أســوأ موقف مر عليـــكـــ في حياتكـــ ..!!
 

ابو عيد مساك الله بالخير
نسيت تبدى بنفسك ;)

مشكور على ذا الموضوع الرائع

لكن نتظرك ما نبغىا نبدأ قبلكـ (رحت فيها *_*)

المواقف واجد اخرها
موقف حصل لي في مطار الملك عبد العزيز بجدة :icon1366: حيث قمت بإعطاء احد اصدقائي جواز سفري بينما اذهب انا للمصلى وبالفعل آخذ صديقي جواز السفر ومن شدة حرصة :o قام ووضعة في شنطته مع جوازة وقام بشحن الشنط للطائرة وعند عودتي سالته عن الجواز وقال حطيته بالشنطة الى تم شحنها للطائرة :mad: وقلت له كيف نختم الجوازات يا ذكـــي :confused: الشنطة ارسلوها للطائرة هز راسه وهو خجلان من تصرفة :o وقمنا نترجى موظفي الخطوط على شان يرجعون الشنط وبكل كلفه وتعطيل لنا ارجعوها مع شوية لطعة وتاخير :d

هلا يابو عيد الله يمسيك بالخير
بالنسبه لي انا ولد نعمه وما حصلي اي موقف ههههههههههههههههههههه
والله ويش اعد البقايط واجد تعرف منها ما هو مسموح بالنشر ومنها ما هو لايصلح للنشر
لاكن ابا ادورلك من اوسطها وفي محيط الحراثه ههههههههههه
ليله من الليالي كان عندي مجموعه سامرين في المزرعه قلت لهم جهزو عشاكم وانا اباروح واجيكم وركبت الحراثه وتوجهت لمزرعة مسفر عايض ابو بطين تبعد عنا حوالي ثنين كيلو ابغا اجيب صاج الحرث ويوم وصلت المزرعه دورت العامل الهندي ما لقيته وجلست اركب الصاج على الحراثه والصاج وزنه حوالي ربع طن بس يركب ألي وكانت الاضائه ضعيفه وعلشان اركب الذراع دخلت احد اصابع يدي في محل الخابور وتحرك الصاج وقفل على يدي حاولت امد يدي لقير الهيدروليك ما الحق وتعرف اصبعك بين الصاج ووزنه يزيد ربع طن والحراثه وزنها قوق اربعه طن والدم ينزف وألم الله لا يوريك ولا عندي احد والجوال ما كان يشتغل في المنطقه وجلست تقريبآ ساعتين اول احاول واصيح باعلى صوتي لعل احد يسمعني ولاكن ما فيه احد واليل مظلم والشباب اللي عندي ما يعرفون انا وين رايح واخيرآ استسلمت وجلست افكر كيف اقطع اصبعي ولا معي حتى سكين واخيرآ وبعد هجاد رجع الهندي وسمع صوتي وانا انادي وجا وهو خايف ايس فيه من نفر حرامي قلت ابك تعال الله يردي نصيبك ماني بحرامي قال عمي نياف ايش مشكله قلت رح عطني سكين والا ساطور المهم راح الرجال وجاب كشاف وجاب ليور وقرص الذراع واخيرآ طلع الاصبع سليم ما فيه الا دش وجرح المهم اخذت الهندي قلت ارواح انت اللي تستاهل العشاء ما هو الملاعين ويوم جينا لقينا الشباب جالسين يلعبون ورافعين صوت التلفزيون لآخر شي قلت ابك يا قليلين المروه انتم ورى ما فزعتولي قالو حنا ندري انت اصلآ وين انت رايح وانتهت هذه المعاناه بسب ذلك الهندي الله يذكره بالخير واسمه محمود واذا زعل علاه ابو مسلط الله يذكره بالخير(مسفر بن عايض ابو بطين) قال يا محهموده
هذي وحده من قراداتي وغيرها واجد بعضها والله ما ينتعلمبه
والسلام عليكم ورحمة الله وبركاته

هههههههههههههههههههههههههههههههه
هههههههههههههههههههههههههههههههه


لاوالله سلمت يا ابو رامي بس لو ني منك

عودت على الشباب بالحراثة وهم على مقعادهم (:



انت يانواف علم بمواقفك ولا ترى بتصل بخويك اللي معك

في السكن اخليه يعطينا الاول والتالي ،، ولا اخوياك في الديرة

تراني مزبطن الوضع معهم ،، (:


نواف انامواقفي كلهامع ابو كريم الله يذكره بالخير ،،

عد واغلط وكلها نكبة في نكبة بس ابستاذن منه واعود لك ان شاء الله

المشكلة الرجال مهاجرن في دعيكان والخط مايسمك معه

وش رايك تزرق لهم هناك وتعلمه وتجيني بالرد :)


تحياتي للجميع

سلطان

..

السلام عليكم

اصعب موقف مر علي

طلعت من المدينه بتجاه حفركشب وبعد تعديت المهد بحوالي عشره كيلو كان الطريق قيد الانشاء ومحطوط اسياخ في الارض توطيت احد الاسياخ و بنشر الكفر الامامي ونا معي عايله ولا معي اسلاح
والا رسال مافيه والساعه 9 ليلا نزلت العفريته وجيت بنزل الاسبير ماقدرت الجيب موديل 97 ج اكس يختلف واليد تجي على يمين وغدرى حاولت ماش فايده مشيت شوي بالسياره ماش فايده وقفت وبعد حوالي ساعه جات سياره محمله ولا معي سوى يد العفريته وقفو مابي الا فرقا هم المهم اطلعو عمال ونورو على الموتر وفكيت السبير وركبته ومشيت
خط المهد نكبه

تحياتي لكم

هههههههههههههههههههههه
هههههههههههههههههههههه

لا لا كلش ولا اخوياي :p

الله يذكر ابو كريم بالخير ,,
مار توحيني خلّه لين تجي في اجازة 5 واستآذن منه انت براسكــ :harhar1:

ولا تدري اسدح لنا واحد من المواقف هنا على مسؤليتي .. !!:d

شكر لك على المشاركه ..