منتديات شبكة قبيلة الغنانيم الرسمية

< قصة وقصيدة >
هذي السالفه بين الشايب وولدةحصلت قبل 40سنة تقريبا حسب ماسمعنا المهم أن الولد كان عسكري في الطايف وأهلة حول فيضة المسلح جا الولد من وظيفتة ولالة يبايرجع لوظيفتة قال لأبوة أباك تخطبلي (فيحا )قال ما يخالف أصبح الصبح الولد راح لوظيفتة والشايب راح لأهل فيحا قال أنامرسلني الحميدي يبا فيحا قالوا أهلها ماحنا مجوزينة قال أجل جوزنيها قالوا تم المهم حددو الملكة والزينةحسب قولهم يوم الخميس المقبل قام الشايب وركب للطائف وجا للظابط المسول عن ولدة وقالة السالفة وقال لأترخصلة الأسبوع هذا وزهم الضابط الحميدي لأبوة وأنشده الحميدي هاة وأسويت بالخطبة قال أبشرك وافقو والحفلة الخميس اللي رد الخميس الجاي مار عطني فلوسك والدفوع أعطيهمياة وأن جيت نسوي الحفلة قام الولد وجاب ماوراة ومادونة ومن أخوياة وعطاة أبوة على نيتة الولد المهم أخذ ماعندة الشايب ورجع لديرتهم ,,,,,,,
والشايب عطا الدفوع لأهل فيحا وسو الحفلة وتجوز فيحا ,,,,,,وبعد يومين من الحفلة درى الحميدي بالسالفة وأرسل القيصدة لأبوة ويقول فيها........
قصيدة الحميدي بن مثيب الذيابي
اتركن العود ياسود اللثايم = ماوراة من الطمع غير المهونة
لوأحطة فالحجير عن السمايم = وأعذاب من أشتقى يبا يصونة
لوأبيع العود مال العود سايم = والحكومة للسفر ماينقلونة
عشقت المجمول منهم فالقدايم = مرتخي قعوة مغير يوضبونة
تسمعين بحركتة وأن جاك قايم = تسمعين حذاة ولاطق شونة
العذاري مايردن لة ملايم = أرتخى المشقاص مع مالت جفونة
فاتحن عينة ومنة العرق نايم = لو دفع رأسة ترى زندة يخونة
رد الشاعر / مثيب بن عواد الذيابي
يابني جابان برقين العمايم = لوغسلتو ثوبكم وتصوبنونة
صفة راحت على فيحا هدايم = حالف على ثوبها ماتلمسونة
شفها الشياب وافين الخصايم = علقوكم ما قفن ماتحرزونة
فل ياجابان وكل من النعايم = وأشكر اللي كل الأمة يشكرونة
غيطل الغيطول مكفي الهمايم = سترح يابكري اللي يذكرونة
كل ما شاف السمارة جاك عايم = مايجنب لوتغزة في عيونة
ساعتة تلعج كما العاج النعايم = ويتعطر والتعطر فيه بونة
شحنتة رجال مذهوب الرسايم = مار فيه من النسا عرق يخونة
حالق دقنة يبيه أبزير دايم = ول ياجابان ياحالق دقونة
أشتكنة ياعساكن للثلايم = ليش مذهبكن علاكن ياخذونة