![]() |
من الملف الشـــ خصي !
.
. من دون ان يشعر أحدهم يتكتل ،، ينسج من واقعه حكايا ،، يرسم تفاصيلها في الملف الشخصي ! وينقلها هنا من باب المشاركة : . . 1/ ديما تراودها الظنون انّي بصير اغنى رجل ــــــــ وابني لها بكرة قصر حوله نوافير وزهور وانا اضرب القيعان وارمي بالحجر طير الحجل ــــــــ اهرب من الواقع وامدّ لبهجة ايامي جسور خيال ديما يكبر وتسأل واجاوب في خجل ــــــــ بعدين يابابه واحسّ انّي كذبت بلا شعور لان الظروف اكبر من ابعاد الكلام المرتجل ــــــــ واقسى من الضيقات لاقامت تداحم في الصدور .. . . 2/ يلمزني الجاهل عديم المرجلة بــ ( ابو البنات) ـــــــــ مايدري ان البنت نعمة تعني الشي الكثير طعم الحياة انثى وانا بناتي اغلى الكائنات ـــــــــ شوفة حداهن لاتعبت تبدد الهم الكبير تزهر على شفاهي ليا غنّيت فيهن سوسنات ـــــــــ اضحك وينبت لي جناح وتنتعش روحي واطير فيهن حديث المصطفى راوينه الناس الثقات ـــــــــ من يكفل الثنتين مع جملة هل الجنة يصير ــ . . . 3/ ياترى كم باب موصد خلفه بنيّة رقيقه ـــــــــ تذرف الدمعة بغرفتها وتجرحها الثواني بين تصديق الخيال وبين تكذيب الحقيقه ـــــــــ تنتظر فرحة لياليها وتحقيق الأماني يحتويها الشوق وترفرف عصافير الحديقه ـــــــــ في زوايا روحها وتبدّد الحزن الأناني من مشاعرها العميقة للدباديب الأنيقه ـــــــــ ترسل انواع الزهور وتهدي اشعار وأغاني كلّ مامرّ الصباح بنافذتها بلّ ريقه ـــــــــ من بهاها واستفزّ احساسها باحساس ثاني ،، . . .. 4/ يارب سترك ولطفك يا ارحم الراحمين ـــــــــ من هالشعر والشعور اللي تراكم علي اسرفت اعدّ المواجع واشتم الغافلين ـــــــــ واستذنب بواحدٍ داله وقلبه خلي غروٍ نعس في خيالي مادرى بالسنين ـــــــــ حضن بهاه وتوسّد حلمه المخملي حرّك شفاهه وفاحت ريحة الياسمين ـــــــــ واحمرّ خدّه وكذبت بوصايا هلي مايدري انّي عشانه والبدو راحلين ـــــــــ عشيت ذيب الخلا كبدي وكبد جملي .. http://gnanim.com/vb/images/gnanim/misc/progress.gif . . . 5/ على ويش ياربكة هدويّ وياضوضاي ــــــــــــ فقدت الشعور وفاقد الشي مايعطيه كفى تعذلين الشاعر الموجع النسّاي ــــــــــــ يبي يفتكر حب الوطن بس مايمديه عشانه قفز فوق الخيال وتحوّل ناي ــــــــــــ بغوا يحرقون لسانه ويقطعون يديه لبس درع جنبه واحتزم للزمان الجاي ــــــــــــ ودربٍ مشى به صعب لابد ماينهيه ! .. . . 6/ حذفتك البارح من اللّستة ليا الأمر الأخير ــــــــــــــــــــــ ماهوب كرهٍ لك ولكن ماتعوّدت الخضوع كبير جيتك يا اللعوب الفاتنة وارجع كبير ــــــــــــــــــــــ ربّاني الوقت وعرفت القسوة وحبس الدموع ماني بمكسور الجناح ليا بغيت اطير اطير ــــــــــــــــــــــ ارحل مثل ماترحل ايام الحياة بلا رجوع ! .. تحايا عطرة ،، اخوكم : سلطان .. |
صـــــــح لسانك
|
صح لسانك وصح احساسك وصح شعرك ,
الله يحفظ لك بناتك , ويحفظك لـ بناتك , كل يومين ثلاثه امر على ملفك استمتع بهذا الرقي الشعري الغير مستغرب , احترامي لك |
اخوي سلطان مطلق يــ ع ــطيكـ الــ ع ـــآفــيه ع الـــتـــألق والــتميييز والأبـــدآع .. مــآآننـحرررم من أبـــدآعـــكـ .. دآآمـــ قلمكــ مبحـرآ لنــآ ,, |
صح لسانك يابو مطلق
|
بصراحـــــه اعجبتنــــــــــي القصيده رقــم (2) رائعه جدا والله يخليلك بناتك ويا (بختهم فيك) نعــــــــــــــم الاب الحنون ..حفظك الله ..
|
كبير جيتك ياللعوب الفاتنه وارجع كبير}ــ <----
أبو ديما صح لسانك كبير ياسلطان وتزداد في قلوب مُحبينك كُبر مَحَبَتي لك |
يالله حيه وحي ماجاب وصح لسانك يا اديبنا سلطان
|
لله درك لله درك
: ماأجمله من ملف الذي أتى لنا بهذه القصائد الفآخره والله يخلي لك ديمآ وخوآتهآ .. : ويرزقكم بالقصر اللي حوله زهور في الجنه انت وجميع المسلمين : سجلني يَ بو ديمآ في كشف المعجبين للأبد طآل عمرك تحيآتي لك : |
عدت وعادت لنا نفحات الأدب وامتلئت صفحات المنتدى بشذى عطر الزهور الربيعيه التي لاتأتي الا عندما يمر سلطان مطلق
اشعبعتنا ادبآ وشعرآ بهذه السنفونيات التي عزفتها بتمكن كما هو انت دائم مهما قلت لن اصل الى البعد الحقيقي لمستوى حضورك فأعذرني ان خانني التعبير وما استطيع قوله انني سعيد بالتجول في هذا المتصفح الراقي والذي احس فيه بالرقي عندما اتجول في اركانه ابو ديما لك كل الحب والتقدير الى ان ترضى |
ابو ديما انت مبدع بل فوق
الابداع تحياتي وتقديري |
الاخ صقر روق
صح بدنك واهلا بك ياغالي تحياتي لك اخوك : سلطان |
.
. الامبراطور ،، سمو الذات وانااشوف ملفي منور ،، بمرورك ياغالي ومثلك مكسب سواء على مستوى الانسانية او على المستوى الشعري ،، والكتابي بشكل عام ،، فكرك جميل ورأيك مهم جداا والله يشهد ،، احب مرورك ،، وافخر باطرائك دائما يا سمو الذات ،، شكرا لك من الصميم تحياتي لك اخوك : سلطان .. |
.
. اخت النقاء والبياض ,, الحنونة وانا اشكر لك مرورك وثقتك الكبيرة في قلمي المتواضع فكل التقدير والامتنان لك ،، ولروعة ماتحملين من فكر ،، تحياتي لك اخوك : سلطان .. |
.
. خالي فهد الفرماوي :) صح بدنك وكل الشكر لمرورك الغالي ياغالي تحياتي لك اخوك : سلطان .. |
.
. الاخت حرة على كف صقار شكرا لك ولمرورك ،، وحفظك الله وحفظ لك من تحبين تقديري واحترامي اخوك : سلطان .. |
.
. صديقي مبهم ،، الكبير الله يا بو طلق ,, ومحلك في القلب تعلمه جيدااا واطرائك شرف ومنك ومن اي شاعر اخر نتعلم ياراقي تحياتي لك اخوك : سلطان .. |
.
. ابقاك الله يا سامي مشعان وصح بدنك وكل الشكر لك ولمرورك ياغالي تحياتي واحترامي لروحك اخوك : سلطان .. |
.
. مرحبابك ياسامي العطااوي وانا والله يشرفني ان تكون من المتابعين كما اتشرف ان اكون متابع لنجم واعد باذن الله سيكون له مكانته الشعرية التي يستحقهااا ،، شكرا لك ياسامي مدد بلا عدد من كل قلبي تحياتي واحترامي لك اخوك : سلطان .. |
.
. الغالي الاخ الراقي ابو رامي ،، اسعد الله قلبك وشرح صدرك ،، ويعلم الله ان مرور مثلك يزيد القلب بهجة وسرورا ويحمل الواحد مسؤولية الاهتمام والاعتناء بطرحه ،، لان هذا المكان يزخر بابداعات الكثيرين على رأسهم انت يا نياف يامبدع ،، وما انا الا تلميذ لانسانيتك وتواضع ذاتك العظيمة يانياف اطرائك فرحة ،، وقرائتك مكسب حقيقي ،، فشكرا لكل شيء ياجميل تحياتي وامتناني وخجلي الكبير اخوك : سلطان .. |
.
. الاخ الراقي الشاعر سلطان براك والعين ماتعلى على الحاجب يا ابو تركي ،، منك نتعلم ياغالي معنى التواجد الهادف والابداع الثري ،، والشاعرية التي تحمل رسالة من هنا الى مالانهاية شكرا كبيرة يابو تركي تحياتي واحترامي واعتزازي بك وبمرورك اخوك : سلطان .. |
صح الساااااااانك
|
صح لسانك وبيض الله وجهك ياسلطان مطلق .. كالعادة مبدع
|
ما أجمله من ملف ماشاء الله عليك يا بو ديما والله يخلّي لك ديما ووأخيتها وأمهن ويبارك لك بهن .
تقبل مروري ياشمعة المنتدى |
الله الله يابو مطلق
هذا جديدك يتفجر من عمق احساسك والله يحفظك ولاكن نبي من القصائد المتكتم عليها فأرجوك يابو ديما لاتبخل علينا من قديمك او جديدك تحياتي واحترامي لك |
.
. الاخ نوح فايح صح بدنك وحياك الله ومليون شكر لمرورك الغالي تحياتي وتقديري لك اخوك : سلطان .. |
.
. الاخ اياد الروقي وصح بدنك ووجهك ابيض ياغالي مليون شكر لمرورك واطرائك تحياتي واحترامي لك اخوك : سلطان .. |
.
. صديقي الغالي ابن مشلح وانت راقي بكل معنى الكلمة يا بو عبد الله ،، شكرا لك من الاعماق يا انسان والله يحفظك ويحفظ لك من تحب ،، آمين تحياتي واحتراماتي لشخصك الحبيب اخوك : سلطان .. |
.
. الاخ الغالي ،، النجم ابشر غالي والطلب رخيص ،، تامر امر ،، ويشرفني طلبك وارجوا ان اكون دائما عند حسن ظنك وظن كل نبيل مثلك ،، تحياتي وشكري الجزيل لرقي مرورك اخوك : سلطان .. |
اولا مساء الخير وحي الله اللي جانا من عقب غيبة
كل عام وأنت بخير بأختصار شديد ((هذا هو الشعر الحقيقي لاتكلف ولا كلمات غريبة ولا طهبله زايدة)) شكرا لك وصح الله لسانك |
صـــح لســـانـك
والله يخـليـك لبـناتك ويخـلـيـهـم لـك يااارب |
.
. صباحك رحمة ونوور ياصريح مرحبا بك وكل عام وانت بخير وسعادة من الله وصح بدنك ياغالي الشكر هو لك انت على هالمرور الطيب العذب المبهج صراحة تحياتي وامتناني الشديد اخوك : سلطان .. |
.
. الاخ سليمان سلمي ،، مرحبا بك صح بدنك ياغالي والله يجزاك خير على هالدعوة الطيبة ياطيب تحياتي وتقديري لشخصك اخوك : سلطان .. |
+4. الساعة الآن 10:17 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط