|
طلال مشاري ,,, يالربع ما عينتوووه ..؟؟؟
!!
يالربع ما تلاحظون إن المدعو طلال الغنامي قام يتغلآ ..! قام يكثر الغياب يبانا ننشد عنّه ,, و نزولا ً عند رغبته سألنا عنه .. :d
يبو مـشـاري وين الايــــام ودتــك = أنـته جـنـوب الـــدار ولا شـمـاله غايب ,, واظن ظروف الايام ردتك = عن مجلس ٍ من جاه تكرم سباله به ربعك اللي تنبسط من سعادتـك = وإن ضقت ,, خلّت كل صعبه سهاله ان كان غايب .. (من زعل) ,, من قرادتك = وان كان غايب .. ( زي كذا) ,, من خباله وان كان امور ٍ خارجه عن ارادتك = فــ (العذر) مفتوحن علاكم مجاله |
صح لـــسانك يــابوعيــــد...
|
ابوعيد صح السانك وعتلى شانك
|
نواف
صح لسانك ما عاد خليت شي هههههه احترامي |
صح لسانك يانواف
طلال يقولون يراجع في ختم يباله شيخه وما ادراكم الشيخه !! مار اذا جاء تفاهمو معه في موضوع الشيخه والختم من يباه علاه بالضبط ؟! مشكور يانواف على السؤال عن الشيخ طلال مشاري الغنامي تحياتي وتقديري : |
اقتباس:
شاكر لك على المرور الطيّب |
اقتباس:
و شكرا لك على المرور الطيب. |
صح لسانك يالشاعر المتميز الكويس :d قصيده جت في وقتها
وملاحظتك في محلها الرجال ملتسي هالايام مدري وش عنده وجواله خارج التغطيه وانا والله اني ادير الفكاير فيه ليت ماهو بمشارك في استار اكاديمي ، والا شاعر المليون ، والا معودن على مردوسته (الحجات اللي يحوفهن ويسرق فصفصهنه اللي علمنا بسالفتها ابو رامي هاك الزمان ههههههههههه |
اقتباس:
ههه يالله حي عيون الصقر صح بدنكــ ,, بعدين هذا طلال لازم ما نخلي عنه شي :) |
اقتباس:
ههههههههه صح بدنك يا سمو الضاهر انه يباها علا غنانيم بقران هوه مغار يديرهم اله سنين :) شاكر لك على المرور و التعليق. |
اقتباس:
شف ابا اعلمك انا لقيته قبل اسبوعين في سوق عكاظ , وسط حجرة و سعف النخل مركمن عنده وعنده سدو و عنده خيوط و امكار و لا ادري و ش يسوي مار الوكاد انه يسوي له حرفه ,, و الناس ضايلة ٍ علاه تقول يتهايقون في بير و ازريت اجيه منهم ,, ثم ضيعته ولا عاد شفته هههههههه و هالحين و الله الضاهر انه مثل ما قال ابو رامي ,, لأن الحجات يكثرن في هذا الموسم :shiny01: شاكر لك على المرور و التعليق :d |
ليته ياخذ ختم حتى يوقعلي
على بعض الجماعه اصير عليهم شيخ والله اني للصليبهم شرق وارثع فيهم رثعة ابو كبير اللي يقولونه شكراً يانواف على هذه الابيات الطيبه |
ههههههههههههههههههههههه
اثركم هنيا متشابرين ابو فيصل يا فرحيك يابو فيصل جاك اللي يبا يرثع في قشهم يا قليلين خوف الله ما لقيتو غار ابو فيصل اللي والله ما احن من قلبه ولا قلب حتى ليا منه سرق فصفص العبده وشافها بتسة رد فصفصها علاها وعطاها من الفصفص اللي معه من حنية قلبه حبيب تسبدي الله يستر علاه تعوذو من الشيطان ثم مالكم وراه عزيبن تدورونه |
اقتباس:
الله لا يوليك على المسلم :d العفو وشاكر لك على الممشاركه و المرور. |
اقتباس:
هذا فرصه ما تنتفوت يبو رامي , حنا ندور علاه ادنات شي :d ههههههههههههههههههههههههههههههههههههههه اما حركته مع العبده تقطع القلب :no: ما درانا ان قلبه سخيف لهالدرجه , الله يستر علاه الا ,, توحيني ماعاد اتعرضه من بعد العلم هذا مرة مره ..:shiny01: |
ايه ياحياة طلال دايم الماخوذ يرقط على بلى وينطرح ماراح ديره واذا جات للاماره ابو فيصل طمعته اكبر لاني سالته مره ليش تغيب عنى في المنتدى وقال انت تفكر في المنتدى وانا افكر كيف استولي على كمبيوترات الناس كلها ومن بعدها وانا شرهان عليه
وصح لسانك يانواف |
اقتباس:
ههههههههههههههههههههههههههه اثره عبقري :) صح بدنكــ يبو مشعان وشاكر لم على المرور و التعليق :d |
نواف سياسي ومثير للفتن ويبا يورطنا يالربع وهو ليس مضبوط في نفس الوقت :no:، وعلاقاته ماهيب اللي مع افراد القبيله عامه :msn-wink: ومع صديقنا طلال خاصه
والله يستر على طلال عانوه مايوحيني مالقيت اطيب منه فالقبيله وفروعها المتشتته :d ياطيبه انا اشهد <<<<< يقول لطلال انا ماسويت شي ياصقيقي يابو فيصل الله يخليك الي حدهم على السلم ولا اوصيك بعدم الشفقه على من ظلمنا هههههه |
:shiny01:ابك هذا لاه حتى وانا غايب ماخليتوني في حالي طيب طيب كله كوم ومدح ابو رامي صقيقي كوم انا اشد انه راعي حميه عانوه مايسمعني مار والله ليونسها
اما مسري حبيب قلبي :dاخرررررر مره نواف تعال اعلمك هاذي مغار جمعتها على بيت بيت من الربع وكلن عطاني على قد معرفته تبا النشد في غيبتي من مودتك=والا تبانا نقول راعي جماله خابرك ماتترك مع الوقت عادتك=والله ماخليت واحد بحاله يومن راسك مايفارق مخدتك=اسوق رجلي في دروب الرجاله:d رقدت لينن اللوازم تعتدتك=وصحيت قلت اللي غدا وش جراله تعال يانياف نبي شهادتك=ونياف كني سارقن من حلاله |
نواف انا جيت هههههههههههههههههههههه
ابو مشعان لله درك بس انت مايجلس العلم في بطنك
ههههههههههههههههههههههه |
الله يهجدك هجاد الرقود الا
|
اقتباس:
ذياب تراني معاهد ٍ الله فيك :d |
حوالانا ولاهيب علانا هههههههههه
صح لسانك ملايين يابو فيصل شاعر في كل مجال وطرافتك حلوه في كل الاوقات والله يكفينا شرك :d ولا باقي الا ابو رامي هههههه ابا ازينها معه كان نواله شي وعلى العموم صحت السنتكم جميعا على هالبيوت الجميله والفكاهيه |
نواف يامال اللي
ابك ماقلت فيك شي ياشحمة سبدي انت احسن واحد يدبي فالمنتدى ولا يهون ابو رامي وطلال ههههههههههه |
ههههههههههههههههه
ابو علي انا ماني بمثل طلال تغرّه العلوم <<<< يبا يسب طلال باي طريقه :) اصبر علي بس |
ههههههههههههه
انت مايغرك شي مار تحدني على طلال صقيقي تباني ازهف لي بكلمه ثم انشب لكن وش رايك تردها فالضامي اللي من اليوم مستلبد فالصفحه وكنه زارن علانا مدري ناوينا بشي هههههههههه |
| +4. الساعة الآن 07:15 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط