هيا عاد ،، استلموا !!
 

.
.

الليلة الليلة على راس طلحه
ـــــــــــــــ واللي عليه الدور ماني بقايل

لبّسته الشلحه ولاهيب شلحه
ـــــــــــــــــ لابايتٍ عنده ولاني بقايل !

:)

مروا لو تشجيع والمحاورة باستلام ثنين من عباقرة المحاورة ان ارادوا الاكمال

الطاروق هذا شاذّ عن الملة الشعرية ولايؤاخذ المبتدع في ما ابتدع :)


العذر وانا هاااارب من هنا بكل ما اوتيت من قوة >>>>>>>>>>>>>>>>>

...

.
.

لامجير لي منكم ايها القناديل المضيئة حتى في الفيس بوك :)

http://gnanim.com/vb/picture.php?alb...&pictureid=229



..

صح السانكم مبدعين
متابعين

.
.

صح لسانك يا الشاوي :)

هههههههههههههههههه كلح وجه العدو قل امين

كثر البنا ونص المباني بقايل :)

البيت الاول لاتعليق ،، :)

حياك الله

..

الله واكبرر صصح لسانك يابو ديمه وصصح لسانك يالشآوي

طارووق ممتع

متابع لكم ,,,

.
.

هلابك يابو فايح حياك الله

طبيت مجالكم عابر سبيل وهارب الى المستحيل :)

وانا بعد متابعك معك يانوح نبي نشوف وش يبي يصير في هالمتصفح :)

تحياتي لك

اخوك : سلطان

..

.
.

عبد الله :)


التعليق اللي تحت البيتين مهم جداا يا بو علي وهو تنصل علني من المتابعة وهروب

من وزر هذا الطرح ،، بعدين تعال ،، وراك ماتهرجني يومنا في تمايم عبد الله مشعل :)

اهرجك ومديني الطرشااا على قول المصاريه ،، حتى يوم طلعنا سوى اقول لك ياعبد الله

وصلني لسيارتي الحمى كسرت عظامي ،، ومطنشني ماغار اشرت لليموزين يوصلني الباب الثاني :)


هلابك يا بو عابد وتقديري لك


اخوك : سلطان

..

هلا ابو ديما

بس انت تقول لا يؤاخذ المبتدع في ما ابتدع << وانا اخالفك في هالنقطه المبتدع لابد ان يوقف عند حده كي لا تنتشر بدعته ^_^

اما موضوع تمايم سميي << حسيت أنك موقف على جابر وجاي للأستراحه مشي :)

حاولت امشيها يابو ديما بس عيّت لا تمشي والله ^_ِ~

طاروق نادر وممتع يابوديما
صح لسانك وصح لسان الشاوي
ومتابعين

صحت السنتكم



متابعين

.
.

هههههههههههههههههههههه عبد الله الا وقف المبتدع من نفسه ^_*

بعدين بالنسبة للمواقف تعرفني طبعي طبع شياب اوقف ابعد واحد عشان

انسّل بدري بس هاك الليل تورطت مادري وين وقفت قرمبعي :)


حياك الله ياغالي

اخوك : سلطان

..

ههههههههههههههههههههههه هلابك ياصريح

صعبة اوس ثنين ،، شقراوية ومعدي ابو ثامر هناك

مرّ علي البارح بيتين ابشرك بس وطيت رجلي :)

حياك الله ووجهك ابيض وصح بدنك ياغالي

تحياتي لك

اخوك : سلطان

..

.
.

سمو الذات صح بدنك

وطاروق نكبة :)

ابي الفكة بس مادري وش اسوي :(



هلابك وغلا

تحياتي لك

اخوك : سلطان

..

.
.

عيون الصقر هلابك :)

متابعة بس لازم تكون بدون نقد :)


مرحبابك ياغالي

تحياتي لك

اخوك : سلطان

..

نزولا عند رغبة الاحبة في المتابعة وان كانت مجرد ممارسة للترويح فقط ،، :)
.
.

بعض الوجيه ان غرني فيه ملحه
ــــــــــــ ماغرني وش هو من العلم طايل


من يهتني بالزاد لازاد ملحه !
ــــــــــ قصر النهار وتالي الليل طايل
.
.

شكرا لبو ديما وجميع من مر من الأخوه وطابت ايامكم ولياليكم جميعا

.
.

الشاوي ،، الا شكرا لك ولروحك ولجمال حضورك ياغالي

توبة ماعاد اجي هالقسم حتى زاير بعد ههههههههههههه :)

تحياتي للجميع

..

توضيح لمن التبس عليه المقصود بالبيت التالي > اتصلبي واحد زعلان يقول انت راعي فتن قلت افا
ياذا العلم قال ويش قصدك فالبيت هذاه
يأخصام ابن جمهور مافيه صلحه = والشعر ينشد من نعاني بقايل

المقصود هو المرحوم ياذن الله قايل بن جمهوروهو شاعر علم معروف
وقصدي بأخصام يعني لو اننا اخلينا بشعرنا فسيكون هو خصمنا ولن يصطلح معنا لاأكثر من ذالك
لاتقولون كيف تجي > رشيد الزلامي يقول لصياف خصمكم فالأخره عبد الله المسعودي


التوضيح ترى ماهو لبو مطلق للي اتصلبي زعلان


ابو ديما بيض الله وجهك وصح لسانك على اعطائك لي فرصة التعلم منك ومجاراتك وابقى تلميذ في اكاديميتك االراقيه
الذي يتشرف من ينتسلب لها وشكرا جزيلا

طاروق جميل يا مبدعين

بيض الله وجيهكم

واقتحام متهور من ابوديما لعالم الفتل والنقص وهو اهل لذلك بكل تأكيد

تحياتي

.
.


الغالي الشاوي ،،

الله يرحم قايل بن جمهور رحمة واسعة ،، ويتغمده برحمته واموات المسلمين اجمعين

انا بيني وبينك يا الشاوي قلت ياولد وش هالخصومة ,, لكن تجاوزتها ليقيني ان الغنانيم

جسد واحد مهما اختلفت الاراء وبعض التوجهات لكن يجمعهم الحب والتالف باذن الله

لاعليك لا لبس في ذلك ،، والشكر لك يامبدع

تحياتي

اخوك : سلطان

..

ههههههههههههههههههههههههههههه

ابو راما وجهك ابيض ،، شفت كيف التهور :)

بس الغالين هنا اضفوا بمرورهم وتعليقاتهم جواً اخر

والحقيقة انها لم تكن الا محاولة لتحريك القسم نوعاً ما وترك بصمة وان

كانت متواضعة ،، يبقى الفتل والنقض عالم اخر ومراسه يصعب الا للمتمكنين

وهم كثر في منتدانا الغالي ،، وانا شخصياً والله اتعلم منهم واتابعهم باستمرار

كلي شكر لك ياعبد العزيز ياغالي

تحياتي لك

اخوك : سلطان

..

.
.

صح بدنك و وجهك ابيض يا اياد ياعذب

تحياتي وشكري لك

اخوك : سلطان

..

صح لسانكم واعتلا شانكم يالمبدعين
و مشكورين على الابيات الجميلة ..

.
.

صح بدنك ياميعاد

وشكرا جزيل الشكر لمرورك المضيء

تحياتي لك

اخوك : سلطان
..