|
جهازك ما فيه غيــر الجووووووووع !!!
وش رايكم في ما يسمى ( الهكر ) ؟ البارح كنت فاتح منتدى الغنانيم وفاتح الماسنجر , وفجأه وليا واحد معرفه دخل الماسنجر بسم ( دكتور هكر من مكان غير معروف في الويب ) مدري من وين ظهرلي !! المهم ويبدا يسولف معي , قال ( انت غنامي , اشوفك فاتح منتدى الغنانيم ) ؟ !! وياخذ شوي وهو يقتبس بعض كلامي وانا اسولف مع واحد في الماسنجر !! انا دريت ان الموضوع تهكير وان اللي يهرجني قد هكر الجهاز ! المهم قلت انت من وين ظهرت ووش تبى ؟ ولا عطاني جواب مقنع الا انه قال انا كل يوم ادخل على جهازين ولا ثلاثه من اجهزت الناس ادوج فيها و اذا تبي تعرفني اكتب في قوقل ( دكتور هكر ) ,, ورحت للعم قوقل وكتبت اسمه ولقيته معروف في الشبكه العنكبوتيه بالتهكيير وله دروس تعليم في الهكر وله مقاطع في اليوتيوب تهكير !! المهم الرجال خربها معي وخربتها معه ثم قال لي ( و الله لو ما تسكت لخليك تشيل كمبوترك حديده !! ) :flex: قلت لا اسكت ولا افتح فمي داااايم بس انت تفارقني :o و الله يالربع ان كني اهرج لي جني :) المهم قال لي لا تزعجني ولا تفصل الاتصال , ثم فصلت الاتصال ورجعت ثم ظهرلي من جديد و قام يتلفظ بكلام وانا مقدر ارد علاه خايف انه يعطب الجهاز :o المهم اخذ شوي وقال لي ( جهازك ما فيه غير الجووووع ) !!! قلت غنامي والله ما تلقى وراي شي ولا انفعك بشي :shiny01: المهم راح يتلفظ يبا يرفع ظغطي علشان يلقى له سبب من اجل يعطب الجهاز المهم تحملته شوي ثم قال انا طالع ولكن ابا ازور كمبيوترك عن قريب انتظرني !! قلت الله ( لا ) يحيييييك في اي وقــت :d في اخر الكلام قال ابا انصحك نصيحه << << ما تعرفله نوب ينصح ونوب يهدد :) كانت نصيحته ( لا تسجل في المنتديات بإيميلك الشخصي ) انا استغربت من نصيحته .! هل يستطيع ان يدخل على لوحة التحكم وياخذ ايميلي ؟!!! ثم طلع وهو يتوعد بالرجوع عن قريب .. مدري وش سلقطه علي بالذات ,, ثم طفيت الجهاز وقضيت الليله بدون نت بعدين الهكر معه سلطه ما تقدر تناقشه يعطب الجهاز ولا يجيب لك مطمه :mad: حبيت من هالموضوع ان اتناقش معكم حول قضية التهكير , و التطفل على اجهزة الخلق !! هل هذا منطق ؟ وهل من الاعضاء سبق و حصل له مثل ما حصل لي ؟ احترامي للجميع. |
لاحول ولا قوة الا بالله وش يبغابكـ هو
تقبل مروري |
بالنسبه لي انايابوعيدماقدصارلي كذالاني عليمي مبتدي بعالم التكلنوجيابس الظاهربحطلهم كمين فخ تقبل مروري
|
هذا يبغى له ربط عشان مايجيلنا الله يطول في عمره ===> الذلّه :d
والله يبو عيد ان جهازي مثل جهازك مافيه شي وصارتلي سالفه اضافني واحد قبل فتره وجلسنا فتره نسولف وكذا اثر الامحق يفتش في جهازي وانا مدري ومادريت الا يوم يقول العود هذا من اثره شاف صورة جدي مشعان الله يرحمه عندي في جهازي دريت انه هكر وعطيته بلوك وديليت كبر راسه وطفيت الاتصال والظاهر انه اجودي ماسوى فالجهاز شي وبالنسبه للهكر ودخولهم اجهزة الناس ومراقبتها أعتقد انه عمل غير مشروع وترى عليه عقوبه قانونيه وشكراُ يبو عيد |
هههههههههههههههههههههههههههههههههههههه
ول عساك للذهاب ابك تسيف يتسلط عليك من بد الخليقه !! تراني اعرف هكر غنامي والله يفتـح الكميرات ويتفرج في خلق الله وهم ما يـدرون مار نبا نرسله عليه ونخليهم ينشبون ببعض النه هو الي مهكرك خخخخ المـهم انك لازم تغير ايميلك عشان يضيعك والطريقه هذي مستفزه والحمدلله انها ماعمرها صارت لأني ما اسجل في المنتديات الا بإميل وهمي , عشان افتك من الغثى ولا لو يجيني هكر على طول يعطب جهازي لأنـــي ما اتحـــــمل حركاتهم الله يسامحهم ما تشوف شر يابوعيد |
يابوعيد غير ايميلك وان شاء الله ان الله يبعده عنك
|
هههههههههههههههههههههههههههههه
ابو عيد الله يعينك بس فيه مثل يقول من حبك ابتلاك وانت محبوب يابو عيد ههههههههه بالنسبه للتطفل هذا الشخص مبدع ويبغى الناس تشوف ابداعه ويدٍ ما تقدر عليها صافحها احترامي |
هههههههههههههههههههههههههههههههههههههههههه
ابو عيد ليته يجي ويفتش جهازن خابره كله همل شين غفال وشين بوسوم جابيه حشو الغرابه والنجيل ومداسيس -- و فواطرن يادوب تسمع رغاه كل الود والاحترام |
هههههههههههههههههههههههههههههههههه
ابو عيد اثرك رحت طعام جحوش هههههههههههههههههه لازم تعلم كيف تحمي جهازك من المتطفلين ببرامج حماية وفحص اسبوعي وحذف ملفات التجسس بعدين اتوقع رفيقك هذا مهايطي بس لقاك مستغرب قال خلني اروعه ههههههههههههه ايميلك غير رقمه السري او لاعاد تعامل معه غيره بالمره تراه بلاش لاتخلي النخولي هذا يطقطق علاك دايم وعساك سالم انت وجهازك دايم تحيتي . |
سامي العتيبي ,,
انا ادري :) لا هنت على المرور و على التعليق. |
صديقي شكلين
ان شاء الله يصير لك اللي صارلي :) هههه لا هنت على المرور و التعليق وشكرا لك. |
مبارك حمد
اشوى اني لقيت واحد صار له مثلي :) واحسن ما سويت انك طردته وفصلت الاتصال وبعضهم اجودي يفهمها وينقلع وبعضهم علة نحر:) لا هنت على المرور و التعليق ولا عدمتكــ . |
انت تشوف يا سمو الذات
هو الضاهر ما درى اني اجودي ما اذي حتى ثوبي ولا كان ما جاني :d بعدين انا واثق انه مهو هو اللي انت تقصدهـ لان الغنانيم ازين ما فيهم انهم ما يذون احــد :p شكر لمروركـــ وتعليقكـــ ولا عدمت تواجدك يالقرم. |
ابو فايح جعله ما يجيك الا :)
شكرا لمروركــ وتعليقكــ ولا هنت. |
ههههههههههههه عيون الصقر
ايه حب ٍ بزووود ههههههههه وصدقت في كلامكـــ و المشكله اني طلبت مصافحته وعيـّـا :) ههههههه لا هنت على المرور و التعليق ولا عدمت تواجدكـــ يالقرم. |
ههههههههههههههههه
ابو ثامر كنك توصف جهاز ابو فيصل ولا لا ؟ هههههههههههههههههه لا هنت على المرور و التعليق ولا عدمت تواجدكـــ وجعله ما يجيك ان شاء الله الا ان كان جبت لك همل وحطيتهن في كمبيوتركــ ههههههههههههه |
( ابو سعود تصدق اني ما آمن حقين المحاوره ههههههههههههههههه )
و الله معرف للحمايات هذي يبو سعود لا قل مهايطي لقاله رخمه هههههههههههههههه لا هنت لا هنت يبو سعود وجعله ما يجيك و الله يسلمك يبو سعود وشكرا لمروركـــ وتعليقك الراقي و لا عدمتكــ يالذيب. |
| +4. الساعة الآن 12:58 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط