقلـب .. الله يـحيّيـك
عـــدد مـــادق مــن حــبّك و رحــبّك و هلاّبــك
مــعزّب وانــت ضـيف ولازم آعـشّيـك و آغـدّيـك
هـذا حـقك ومـن حـقّي عـليـك اتـنادي أقـرابـك
نـبا نـسهـر عـلى نـور الـقمر ماهوب نور اتريك
بـعيـداً عـن مـشاريـه الـغرام و قـسوة اعتابك
خــفوقـي مـجّره لـك قـبل عـام إيـجار بـالـتمـليـك
وذا الحين إنتهى عقده واخذ صكّه من احبابك
نـقلـت اشـواقـي مـن اعـماق قـلبـي نـقل تلّفريك
مـت الله لا يـهيـنك كـان طـحت و مت باسبابك
صـرفت الك المحبّه و المودّه مثل صرف الشيك
وقـطّعـت الـكتـاب الـلي يـعارض فـكرة اكـتابك
غــرامــك ســوق وآنــا سـهم ٍ يـنزّلـك و يـعلّيـك
مـثل مـايـرفـع الـسوق الـسعوديّه سهم سابك
انــا لــو قـلت ابـا اخـلّيـك والله مـا اقـدر اخـلّيـك
مـادام الـروح مـاتـقدر تـعيـش و تـسعد الاّ بك
تــرى لــولا ودادك كــان مــافــكّرت كـيف آجـيك
لإنـي مـهمـا اروح ابـعيد منك اقرب من ثيابك
عــليّه بــالــحرام إن الـعيـون الـلي تـناظـر فـيك
آحـسد اصـحابـها يـوم إنّهـا تـبحـر مع اهدابك

سعود بن منيف بن نافه

01-24-2012 01:20 AM

يـالـلي فـتحـت لـعلاج المغرم عياده
اكـشف عـلى حال اخوك ودخله قسمه
قــبل تــحدد مــراجـعتـه و مـيعـاده
افـتح سـجل الـملـف وسـجّلـه بـاسـمه
بـالضبط اخذ عمره و تاريخ ميلاده
واعـرف عـنه كـل مـعلـومـاته الدسمه
اول مراجع شكى من فيرس وْداده
بـعد اخـترق خـاطره واثر على جسمه
عـوّد كـما الـميت اللي ينبض فواده
لاحـاول الابـتسـامـه ضـاعـت البسمه!
مـن الـمحـبه طريح فراش ووساده
ويـفوح صـدره لـيا مـن هـبّت الـنسمه
شـرحـت مـا بي عليك وهات الإفاده
بالجمع والطرح والا الضرب والقسمه
عــلى كلامـي هـذا مـاعـندي زيـاده
واسـلم وسـلّم عـليـك وحيّ ذا الطسمه

سعود بن منيف بن نافه

01-24-2012 01:21 AM

عـلى أغـنية (ياجارحني) تطرب أسماعك
وأنــت الـجوارح تـغنّي لـك (يـاجـارحـني)
أخـــذتــني مــع لــحنــك ودقّة إيــقاعــك
لـين اخـتفى مـعك صـوت ايـقاعـي ولحني
تـــفنّن وغـــنّ لــي ســمّعــني إبــداعــك
وش غــير زيــنٍ و صـوتٍ فـيك ذابـحنـي
إلــيا ســمعــته عـبر مـوجـات مـذيـاعـك
تــقول كــنّه مــن الــمقــعد يــزحــزحــني
عــلى كــثر مــا يـريّحـني مـن أوجـاعـك
يـــبدّد جـــروح روحـــي مـــا يــريّحــني!
حــتى لــيا هـب مـن مـشرقـك ذعـذاعـك
نـــوبٍ يـــبرّد عـــليّ و نــوب يــلفــحنــي
طوبعتني لين صرت أمشي على أطباعك
الله يـــسامـــحك وأنـــا الله يـــسامــحنــي
مـعك قـنعـت وعـرفـت اقدر على إقناعك
مـن عـقب مـا الـهم .. مـسّانـي وصـبّحني
وأصـبحـت مـا عـاد تقدر تحكم اوضاعك
وعــجزت بــسلاح هــجرانــك تــكافـحنـي
ورجـعت وارجـعت قـلبـي عقب مرجاعك
لين اخضر (العشق) غطّى ضلعي المحني
يـا صـاحـبي مـدّنـي مـن مـدّك و صاعك
مـانـيب مـحتـاج غـير الـفرصه .. إمنحني
انـا عـلى أمـرك ورهـن إشـارة إصـباعك
وأزعـل لـزعْلـك .. ومـا يـفرحـك يـفرحني
إتـركـني أعـيش لـحظـه وسـط مـربـاعك
حــرمـانـك أثّر عـلى قـلبـي و شـرشـحنـي
الـــروح دلّتـــك و الأشــواق مــقداعــك
قـــدّر بـــهارك عـــلى نـــارك وفــوّحــني
لـكن دخـيل الـرمـوش و نـظرة أوساعك
لا جـــيتـــك بـــجد لا تـــقعــد تــمازحــني
قـدّام لا اغـرق فـبحـرك عـطنـي ذراعـك
أنـقذنـي مـن الـغرق واصـفح وصـافـحني
لـيه أنـحرم مـن شـرف لـقيـاك ووداعـك
مــا بــين لــقيــاك ووداعــك تـمرجـحنـي!
لــو إن مــا لاعــني يــا صــاحـبي لاعـك
حــرام لــتجــر مــن قــلبـك (يـاجـارحـني)

سعود بن منيف بن نافه

01-24-2012 01:22 AM

يــابــاذل الــطيــب عــطنـي بـالـك ولـقّه
إن كــــنت فــــي بــــذلــــته زرّاع حــــصّادي
الــطيــب لا تــبذلــه فــي اضـعيّف ٍ نـقّه
لــو كــان مــن روس قـوم وتـرثـت اجـوادي
يــاكـثر مـا فـي الـبلـد عـميـان ومـصقّه
ســــــحابة ٍ مــــــا لـــــها بـــــارق و رعّادي
مــثل الــدراجـيت و افلام احـمد الـسقّه
ســــرد الــــسوالــــف عــــلى دلّه وبـــرّادي
في الناس صاحين واكثرهم على الدقّه
اطـــيبـــهم الـــلي بــحاجة وعــظ وارشــادي
مــحد ٍ بــعيــنه يـشوف الـدرب و يـحقّه
غير (احرص من ابرص وبادي ورى بادي)
لا تــرقــع الــثوب لا مـنّ الـزمـن شـقّه
تــــلقى بــــدال الــــقديــــم ثــــياب ٍ جــــدادي
والــكلـمه الـلي مـن الـنقـريـز مـشتـقّه
صـــوّب بـــها واحـــد ٍ فــي ســريــته غــادي
يــزعــل لــيا قـلت عـطنـي قـطّة الـشقّه
واهـــوَه عـــلى بـــابـــها ســـرداد مـــردادي
لا حـــلّ تــال الــشهــر فــرّ مــع الازقّه
اســــمه بــــدفــــتر غـــياب الـــشلّه يـــنادي
اســــبوع والــــباب لا مـــرّه ولا طـــقّه
وان ســـنّع الـــعلـــم جــاك مــسنّد الــوادي!
ان كــان مــاشــاف خــيرك جــلّه ودقّه
لاعــاد تــحســب حــساب الــملـح و الـزادي
مـن فـوق راسـك شـله واضـربّه الرقّه
حــــتى يــــديـــن اجـــحدانـــه كـــل جـــحّادي
الـرجـل مـا فـيه خـير الـيا مـا اخـذ حقّه
جـات الـك فـرصـه وخـير مـن الـف مـيعادي

سعود بن منيف بن نافه

01-24-2012 01:22 AM

الـــدانـــه الــمســتكــنّه فــي بــحرهــا الــغمــيق

لـــو ان عـــمري ثـــمنـــها مـــاتــغالــيتــها
لــكنّ مــن دونــها مــوج الــبحــر و الــمضـيق

أبـــا أســـبح الـــعمـــر كــلّه مــاتــحلّيــتهــا
الــيا انــفتــح لــي مــجال و جـا عـليـها طـريـق

ســكّنــتهــا فــي حـنايـا الـروح و اخـفيـتهـا
تشرف على انفاس صدري من زفير و شهيق

وتــويــق و اتلاعــب انــفاســي تــناهـيتـها
يـــاطـــيب كـــبدي لــيا قــامــت عــليّه تــويــق

فــي ســاعةٍ مــا جــهلـت حـساب تـوقـيتـها
تـــخمــد لــسان اللهب عــند انــدلاع الــحريــق

فــي خــافــقي مــا يــدخّن عــود كــبريـتهـا
دلّة غلاهـــا لـــيا فـــاحـــت و فـــاح الـــبريــق

تــقطــع عــماســي لــيا مــنّي تــقهــويــتهـا
وان كــوّنــت لــي مــن اشـواق الـمحـبّه فـريـق

كــوّنــت مــنّي فــريــق الــها و بــاريــتهــا
هـــاذي جــماهــيرهــا مــن كــلّ فــجّ ٍ عــميــق

تــهتــف بــرايــاتــها و تـشيـل مـانـشيـتهـا
دفــاعــها لــو يــقف لــي مـثل صـخرة طـويـق

زحزحت على ارضها الصخره و دربيتها
حـــتّيـــش لـــو انّ نــاديــها كــبيــر و عــريــق

جـــميـــع الاخـــطاء مــن يــمّي تلافــيتــها
وان لاح لــلنــصر فــي وجــه الـحبـيبـه بـريـق

حـــيّيـــتهـــا مــن مــعالــيقــي و هــنّيــتهــا
تــستــاهــل الــفوز و الــتتــويـج حـق و حـقيـق

الـــلي عــليــها شــموع الــشوق شــبّيــتهــا
فــي عــيونــها الــسود اغـيب ايـام و ايـام افـيق

ولا آقــف الا عــلى حــيد اعــتبــت بــيتــها
وأبــدع لــها مــن طــواريــق الــغلا مــايــليــق

شـــيّ ٍ يـــليـــق بــثقــافــتهــا و اتــيكــيتــها
هــاذي قــصيــدة غلا مـن خـاطـر ٍ مـايـضيـق

يــــقول لازم تــــسوّيــــها و ســــوّيـــتهـــا

سعود بن منيف بن نافه

01-24-2012 01:23 AM

إلى الأمــام و لا تــراجــع إلى الـخلـف
وآصل و لا تحسب حساب المسافه
مـافـيه داعـي تـزعـل و يـقفـل الـبلـف
خـابـرك مـا تـزعـل عـلى شـيّ تافه
لاهـنت قـوم إركب معي و إنقر السلف
قــدّام يــقفـل بـاب قـصر الـضيـافـه
زرق الظنون اقوى من مزارق الشلف
يـقولـه الـلي شـاف مـوته و شافه!
نـــبا نــسوّي ضــدّ عــذّالــنا .. حــلف
وإلــيا انـهزمـنا مـا عـليـنا حـسافـه
لـك الـغلا اكـبر مـن غلا الـولـف للولف
أضــفتــني .. وأنـا قـبلـت الإضـافـه
فؤادك إيّ والله لـــو مـــا تـــبا حـــلف
أحــبّ مـا حـبّه و مـا عـاف أعـافـه
مــير إن بلاك الله بـحبّ إبـدوي صـلف
لابــدّ تــعشـق فـيه حـتّى الـصلافـه
صـحيـح واحد في العدد لكن إعن ألف
مـثل الـخلـيفـه فـي عصور الخلافه

سعود بن منيف بن نافه

01-24-2012 01:24 AM

لا تـنشّد عـن قـصيـدي يـجيـب الله مطر
الــقريــحه ضـيّعـت مـدّهـا مـن صـاعـها
إنـشطـر هـاجـوس قلبي ومعناي انشطر
تــابــع الــشعّار والــلي تــحبـك ابـداعـها
والاّ انـا دوب ابحر الدرب واقطرها قطر
وآتــوسّع يـوم خـير الـدروب اوسـاعـها
جـيت لا فـالـسطـر الاوّل ولا فآخر سطر
حسب راي اهل المثايل وحسب اجماعها
مــن يــغنّي كــل قـافٍ عـلى بـالـه خـطر
مـثل مـن شـق الـسفـينـه و فلّ اشراعها‍
القصيده بيت , والبيت من شطر وشطر
والـهجـوس اتطاوع الشاعر ان ماطاعها
والـمعـاني في هذا الوقت باتت في خطر
ســلعةٍ فــالـسوق والـلي شـراهـا بـاعـها
عـلم , مـا جـتبه (قناة الجزيره في قطر)
مـن هـجوسٍ مـا يـغطّ الـخبـر مـذيـاعـها
حـرّرت في عيد الاضحى بعد عيد الفطر
والـسمـوحـه عن ردى حالها واوضاعها

سعود بن منيف بن نافه

01-24-2012 01:25 AM

بـينـي و بـين الـهوى و الجادل الطرقا

عـشق ٍ تـسيطر على فكري و هوجاسي
أغلى من اغلى قناطير الذهب و أرقى

من مستوى ماحوى هجسي و قرطاسي
بـه مـن سـعاطـير روق و منزلة برقا

مـايـحيـي احـساسـي ومـايـنعـش انفاسي
ان مـانـزل سـهم غـيره تـحت مـايرقا

حــتى لــو انّه رقى مــاحـرّك احـساسـي
لاغـاب مـاغـير اجـاوب نـايـح الورقا

والـيا حـضر حـضّر الـموّال فـي راسي
عـيون الأحـباب بـدمـوع الـغلا غـرقا

وغـصون أحـاسـيسـهم خـضرا ويبّاسي
واجـباهـهم من صواديف الزمن عرقا

مـدري هـو مـن الـرجاء ولا من الياسي
اثـر الـغلا يـسرق قـلوب الـبشر سرقا

ويـسطـي مـثل مـاسـطابي وقتي القاسي
تـحت بـحور الـهوى وأمـواجه الزرقا

لــي جــوهــره مــاجـلبـها كـل غـطاسـي
نــوّخــني الــبعــد مـثل مـنوّخ الـحرقـا

عـقب أخـذت مـع فـيافـي نـجد مـرواسي
لا لاعــني فــي غــرامـه لايـع الـفرقـا

هـو غـايـه الـروح وأغلى ربعي وناسي

سعود بن منيف بن نافه

01-24-2012 01:26 AM

الــلي عــليــها مــن الافــكار آودّي و أجــيب
مــاعــاد ودّت عــليّ و جــابـت أفـكارهـا
الــظاهــر إن الله إلــدعــواتــها مــستــجيــب
والاّ ان جـور الـزمـن بـارك على زارها
حـــرام مـــا فـــي ســلوكــيّاتــها مــا يــعيــب
غـير انّهـا مـاتـبا تـكشـف عـن اسرارها
غــريــبه ولا عــلى الـدنـيا و اهـلهـا غـريـب
لـو طـفّت وولّعـت بـإسـم الـهوى نـارهـا
طـعم الـحكـي مـن شـفاهـا مـثل طـعم الحليب
مـن مـصغـرٍ دوب مـنهـا دفـلج حـوارهـا
كلامـــها مـــا يـــملّ و فـــكرهــا فــكر آديــب
مـاهيب لحية رصيف الشمس و جدارها
أســهل طــريــقه عـليـها سـلب عـقل الـلّبـيب
واصـعب طـريـقه إلـيهـا شـعر شـعّارهـا
وإن جات للزين .. توصيفه و شرحه صعيب
مير الوكاد إن منه .. آخاف من جارها!
وآقــلبــي الــلي وقــع فــيديــنهـا مـستـصيـب
تـــخمّه ايــميــنهــا و اتــفكّه ايــسارهــا
انـا اشـهد ان الـغلا يـجرح و جـرحـه عطيب
دايــم جــروح الــمحــبّه تــبطـي آثـارهـا
مــاهــوب نــافــعك يــا قـلبـي علاج الـطبـيب
مــادامــها عــلّقــت فـي الـبال تـذكـارهـا
لــو ان لــي فــي الــمحـبّه حـظ و الا نـصيـب
مـاقـدّمـت مـع ظـروف الـوقـت معذارها
حـــبّيــتهــا حــبّ مــا حــبّه حــبيــب لــحبــيب
وضــمّيــتهــا مــثل ضـمّ الامّ لـصغـارهـا
مــع كــلّ يــوم ٍتــذرّ الـشمـس مـنه و تـغيـب
تـــزيـــد عـــندي مــحبّتــها و مــقدارهــا
قــولــوا لــها كــلمةٍ تــقنــب بــصدري قـنيـب
ان كــانـها فـي عـماهـا طـال مـشوارهـا
مــهمــا تــسافــر مـع الـدنـيا بـعيـد و قـريـب
الـــطايـــره مـــا تـــطيـــر الا بـــطيّارهــا
وان كــانــها كـابـرت و اسـتكـثرت لا تـجيـب
خــلّونــي اعــيش فـي دار ٍ مـهب دارهـا
ثــمّ اضــربـولـي عـلى دنـيا الـمحـبّه صـليـب
و لــحدٍ عــليـه يـجيـب و يـنقـل اخـبارهـا

سعود بن منيف بن نافه

01-24-2012 01:27 AM

قــصّت تــذاكـرهـا ذهـابٍ و عـوده

عــلى فــرنــسا .. رافـقتـها الـسلامـه
دار الـــفرنــسي كــل عــامٍ تــروده

وانـا يـا طـيبـي لا وصـلت الـمنـامـه
الله يـــسلّم عـــودهـــا الــلي تــقوده

وراه مــا صــيّف بـها فـي الـثمـامـه؟
يـــاخـــذ بـــها ايّام ولــيال مْعــدوده

أخـير لـه مـن مـنتـجع صـيف عـامه
حــجز مــقاعــدهـم بـفايـض نـقوده

هـي واخـتهـا الـلي دون مـنها و مامه
فـالـلي عـليـها مـن ورى ختم جوده

ســيفــين والــنخـله يـا حـيّ الـعلامـه
يــقودهــا الــلي نــعم بــه وبـجدوده

خــوالــه عــتيــبه و شــمّر عــمامــه
مــاعــاش فـي دارٍ تـصايـح قـروده

فــي نـجد عـاش ومـولـده فـي تـهامـه
والــبدلــه الـلي جـابـها مـن جـهوده

مـا هـيب بـدلة حـارس أمـن وسلامه
إشـارة الـكابتن على احدى عضوده

تـضيـف لـه عـلى الـوسـامـه وسـامه
مـا بـيّحـت كـثر الـمسـاري سـدوده

راس الـعمـل مـعطـيه جـل اهـتمـامه
مــا كــنّه الا ضــابــطٍ مــع جـنوده

مــالــه سـنه مـن حـين بـاشـر دوامـه
ويـوم أعـلن عْن الرحله ورقم كوده

وحــضروا لـه الـركّاب عـلى كلامـه
تـــــــقول وبّالٍ يــــــودّه لــــــذوده

فــي خــايـعٍ نـبتـه هـضيـد وخـزامـه
أضـفى عـلى الـمغـادريـن بـركـوده

أمـــن وأمـــان وراحةٍ وانــسجــامــه
ومــساعــده كــنّه بــنقـصه و زوده

أحــد رمــوز الــقاعــده عــند أسـامـه
شــيّك مــراوحــها .. وفــلّل وقـوده

وأمـر عـلى مـن مـعه يـربـط حـزامه
ثم انطلق .. صاروخ واحد صموده

مـن سـرعـته فـي الـقار جـاله عسامه
وعـقب شـلعـها واسـتمـر بـصعـوده

تـــقول حـــرٍّ شــايــفٍ لــه حــمامــه
ويـوم استوى والمزن حنّت رعوده

كــنّه يلاعــب بــالــجنــاح الـغمـامـه
فــهق عــنه دار الـسّعـود و حـدوده

لا تـلتـفت مـا حـولـك ابـرق رغـامـه
عــانــوه بـرج ايـفل يـنادي عـموده

بــعد اربــع الـساعـات مـن اسـتلامـه
ووسـط الـمطـار الـلي تـوافد وفوده

هـــبط وودعــهم بــنص ابــتســامــه
ثــم حــوّل الــشايــب وحـلّل قـيوده

وكـشخ بـطربـوشـه وطـش الـعمـامـه
واسـتاجـر بـقصـرٍ هـذا زيـن مـوده

مـا جـا عـلى مـودك يا راغب علامه
الله لا يــخلـي عـمرهـا مـن وجـوده

كـــانـــه مـــعيّشــها بــعز وكــرامــه
وقـايـم بـا اصـول الدين مع معبوده

وهْيَه عـلى نـهجـه مـشت بـا استقامه
يــا جــعل عـودتـها عـليّ مـحمـوده

عقب إلعَبت بي في الهوى لعب دامه
وتـسعـد مـعي فـي حـر والا بـروده

بــعد الــسعـاده فـي الـسفـر والاقـامـه

سعود بن منيف بن نافه

01-24-2012 01:28 AM

كـل مـا يطري على بالي اكتب لي قصيده

تــاهـت الافـكار مـنّي وشـاب الـقاف كـلّه
بـين الابـيات الـقديـمه و الابـيات الـجديده

اربـط احلامـي بـآلامـي و ازيد الطين بلّه
آتــعلّق فــي الـقريـبه و آصـوّت لـلبـعيـده

الــقريـبه مـابـها خـير و الاخـرى لا بالله!
لـين يـسرى الـليـل ما قلت لي جمله مفيده

امـتعـقّد و الـحبـل مـنعـقد و ازريـت احلّه
ارسـم احلامـي امـامي من شعور و عقيده

وانـطلـق لـو واقـعي مـا تـحرّك مـن محلّه
وارجع اقرى من قصيد المجلّه و الجريده

لو ماهوب اشوى قصيد الجريده و المجلّه
لـين جتني فرصة العمر في فرصه سعيده

احــتريـها مـن زمـان ٍ قـديـم و جـابـها الله
احــسبــنّه يــوم جــانــي مـدبّر لـه مـكيـده

مـادريـت انّه نـظيف و على مذهب و ملّه
اطـهر من الطهر قلبه و ريح المسك فإيده

والــرديّه مــالــها رقــم خــانـه فـي سـجلّه
مـا يـعرف الـلفـلفـه و ان مشا ممشاه سيده

وان تـوقّف مـا يقف غير في موقف مظلّه
الله الــلي جــمّلـه لاجـل يـفتـن بـه عـبيـده

طــلّتــه مــاهــيب والله تــشابـه لايّ طـلّه
جــاعــله يـفعـل بـنا مـا يـشاه و مـايـريـده

عــلّة الـعشّاق وايـضا الـطبـيب لـكلّ عـلّه
آدمــيّ ٍ مــنه كــل الــمشــاعـر مـستـفيـده

مـاحـلى مـنه الـسوالـف عـلى فـنجـال دلّه
يـاكـثر مـا قـمت اطـق الـحديـده بـالـحديده

كــلّ مــا دنّق بــراسـه عـلى قـلبـي و تـلّه
تــلّةٍ مــنهــا جــمد دمّ قــلبــي فــي وريـده

وانـقطـع شـريانه و وخّرت في اقصاه ذلّه
والــجوارح كـلبـوهـا عـلى فـعلـه شـهيـده

مــار رح لــه يــارســول الـمحـبّه ثـمّ قـلّه
يـاخـذه مـاهـوب والله عـلى صـدري فقيده

وان بـغى يـلعـن مـشيـره تـراني سامحٍ لّه

سعود بن منيف بن نافه

01-24-2012 01:29 AM

الله مــن ضـيقة ٍ فـي الـصدر كـاتـمهـا
عـجزت لابـدي بـها لاعـز صـدقـانـي
لـو أخـفي آثـاراهـا و أطـمس معالمها
تـبيـن غـصب ٍ عـلي بـنظرت أعياني
تـفضـحنـي اعـيوني اليا جيت ادمدمها
تـكشف على ماعجز ينطق به لساني
أربــع أســابــيع و الــضيـقه ملازمـها
مـافـالـعشـاشـيق عاشق جاه ماجاني
صـحيـح أسـابـيع مـن فـارقـت عالمها
لـكنّهـا فـي حـساب الـعاشـق أزماني
الــجادل الــلي عــسى ربّي يــسلّمــها
قـفّت وأنـا اقفيت يوم ان الله أشقاني
عـــز الله إنّي قــبل تــقفــي مــعلّمــها
تـنسى زعـلهـا و تـدحر كل شيطاني
لــكنّ عــيّت تــساعــدهــا مــفاهــمهـا
وتـقول بكره يجي غيري و تنساني!
أركـت عـلى لـسان كبدي حيد ميسمها
واهْيَ الـدوى اللي يعالج كل وجعاني
ياليتني ما سمعت ((اهواك)) من فمها
الــكلــمه الــلي صـداهـا فـجّر آذانـي
قــطعــني الـوقـت مـن لـذّت مـنادمـها
وأضـاف هـمّه عـلى همّي و جازاني
مـاجـا عـلى بـالـي إنّي يـوم أخـاصمها
تـقسى عـليّه ويـطلـع وجـهها الثاني
مــاهــيب عـاداتـها و الا مـن اشْيَمـها
تـرحـل و تشمت بي العذّال من داني
افـــراقـــها دمّر أحلامــي وحــطمّهــا
وصارت علي أعبر من الهادم الباني
قـولـو لـها تـجمـع أعـضاي وتـلملمها
أمــا عـلى شـانـها والا عـلى شـانـي
فـرايـض الـحب كـافـرهـا و مـسلـمهـا
تـدّيـها الاحـباب مـن مختلف الادياني

سعود بن منيف بن نافه

01-24-2012 01:30 AM

مــا عــاد أبـا حـظي ولا عـاد أدانـيه
يــــا مــــن يــــبادلـــني بـــحظٍ بـــدالـــه
ويــبشــر لـه بـحظٍ دبـل كـبد راعـيه
دايـــم وحـــظه مـــنســـدحـــله قـــبالـــه
خــويــه أزرى فـيه وأزرى يـخاويـه
عـــيّا يـــطيـــب الـــفال لا طـــاب فـــالــه
والــيوم أنـا بـعطـيه ويـنك يـابـاغـيه
قـــولـــو لـــمن يـــبغـــاه مـــني حلالـــه
والــلي يــبا يـشريـه بـريـال وجـنيـه
قـــله يـــوفـــر مـــع جـــنيـــهة ريــالــه
مـا هـوب مـلزومٍ عـلى شـان يشريه
مـــبغى مــنه مــكســب ولا راس مــالــه
قــولــو لــمن يـبغـاه هـذي مـواريـه
حـــظٍ مـــع الـــمســداح يــرتــاح بــالــه
وأسمه ترى ماهوب أنا اللي مسميه
لــه عــدة أســما مــير هــالأســم جــالـه
قـله ونـاده يـا (( مـخيـب مـناديـه ))
عـــالـــه وتـــبقى طـــول الأيــام عــالــه
هــذي تـواصـيفـه وهـذيـك أسـامـيه
تـــصرفــوا وأخــذوا عــليــه الــوكــالــه
وإن مــا لــقيــتوا واحـدٍ يـقتـنع فـيه
إرموه عني في صفيحة زباله((كرمتوا))
لا عـاد لـي شـوفـه ولا عـاد طـاريـه
وإن عـــادلــي ، يــا نــعنــبوهــا نــذالــه

سعود بن منيف بن نافه

01-24-2012 01:33 AM

قـــالــو ورى مــاتــغنّي لــك وطــنيّه
أمن الوطن ما انته ابْحاسب له حسابي
كــلٍّ بــدع لــه عـلى الارهـاب قـافـيّه
الاّ انـت مـوقـفك لا سـلبـي ولا ايـجابي
اشــغلــتنــا كــل لــيل و لــك غــزلـيّه
تـقول مـاغـيرك انـت الـلي لـه احـبابـي
قـلت ايـه مـا انتم من الناس الهواويّه
تـبنـون شـعر الـغزل من باب الاعجابي
مـافـيكـم الـصادق الا اثـنين في الميّه
ويـمكـن تـحصّل بـهم صـادق و كذّابي
وانا رومنسي واحب اهل الرومنسيّه
اغـــنّي بـــقاف شـــعري ويــتغــنّابــي
حـــتى لــيا جــبتــها واهْيَه خــيالــيّه
تـفتح على غيري من اهل الهوى بابي
والا الــوطــن لــو اغـنّي فـيه الالـفيّه
مـاتـحبـط امـخطـطات وكـيد الاحـزابـي
انــا لــي ابــعادي ونــظره ســياسـيّه
امــشي مــع الـحق وكـتاب الله كـتابـي
لـو ان راس الـعدو يـطلـع عـن الـفيّه
حـديـت لـه سـيفـي وطـرّفـت مـشعابي
مــير الــبلا مــالـهم فـي الـدار مـاريّه
جـماعة اهـل الـبلـد مـافـيهـم اجـنابـي!
جــونــا مــن الـغرب خـيّالـه ورجـليّه
تـمسـح لـحاهـا وتـفتل روس الاشنابي
اســتســلمــو لــلقــنوات الــفضــائيّه
وحـطّوا على الجرح جرحٍ ماله اطبابي
لاعـــاد بـــث الـــجزيــره والــعربــيّه
خــطرٍ مــن ارســالــها لاشـقّق ثـيابـي
بــدون شــك ان الاحــداث اثّرت فــيّه
مـاصـار فـي الدار شيٍّ يحرق اعصابي
مــن قــام فــيهــم بــتنــفيـذ الـعمـليّه
شـباب مـامـنهـم الـلي عـارضـه شـابي
دجّوا وســوّوا لــهم فــرقـه جـهاديّه
الـجسـم فـي عـافـيه والـعقـل مـنصابي
شـرذمّةٍ فـاسـده فـي ارضٍ اسلامـيّه
سـوّت مـاعـجزوا عـنه لـبّاسة الـكابـي
لامــت وقــامـت بـهجـمات انـتحـاريّه
يـاكـثر مـاراح فـي الـهجمه من ارقابي
بـحزام نـاسـف مـاهـوب حـزام جنبيّه
يالله تـــكاف الـــبلا يـــارب الاربـــابــي
حــــنا كــــعامٍ لـــهم شـــعبٍ ودوريّه
فـــدوه لـــحكّامـــنا ونــفك الانــشابــي
يــاعــيال عـبدالـعزيـز ونـارنـا الـحيّه
لـــلخـــيل خـــيّالــه ولــلنــار شــبّابــي
لاتــدعــمون الـمشـاريـع الـحكـومـيّه
والــفقـر مـحتـدنـا بـالـضرس والـنابـي
مـتنـا مـن الـجوع في عصر الرفاهيّه
وحــنا عــلى عــد يـروي كـل شـرّابـي
عــطوا رجـال الامـن مـنحـه كـرامـيّه
هـم لـلوطـن والـمواطـن درع وحجابي
يــعيـش الاسلام وتـعيـش الـسعـوديّه
دار الامــن والــسلام وضـد الارهـابـي

سعود بن منيف بن نافه

01-24-2012 01:35 AM

قـصيـدي الـلي عـلى الـمرقاب لولا صفحة الويب
مـا أبـصر بـه الـنور من تاريخه و لاحد ٍ درابه
كـنت أطـرق الشعر من باب التغزّل في الرعابيب
مـالـي هـدف غير أوصّف صاحبي جالي عِذابه
حـتّى أحـترفت القصيد و صرت فيه إستاذ و أديب
يـسهـر و يـقضـي طـوال الـليـل عينه في كتابه
أعــمتــني الـعولـمه و أعـطتـني الـدنـيا تـجاريـب
لــين إنـفتـح بـابٍ آخـر و الـغزل صـكّيـت بـابـه
بـينـي و بـين أصـدقـايـه مـا يـدور الشك و الريب
كـل ٍ على ما يخصّ اصحيبه .. أقرب من ثيابه
والاّ انـت يـالـلي عـلى الـفتـنه تـفنّن في الأساليب
لا بــارك الله فــي عــرفــك و عــلم ٍ جـيتـنا بـه
أثــرك شــاعــر و لاعـب مـعتـبر بـين الـلواعـيب
لـكنّ مـاجـيت مـع مـسلـك و مـنهـاج الصحابه
جـالـس عـلى مـكتـبك تـرسـل و تـستـقبـل مناديب
عــلم الــردا يــا رديّ الــحظ قـلّي وش تـبابـه؟
قــدّرت جــيّتــك لــي مــن بــاب تــقديـر الأجـانـيب
وبـغيـت أضـيّع و صـيّة راس مـالـي من عتابه
مـانـي مـصافـح يـميـن الـلي مـعوّدها على العيب
لـين ايـغسـلهـا عـن اذنوبه مثل غسل الجنابه!
كـسحة يـميـن الـضعـيف وردّهـا طـيبٍ على طيب
وامـصافـح الـطيّبـين أهـل الـوفـا عـزّ و مهابه
والـمعـذره يـالـصحـيب الـلي من خيار الأصاحيب
قــدّام طــرح الــسؤال و قــدم تــاتـيك الاجـابـه
شــرهة رفــيقــي عـليّ آحـدّ مـن شـلفـا تـراحـيب
و أشدّ و طأً و أذى من سيف أبو زيد و نصابه
كــتمــتهــا عــنّي و ســكّنــتهــا بــين الــمحـاديـب
وقـريـت فـعيـونـك الشرهات لو ما أبديت جابه
فــجّرت مــنهــا عــروقــي مــثل تـفجـير الأنـابـيب
وأشـتلـت هـمّي عـلى راسي و شدّيت العصابه
لـي مـثل مـالـك عـليّه مـن حـقوق و من مواجيب
هـذا و أنـا و أنـت فـي حـسبة بـني عمّ و قرابه
عجزت لا أقرى الكلام اللي وصلني في المكاتيب
لـو كـان مـانـيب جـاهـل فـي الـقرايه و الكتابه
أشـتال حـملـي مـثل شقران و أسنح سنحة الذيب
والــذيــب مــعروف فــي حِدّة ذكــاه و حَدّ نـابـه
إلــيا ســمعـته يـجرّ إعـواه فـي روس الـمراقـيب
أمّا مــن الــجوع و الاّ طــاريٍ لّه مــا يــشابـه
إن كــان مــا قــطّع الـصيـده بـنابـه و الـمخـالـيب
مـايـاكـل الـذيـب أخـوه الـذيـب يـا ذيـب الذيابه!

سعود بن منيف بن نافه

01-24-2012 01:36 AM

الــموز و الــتفــاح مــليــا الــبقــالـه

والـخوخ والـرمـان مـاعـاد لـه سـوق
والـناس جـاهـا الله عـلى الـبرتـقالـه

يـشرونها صندوق مع درب صندوق
احــدٍ شــراهــا نــقد مـن حـر مـالـه

ماهوب لا سارق ولا هوب مسروق
يصرف عليها مثل مصرف عياله

(هـذا الـصحيح وكل مطرود ملحوق)
واحـدٍ لا جـا الـراتـب ودنـدن رياله

يـاخـذ عـلى مـاقـيل حـاضر ومفهوق
كــلٍ دفــع فــيهــا مـن اغـلى حلالـه

مـوظّف الـدولـه عـلى تـاجـر الـسوق
والا انـت يـالـلي تـشكي من البطاله

والله لــتبــطي وانــت مــاذقـتهـا ذوق
تـمسـي وتـصبح وانت حالتك حاله

لالــك حـقوق ولا لـحد عـندك حـقوق
مــير اطــلب الــمعـبود جـلّ جلالـه

يـغنـيك عـنهـا مثل صالح و مرزوق

سعود بن منيف بن نافه

01-24-2012 01:37 AM

يالله يـــالـــخالــق الــمعــبود رب الانــام

الــمحــصي الـباري الـحق الـعلـي الـقديـر
الــواحــد الــفرد الالآه الــعظــيم الـسلام

الــمومـن الـهادي الـحيّ الـلطـيف الـخبـير
الــظاهـر الـباطـن الـمتـعال ذو الانـتقـام

الـقابـض الـباسـط الـعدل الـسميع البصير
الـمبـدي الـواسـع الـقيّوم مـحيـي الـعظـام

الــرافــع الـخافـض الـبَرّ الـعزيـز الـكبـير
الـحافـظ الـلي حـفظ طـيبه و بيت الحرام

الــعادل الــباقــي الــنور الــحلـيم الـمجـير
سـبحـانـه الـلي بـنور الهدي زال الظلام

مشى على نوره الهادي بصير و ضرير
اعــددت لــلمــسلــم الـجنـه و دار الـمقـام

و الـكافـر اعـدّدت له في الآخره زمهرير
مـن خـشيـتك حـاربـت عـيني لذيذ المنام

لــو نــامـت الـثلـث الاول مـاتـنام الاخـير
تــذكّر ذنــوبــها و اهــوال يـوم الـزحـام

و الـقبـر و الاسئلـه مـن منكر و من نكير
مـن رهبة الموت و القبر و ما بعد القيام

يالله تــجعــل لــي الــجنّه مـقام و مـصيـر
مـانيب عاشق ولا احب الهوى و الغرام

ولالـي مـع اهـل الـمحـبّه و الـمودّه عشير
ماعاد لي في دروب الحب شفّ و مرام

مـاغـير اضـد الـزمـان و شرّه المستطير
عـيّت تـعامـلنـي الـدنـيا بـأدب و احـترام

لا قـلت جـودي عـليّ بـخير ما جت بخير
الـرابـح الـلي قضاها في صلاه و صيام

والــخاسـر الـلي مـن الـثنـتيـن دايـم فـقيـر
مـن لا حـكم وقـفتـه بين الرضا و الملام

الـنفـس يـخلـف تـوازنـها سـماع الـصفير
دايـم تـحث الـفتى الـمفـتون لاكـل الحرام

والـبدو مـاعـاد يـشبعها التمر و المضير!

سعود بن منيف بن نافه

01-24-2012 01:38 AM

الله و اكـــبر تـــطوّرت و كـــبر مــستــواك
واصــبحــت شــاعــر كـبيـر ونـاقـد الله لـنا
الــــعام كــــنّا نــــمرّك مــــا نــــسلّم علاك
ولا اذكــر انــك تـشرّفـت و جـلسـت إمْعَنـا
والــيوم مــاعــاد بــاقـي غـير نـطرد وراك
ونـــقول لازم تـــقهـــوا الـــقابــله عــندنــا
وانــت الــحقــيقــه فـقيـر وفـارغـاتٍ يـداك
ولا لك مع اهل الوفا و الطيب سيف و قنا
اشوف صار الك ماشاء الله نظام اشتراك
فــي بـثّ الاعلام مـع نـوره و نـوف و رنـا
رزّوك واصـبحـت رومـنسـي و حـلو ٍ نباك
وعــنّيــت عــندك جـماهـيرك يـالـيل الـعنـا
وانـكرت ابـوك وجماعتك و جميع اخوياك
آثــرك ضــنوة خــساره نــعنــبو ذا الــضنـا
ان كــان غــرّك قــصيــدك بـين هـذا وذاك
الــلي بــنا مــا هــدم و الــلي هــدم مـا بـنا
تـرى قـصيـدك وصـنفـه مـثل صنف البلاك
نــوعــه مــحرّم وحـكمـه مـثل حـكم الـزنـا
يـعنـي عـلى شـان مـا ازعـلّك واقلع مداك
مـــافـــيه داعــي تــخرّبــها و تــبلــش بــنا
انـــا تـــرانـــي هــذا لا تــحســبنــي هــذاك
هـــذاك مـــاهـــوب انـــا والله وهــذاه انــا
مـــدري تـــبانــي هــنا والا تــبانــي هــناك
والا تــبانــي عــلى شــانــك هــناك و هــنا
ان كـان فـي نـفسـك انـك شـاعـرٍ ماسواك
تـــراك لا شـــيّ بـــالـــنســـبه لـــنا كـــلّنــا
مــن غّرتــه نــفسـه ودنـياه شـاف الـهلاك
يـــابـــن آدم اخــر حــياتــك كــلهــا لــلفــنا
ان كــان حـققـت مـطلـوبـك و غـاية مـناك
لا بـــد تـــثنـــي عــلى ربّك جــزيــل الــثنــا
مـار اشـكر الـواحد المعطي على ماعطاك
تــراك عــن ربــك الــمعــبود مــالــك غـنا

سعود بن منيف بن نافه

01-24-2012 01:39 AM

راكــب الــلي مــا يــحرّك طـارتـه سـوّاقـه
غــير لا ســافــر و زهّب عــزبـته و قْهَوتـه
ان دعـس لـه كـنّه الـصاروخ عـند اطلاقه
وان مـسك لـه كـن وسـطه قـنبـله مـوقوته
لــو درابــه عــالــم الــذرّه وزيــر الــطاقـه
يـمكـن ايـشطّب عـلى اوراقه و يلغ اكروته
جـيب لـكزس هـالـسنـه تـوّه صدر بأوراقه
كــاتــبيــن مــميــزاتــه كــلهــا فــي الـنوتـه
قــبل عـام الـفيـن والـستّه مـحد قـد سـاقـه
ولا ورد عــند الـجمـيح الـلي يـغبـط فـروتـه
مـركـب الـلي مـايحسب لقيمته في اسواقه
مــاركــبه الـلي سـرى لـيلـه عـلى بـيلـوتـه
ابــيضٍ يــاقـرب لـونـه مـن حـليـب الـناقـه
انــسيــابــي فــي ركــونــه وارثــمٍ كــبّوتــه
نــور شــمعــاتـه عـلى خـد الـدجـا شـعّاقـه
ولا يــكذّب لــمبة امــبيــره عــيار ازيــوتــه
كـنق في الديره وفي الصحرا يطيب اوفاقه
وان عطا الرمله سبح معها سوات الحوته
صــنعة الــلي مــاردع ديـنه فـساد اخلاقـه
حـط تـقديـر الـحيـا و الـديـن تـحت اسـبوتـه
مــايـكيّف راسـه الـبنّ الـخضـر واحـراقـه
كــيف راسـه ربـع قـاروره مـن الـمكـبوتـه
نــحّره دار الــحبــيب الــلي فــوادي شـاقـه
كـــن قـــلبــي مــايــدق الا عــلى ريــموتــه
جــادلٍ يــاحــلو مــنطـوقـه وحـسن سـياقـه
لا تــحدّث بــالــحديــث وجــر بــحّة صــوتـه
دق قـــلبـــي مـــثل دق الــعبــده الــطقّاقــه
ولا يـــهيــد الا لــيا زرتــه وشــفت بــيوتــه
آخــذٍ مــن كــل زيــنٍ بــاهــر اســتحــقاقـه
مــالــكٍ عــرش الـجمـال وحـجّتـه مـثبـوتـه
عــوده دقــاق و طـواريـفه مـاهـيب دقـاقـه
الــخصــر مــثنــات دلّه و الـشفـايـف تـوتـه
وإلــه خــدٍ مــثل بــرق الــمزنــه الــبرّاقـه
وبــين مـعسـول اشـفتـيه الـدرّ و الـياقـوتـه
والـــمعـــنّق عـــنق ريـــمٍ جــفّلــه تــفّاقــه
واسـتدارت عـنه خـلف الـصخـره المنحوته
والــعيــون عــيون حــرٍ مــا يـبا مـسبـاقـه
فــيد صــقّاره وعــينــه فـي عـشاه و قـوتـه
والـكفـوف انـعم مـن انـعومة زهور الباقه
وشْعَره يــشدي سـبيـب الـمهـره الـمفـلوتـه
والجبين اللي يشادي الصبح وقت اشراقه
كــل مــامــرّه ســواد الــليــل قــام يــشوتـه
جــعل ربّي مــا يــذوّقــني عــذاب افــراقــه
ويـحفـظه لـي مـا يـعجّل فـي الـحيـاه بـموته

سعود بن منيف بن نافه

01-24-2012 01:41 AM

لاح بــرق القصـيـد وراعــده دنّــي

فوق حدب الضلـوع وقـام يسقيهـا
مـن هجـوسٍ مطرهـا لا سبلهـنّـي

اغرق اضلوعـي اسفلهـا باعاليهـا
احيَـت عـروق قلـبٍ مَيـت واحيّـنّـي

لـيـن دار القريـحـه ســال واديـهــا
يازمـان الشقـا خلـك عـلـى ظـنّـي

ليه تخطي علـى روحـي وتشقيهـا
مثل مـا اعاملـك بالطيـب عاملنّـي

وخاونـي فـاول الطـرقـه وتاليـهـا
حس وارفق على قلبي وجاملنّـي

وادرس اوضاعي وحسّن دعاويها
انطـح اعـداي معـي وحدّهـا عنّـي

مثل ما انت بعلـيّ اعـداي حاديهـا
لـي سنـه كامـلـه مانـيـب متهـنّـي

مـن عنـا ايـامـي الغـبـر ولياليـهـا
عقب ما كنت اخاو الذيب والجنّـي

والاوادم مـا ناديهـا بــا اساميـهـا
انـتـخـن ســـود الايـــام وتـحـدّنّـي

لين وقتـي علـى الصابـر عطانيهـا
فرق بين الدمـوع وضحكـة السنّـي

ومـن يـدوّر عـلـى الثنتـيـن لاقيـهـا
لــو يفـيـد التـمـنّـي كـــل متـمـنّـي

ماغـدت حاجـه مـن ايديـن راعيهـا
مابقـالـي مـــن الـدنـيـا ولا مـنّــي

غـيـر الاحــلام وعـيــونٍ تراعـيـهـا
والعـديـم الـلـي بفـرقـاه شاحـنّـي

عفـت مـن بعـده الدنيـا ومـا فيـهـا
سلّـمـولـي عـلـيـه وعـلّـمـوه إنّـــي

نـار عمّـار مــن فـرقـاه اصاليـهـا
كـل بـادي نهـار اضحـك يذاكـنّـي

مثـل مـا قـيـل حاميـهـا حراميـهـا
وان ضوى الليل قمت آنوح وآونّي

مـن همـومٍ علـى صـدري مضوّيهـا
ازعـج الصـوت تـال الليـل وآغنّـي

(جمرة النار تحرق رجـل واطيهـا)
لا يخلّيـنـي الـيــا جـيــت متـعـنّـي

نـازحٍ عـن غثـا الديـره واهاليـهـا

سعود بن منيف بن نافه

01-24-2012 01:42 AM

وآشـيب عـينـي مـنك يـاللي كل ما قلت اهتديت
قامت عواصيف الشكوك اتقول ابك واتقول ابي
مـن دافـع الـغيـره تـكلـمت بكلامك .. وانتحيت
والـغيـره الـيا دبّت بـعقـل الـذكـي .. عـوّد غـبي!
عـز الله انـي فـي الـخيـانـه لا كـتبـت ولا قريت
وعــن الــخيـانـه تـكرم اقلامـي و يـكرم مـكتـبي
انـا بـسوق اهل الوفا كم بعت فيه و كم شريت
والـيا خـسرت اخـسر ويبقى راس مالي مكسبي
لا تـتهـمنـي بـالـخيـانـه .. وانـت عني ما دريت
لا وآحــسافــه كــان مـا قـدّرت جـهدي و اتـعبـي
رميت باوراق البلوت وجزت عن بنت السبيت
وجــافـيت خلانـي و صـدقـانـي و سـاحة مـلعـبي
و وقّفـت لاعـداك وتـحيزمت بحزامي وانتخيت
وصـدّيـتهـم واطـلق شـنب عـلّقـته بـراس اشنبي
كـله عـلى شـانك يابو صوت ٍ دعاني له وجيت
تـسرقـني اقـدامـي لـصوتـك تـقل سـابـينـي سبي
بـنيـت لـك في داخل اعماقي من الاشواق بيت
وهــدّيــت كــل الــلي بـنيـته .. بـالـكلام الـجانـبي
عـكّرت جـوّي بـالـسفـر لدبي وانته في الكويت
وشـلون لـو انـك بـجنـبي .. كـان شـتّت اشـعبـي
ولا اكـتفـيت إبـها وجـبت الـغايـبه فيّ و سريت
لـيتـك مـخلـيهـا عـلى الاولى .. وسـافـرت لـدبي

سعود بن منيف بن نافه

01-24-2012 01:43 AM

يــــقــــول مــــاجــــد الــنــصــيـــف

يـوم إلـك خـبره يـارحـيّم وش الراي
قـلّي مـدامـك عـشت نـفس الـمعـاناه
فـي عـاذلٍ عنها حداني على أقصاي
الله يـــخيّ إنّه يـــحدّه عـــلى أقــصاه
الـبنـت مـوت وكاش من عايله هاي
لاقـــالــت آه الــكل مــعهــا يــقول آه
وأنـا بـدوي عـايـش عـلى كـد يمناي
لافـطرت مـا ألقى من الفقر ماتعشّاه
قـفّيـت عنها غصب ماهوب برضاي
ولا كـــل رجـــلٍ يــدرك الــلي تــمنّاه

قــــــــــــــــــــــــلــــــــــــــــــــــــ ت

الـيا شـكى قـلبي دعا ساير اعضاي
وتداعت اله اعضاي سهر ومراعاه
لاتــشتـكي لـي يـاذخـر راس غـزّاي
إثــنيــننـا نـحتـاج عـطف و مـواسـاه
كان الوضع مازان في وقتك الجاي
جـنّب عن المجنون و الذيب و الشاه
انــا لــحقـني ضـيم مـع غـاية مـناي
مـــايـــنفـــع الــمجــروح لا وآحلالاه
غـروٍ سلامـه هـاي و مـوادعه باي
مـاقـد شـكى مـن جور و قته و دنياه
عــنه حـدانـي عـود ٍ اقـشر و زرّاي
عــساه لــلحــادث وأنـا اسـتغـفر الله

سعود بن منيف بن نافه

01-24-2012 01:44 AM

إن كــان زعلان عــلّمـني و اراضـيك
وان كـــــان ودّك تـــــغلاّ لا تــــغلاّ
تــراك لازلــت غــالــي عــند مــغلــيك
نـجمك سطع في سما الحبّ و تعلاّ
انـــا لـــقيـــت الـــمحــبّه كــلهــا فــيك
لا والله الاّ مــــــــــــعك لا والله الاّ
اي والله انـــي مـــوّلـــع فــيك وآبــيك
لا تــحســب انّي مــنافــق و آتـسلاّ
قــلبــي مــاغــير ايــتحــرّاك ويـناديـك
مــافــيه داعــي تــجافــيه و تــخلاّ
خـــلك مـــعي لا تـــروح الله يـــخلّيــك
مـامـات راس الغلا اللي معك ظلاّ
ان جـــيتـــني مـــرحــبا والله يــحيّيــك
مــا رحّب الــقلـب فـي حـبّك و هلاّ
وان رحت ماهي من شيمك و مباديك
ما انساك مهما حصل حاشا و كلاّ

سعود بن منيف بن نافه

01-24-2012 01:46 AM

يـابـعيد اقرب واخذ مني رؤوس أقلامي
والله انــي مـازهـمتـك غـير لأمـر ضـروري
واسـتمـع فـي مـا يـقول رحـيّم الـغنـامي
وخـل عـنك الـلي مـع الـشارع يـدق البوري
والله انّا مــانــحب الــصاحــب الــلّوامـي
وانــت رجــلٍ بــالـعلـوم الـطيّبـه مـذكـوري
قـال الاوّل يازعم حمض الرجال اعلامي
وانت اخذ علمي لوانّي به جرحت اشعوري
يـختـلف عـامـك هذا عن ساير الأعوامي
نـــادر الأحــرار فــيه يــنشّه الــعصــفوري
مـنتـه ابـناجـح وهـذي بـصمتي ببهامي
لـــو تــجي قــدّام والا فــآخــر الــطابــوري
دام راع الـواسـطه يمشي على الاقدامي
اطــلب الله فـالـصعـيبـات امـره الـميـسوري
لـو لـبسـت عـقال فوق شماغك البسّامي
والله انّك مــعه لا نــاصــر ولا مــنصــوري
واســطه والــواسـطات مـقدّمـه قـدّامـي
غـير فـي شـرع الـهوى مـاللوساطه دوري
الـهوى سـيفٍ عـلى الـحكـام والـخدامـي
مـــاتلاحـــظ فــيه لا نــاكــر ولا مــنكــوري
اخــذ مــنّي نـبذةٍ يـامـسنـدي وحـزامـي
عـن هـواي وصـاحـبي والـكدلك الفسفوري
دام جــيت بــسيـرة الـعشـاق والـهيّامـي
مـاذبـحنـي فـي الهوى غير الجمال الحوري
طـفلةٍ تـرمـي بـعيـنٍ مـثل عـين اقـطامي
اشـهد ان عـيونـها تـبحـث خـفا الـمستوري
الــعيـون الـلي عـليـنا يـطلـقن اسـهامـي
والله انـي مـن صـواب اسـهامها مخطوري
اذبـحتـني بـالـعيـون السود ذبح اسلامي
واتــركــتنــي بــين زمـات الـنهـد مـقبـوري
واخـلفـتنـي واخـلفـت فالقلب جرحٍ دامي
مــايــطيــب الــجرح لـو جـبنـاه لـلدكـتوري
واحـكمـتنـي حـكم مـاحـكمـوبه الحكامي
اشــهد انـه حـكم لا شـرعـي ولا دسـتوري
واشغلتني مع هلا الكوره وكابتن سامي
واســتعــادت ذكـريـات اللاعـب الاسـطوري
آخـذٍ لـه دعـم جـمهـوري ودعم اعلامي
كــانــها عـند الـجمـاهـير أسـمعـه جـهوري
هـي هلاليه وانا اصفر وازرق الاعلامي
والــعلاقــه مــاتــوتــر لـين يـبدا الـدوري!!
حـسبـي الله مـالـحبـه مـعي غـير ايـامي
والله انــي مــاتــقول الا مــعه مــسحــوري
ودّي ارفـع فـيه شـكوى لـلمـقام السّامي
كــيف طــوّعــني بــحبــه مـكرهٍ مـجبـوري

سعود بن منيف بن نافه

01-24-2012 01:48 AM

هـيه ياللي من الضيقه تجي و تروح
هــدّ نـفسـك قـبل لا نـعلـن الـثوره
الـتغـطرس تـرى مـالك معه مصلوح
لي متى وانت نفسك فيك مغروره
حـاول إنّك تـداري خـاطـر الـمجروح
بـتّ فـيه و تـبات النفس مسروره
مـاغـرق من ركب داخل سفينة نوح
يــاغـريـق الـغرام و غـبّة بـحوره
كان تدري وش المذموم و الممدوح
كـلهـا فـيك مجموعه و محصوره
قـف قـبل لا تـعدّى حـاجـز المسموح
إنـتبـه تخرج المجروح عن طوره
بـابـك أمّا أغـلقـه و الاّ إتركه مفتوح
لا تـعلّق مـواعـيدي عـلى سـوره!
قـلبـي الـلي مـن اشواقه عليك يفوح
راح مـثل اللهب فـي راس تـنّوره
كـن آهـازيـج صـدري لابـغيـت آبوح
الـجمـاهـير داخـل مـلعـب الـكوره
إيـه زيـن و عـلى زيـنك بـعد مملوح
مـا انـته إبواحدٍ ما ينشرب سوره
مــير فــنّ الـتعـامـل داخـلك مـذبـوح
والـمشـاعر و الآحاسيس مقبوره
زيـنك الـلي عليك و صوتك المبحوح
عَقّب الأربـعيـن .. ويـنتـهي دوره
الـجمـال الـحقـيقـي فـي جمال الرّوح
لا يغرّك جمال الصوت و الصوره

سعود بن منيف بن نافه

01-24-2012 01:49 AM

لاتـنشـديـني عـن اسـباب الـبطى والغياب

حــتى انّي ألـقى مـن الأعـذار عـذرٍ غـزيـز
أحـتاج لـك مـثل مـا أحتاج الغذا والشراب

ولا أقــدر أصــبر بـدونـك لـوّ وقـتٍ وجـيز
لــكنّ يـا للإسـف غـرّوك بـعض الـشبـاب

وأجــازوا أشــيا عــليــنا كــلّهــا مــا تـجيـز
راحـوا لـيا بـاب بـيتـك وافتحوا معك باب

وضالوا مثل ضولت العسكر على باب ميز
وشـمتـي لأبـوزيـد يا عين ابن غانم ذياب

لــو عـزّ لأجـلك ذلـيل وذلّ لاجـلك عـزيـز!
بـعتـي هـواي ومـحبّتـنا بـرخـص التراب

والله ولا ســعر عــلبة شــاهــي الــبنــتلــيز
مـا عـاد أنا بحاسبٍ لك عقب هذي حساب

وأشــكي للأمـير : سـلمـان ابْن عـبدالـعزيـز
خلاص مــابــينــي وبـينـك ملام و عـتاب

مـاعـاد فيها خلاص ,أرجوك , تكفى , بليز
قرّرت أجازيك وأعلن من هواك إنسحاب

مـثل إنـسحـاب الـبطـل هـتلـر مـن الإنـقليز
دنــياك مــانــي بــعايــشهــا بـهذا الـعذاب

سـجّلـت مـنهـا الـخروج و تـم مسح الكوكيز

سعود بن منيف بن نافه

01-24-2012 01:50 AM

أســرفــت بـعْتـابـك وحـطّمـت الأسـعار
في سوق (لو مانيب احبّك ما اعاتب)
لو هو ماغير القصد نصرف لك أعذار
صــرفـتهـا لـك مـثل صـرف الـرواتـب
مــير الـبلا تـعتـب عـلى شـي مـا صـار
وتــقول لــي حــق الـعتـب والـمعـاتـب
مـــاعــاد تــنفــع مــعك صــفّارة إنــذار
نــويــت أبـيعـك حـبّك أمـش انـتكـاتـب
الــعام جـيت وفـي يـدك صـك الاعـسار
تــشكــي وتــنخى كــل قــاري وكـاتـب
خــذتــك ووظــفتـك مـعي سـر وإجـهار
فــي مــرتــبه مـن عـالـيات الـمراتـب
وأجّرت لــك فــالـقلـب (شـقّه للإيـجار)
مـا اجّرتـكيـها عـن طـريـق الـمكـاتـب
ولا اخـذت مـن جـيبـك ولـو ربـع ديـنار
وســقت الْك مـنّي فـوق راتـبك راتـب
والــيوم يــوم انّ الــزمــن دار وانــدار
تـــنتــبنــي ابــهرجــه وللهرج نــاتــب
الــقلـب مـاهـو فـي يـدك, يـدك والـحار
حــبّك نــفضــته مـثل نـفض الـمراتـب
مـــاعـــاد لــك عــندي مــعزّه ومــقدار
الــفرض يــفرض والـرواتـب رواتـب

سعود بن منيف بن نافه

01-24-2012 01:51 AM

يــا هــجوســي ورّديـني عـلى الـعد الـزلال

الــعدود الــصافـيه جـمّهـا مـا اروى مـنه
وإطـلعـيبـي لـين اعـدّي على روس الطوال

كـل عـسر مـن المراقيب ما عنك و عنه
الــقمــر تــال الـشهـر و اوّلـه يـرجـع هلال

مـن جـحدهـا يـقدر يـراجـع شهور السنه
مــاحــدٍ فــي الــوقــت كــامـل و لله الـكمـال

لو عطاه الله على الارض ملك و سلطنه
الــكرامــه لــلريــاجــيل عــزّ و راس مــال

إلــعن الله مــن يــفرّط بــها مــيَة إلــعنـه
قـام يـصفـقنـي بـها الـوقـت مـن جـالٍ لـجال

ويـتمـثّل بـي عـلى زيـن طـرقه و إلحنه
كـل مـا كـوسـر لـحونـه عـلى راسـي و قال

قـلت لـه (صـح الله لـسانـه و صح بدنه)
بــيّض الله وجــه الايّام مــع ســود الــليــال

عـلّمـتنـي كـيف اهـيجـن عـليـها هَيـجنه
وإرتــكي لـلحـمل لامـنّ حـمل الـوقـت مـال

وآقــف لــجور الـليـالـي و ظـلم الازمـنه
آتـــجبّر و آتـــصبّر مــثل صــبر الــجمــال

فـي عـيون الـناس و أحفر لهمّي و أدفنه
وألاّ أنــا لأقــبل عــليّه مــن الــقبــله خــيال

و لاح بـرقـه و الـرعـد فـيه جـالـه دندنه
يـصفـقه صـلف الـهبـايب عن عيوني شمال

و الـمطـر لا طـاح كـلٍّ له إستاق إضعنه
لا بــدالــي لازمٍ عــند شــرهــين الــرجــال

أشـرحـه بـإسلوب و إبلا إرتباك و كنكنه
ما أشرح أوضاعي لأحد لين يفتح لي مجال

أعـرف سـلوم الـريـاجيل والحق اضمنه
مـاتـعوّدت أخـضع الـراس و أبـدي بالسوال

غــير لله مــالــك الــملـك وإلـه الـهيـمنـه
جـلّ سـبحـانـه عـلى الانـس و الجن و تَعَال

تــخضــع لــجلالــته كــل نـفسٍ مـومـنه
حـــرّم الـــحَرَام و آحـــلّ لــلنــاس الــحلال

و حـط مـع هاذي و هاذيك سيّه و حسنه

سامي العتيبي

01-24-2012 12:59 PM

صح لسان الشااعر رحيم وهو غني عن التعريف

سعود بن منيف بن نافه

01-25-2012 01:19 AM

أشكــــر كل من مر من هنا

+4. الساعة الآن 10:34 AM.

جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط

2 3 9 11 15 16 19 20 21 25 26 27 30 31 32 37 38 39 41 42 43 46 49 53 54 55 58 59 60 66 69 70