|
اللي يباله دفاء يقرب ويلقاء الدفى
مساء الخير للجميع
سلام ياصل قريب الدار قبل البعيد=من خاطرٍ منشرح ما يحمل الا الوفى الليله المنتدى يشعم بقافٍ جديد=واللي يباله دفاء يقرب ويلقاء الدفى |
وينكم ياللي تبون الدفاء
كل هذا خوف من عيون الصقر <<<< مثير فتن عيون الصقر مبدع لا عدمناك |
صح لسانك ياعيون الصقر
ننتظر الشعار الافاضل |
يا مرحبا ومسهلا :)
يا مرحبا عد نوح الورق فوق الجريد = من هاجس ٍ عادته ينحت بصم ّ الصفى شبيت ناري و انا ناري حبطها حديد = مانيب محتاج نار اللي بسدّ الخفى |
ايه يا نواف عندكيه وانتبه تراه يعرقش هههههههههههه
صح لسانك يابو عيد متابعينكم لا عدمناكم |
اذا عرقش يا خذ كرت احمـر ههههههههه
صح بدنك يبو رامي ولا هنت على المتابعه متابعتك تهمنا ... |
دام البقاء لا تحسـبنك لحالك وحيد
غيرك سبح في بحور الشعر لين اكتفى شبيت ناري وفي يمناي سيف" حديد حده يقص الـحديد الـصلب وجه وقفـى |
ابو رامي سموالذات
شكراً على المتابعه ولاهنتو والمعذره على التاخير |
شاعرنا نواف المعذره على التاخير وصح لسانك
ومستمرين |
الله اكبــر
ليل ٍ يجيبك هنيا عندنا ليل عيد = وانته وانا فالمواقف من زمان احلفى يهل البنوك الثلاثه وش بقى من رصيد = يوم الحرامي علاكم في وعوده وفى |
.
. صحت السنتكم ،، عيون الصقر ونواف والله انكم مبدعين جدا جداا و ،، يا اهل البنوك الثلاثة وش بقى من رصيد ،، هيا عاد علمنااا ياعيون الصقر :) تحياتي ومتابعتي باذن الله اخوكم : سلطان .. |
يالله حي الربع كلهم و معذور يا عيون الصقر وصح بدنكــ :)
وصح بدنك يبو ديما ,, و الابداع تواجدكـــ يالغالي بس هيا عاد امسك صفي ...:) متابعتك تسعدني و تشرفني اي والله .. |
صح السنت شعارنا المبدعين , وترانا لكم هاليل متابعين
|
8
8 8 يا عيني على السجع ههههههه صح بدنك يا رسام ومتابعتك تسعدنا لا هنت على التواجد. |
سلطان خلك بصفي
ولاني معلمك:shiny01:
ايامك الماضيه ما عاد يمكن تعيد=لكن حاظر بحاظر دام جوك صفى إن كان تبغى الحقيقه بختصارٍ مفيد=الحق نوره على مر الزمن ماطفى |
:d
فايامي الماضيه و اليوم راسي عنيد = و اليوم ابا اكحل عيونك كان مالله عفى ان كان ما صار فالاشوار شور ٍ سديد = ما عاد تلقى على ظهر الذلول اردفى ! |
عيووون الصقر صح لسانك شاعر مبدع , نواف الغنامي مافيك حيله وصح لسانك
متابعين معاكم للاخر |
يا مرحبا يا رسام
صح بدنك ولا هنت على التواجد يالقرم |
:shiny01:
ما اشوف راسك عنيد اشوف قلبك بليد=اللي حصل لك من عيون الصقر ما كفى وقت اللوازم على الميقاف باسي شديد=لكن نواف ليش عن الحقيقه غفى |
صح بدنك رسام وشكراً على المتابعه
|
الله الله
تراك يا صاحبي منته علينا شهيد = حنا رجال ٍ ماحنا فاللزوم اضعفى للحرب رايه و للجيش المسلّح عقيد = و المشلح اللي علاكم فوق الاعدا ضفى |
ما ينفع الجاحد المكار كثر الجحيد=الناس تعرف علومه كلها لو نفى وحروبك البارده غطى علاها الجليد=ماهي بحرب الملوك ولا بحرب خلفى |
ههههههههههههههههههههههههههههههههههه
ما هيب حرب الملوك ولا بحرب اخلفى يا سلام عيون الصقر ما عاد وراي القطره , ولا عاد بعد هالبيتين كلام :) صح لسانك لين ترضى وشكرا لك على اتاحة الفرصه لي بالتعلم منك و تصبح على خيييييييير , وشكرا لكل من شرفنا هنا .. |
المشاركة الأصلية كتبت بواسطة عيون الصقر http://www.gnanim.com/vb/images/gnan...s/viewpost.gif
http://www.gnanim.com/vb/clear.gif مساء الخير للجميع سلام ياصل قريب الدار قبل البعيد=من خاطرٍ منشرح ما يحمل الا الوفى الليله المنتدى يشعم بقافٍ جديد=واللي يباله دفاء يقرب ويلقاء الدفى صح لسانك واعتلى شانك وانا ذابحني الحر مابي دفا:shiny01::shiny01::shiny01: |
اقتباس:
صح بدنك وخلاص حان وقت النوم هو مغار دفى :shiny01: وانا اللي لي الشرف بفرصة التعلم منك والعين ما تعلى الحاجب شكرا لك وشكراً للمتابعين والى لقاء اخر تصبحون على الف خير |
اقتباس:
صح بدنك وشكرا لك افا يذبحك الحر اجل عليك بالجليد وشغل المكيف :harhar1: |
ماشاء الله عليكم
فتل ونقض ولا اجمل لكن ياعيون الصقر انت كم عمرك |
.
. شوفوا ياشباب ،، عيون الصقر ونواف ،، من اجمل وارقى وابدع المحاورات في هالقسم حقيقة من غير قصور في الباقين لكن حسب فهمي البسيط والمتواضع ،، وجدت ان الشاعرين متعادلين في التمكن وجودة الطرح ،، وتلقي الفكرة واعادة طرح الفكرة المناقضة لها ،، او مايسمى بالنقض لها ،، تحياتي واعجابي بكما يا مبدعين اخوكم : سلطان .. |
يالله حي الضامي
مرورك اجمل لا عدمتك شكرا لحظوركـــ |
اقتباس:
شهادتكــ يبو ديما وسام على صدورنا واعجابكـــ محل فخر لنا لاعدمتك يالبناخي ولا عدمت تواجدكـــ ,, كل التقدير و الاحترام لكـــ ,,, |
عزالله البارح سريتونا ولاحصلنا نووم وتاخرت فالمقام اليوووم الصبح وتوهقت , بس بصراحه طارووق يستاهل المتابعه لشعار مبدعين , تحياااتي للجميع ...
|
اقتباس:
الضامي تسلم وشكراً على المرور :shiny01: عمري 33 اقتباس:
تسلم يالذيب والناس كلها تكملها لبعضها مع اني اميل الى اني انا اللي انحشرت حشر طار :shiny01: هو يظرب فاليد المليانه وانا ما اقول غير يالله يا كافي اقتباس:
هههههههههه تسلم يالذيب ومتابعتك شرف احترامي |
عيون الصقر صح لسانك لين يذبحك البرد .
ابو عيد صح لسانك لين يذبحك الدفى . ابيات رائعه وشعار فطاحله . تحيتي وتقديري . |
أقدم عذري الشديد للشآعرين على عدم تواجدي لأنشغالي ..
ولكن صصحة ألسنتكم محاوره جداً رآئعه وتمنيت أني اكون متواجد اثنااء المحاوره شكراً لكم ,,, |
صح السنتكم وبيض الله وجيهكم مبدعين كعادتكما
|
| +4. الساعة الآن 05:02 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط