|
قصيده غيرعاديه للشاعر القدير محمد بن مطر السميري
يـا حمـود انـا والله مانـي بكـذاب
انـا عـدو الكـذب وانـا خصيـمـه من كنت طفل اصغير وادركت الاسباب نفسي عزيزه مـا قبلـت الهضيمـه ولا خـذت يمانـي مـدات الاصحـاب اصـارع الدنيـا بصبـر وعزيـمـه والعبـد يبـلا بالمكـاره والانشـاب لاكنهـا يـا مسـنـدي ماتضيـمـه ينصك بـاب ويفتـح الله مئـة بـاب وبنـت الضعيـف نعتبرهـا يتيـمـه ماني بمن يدرق رفيقـه إلـى غـاب ولانـي بمـن ياتـي بليـا عزيمـه سج القـدم ساعـه ومبـداً بمرقـاب اخير مـن شوفـت طيـور الوليمـه ولاني براعي مونـةٍ عنـد الانسـاب ولانـي بـراع جلسـةٍ مستديـمـه حتى ولو كانـوا عزيزيـن واقـراب البعد مـا يرخـص للأحبـاب قيمـه ولا اتبع المقفي ولاحسب له احسـاب مـا يتبـع المقفيـن غيـر البهيمـه اجـازي الطيـب بطيبـه ليـا طـاب واصد عن هـرج القفـى والشتيمـه ولانخـدع فاللـي تضحـك بالأنيـاب القلـب جيفـه والملامـح وسيـمـه لو قـال انـا راع الكحيلـه وحطـاب تراه ما يسـوى الرسـن والشكيمـه عساه من فـدوت كريميـن الاشنـاب اللـي مباديهـم نـضـافٍ سليـمـه الله وأكبـر فالبلـد كنـنـا أغــراب في مجتمـع جلـه نفـاق وضليمـه سود الليالي تذهـب العاقـل اذهـاب يا صل بها من ضيقت الصـدر تيمـه يا كثـر مـا شفنـا والأيـام هـراب الوقـت يمضـي والمصائـب مقيمـه درست درس ٍ فيه مـن كـل هنـداب درسٍ حكيـم ومـن رجـالاً حكيمـه درسني الشايب وهو مـا بعـد شـاب الله علـى عـزه ومـجـده يديـمـه اخـذت معـه سنيـن للعلـم طـلاب يـوم البـداوة والحـيـاة الكريـمـه ذقنا بها اصنـاف المشقـه والأتعـاب وعشنا بها اللذات لـو هـي عقيمـه وجدي عليها وجد من طـاح منصـاب في ساعـة ٍ ربعـه بـذل وهزيمـه ليا نشى مزن الحيـا كنـه اهضـاب علـى أول الوسمـي تقافـا رديمـه والبل جزت وألها اصطفاقه وسـوراب قامت عن الراعـي تـذب الخريمـه و قالوا وقيل وجاب الأخبار من جـاب قالوا شهر ما شقت الشمـس غيمـه وجونا العسوس وصاح فالبـدو نبـاب قالـوا لقينـا قـافٍ السيـل ديـمـه وسقنا العشاير وانتحت جرد الأرقـاب لكنهـا جيـشٍ فحلـهـا زعيـمـه وحنا ذراهـا يـوم غـارات الأجنـاب ورثٍ لـأهلنا مـن عصـورٍ قديمـه رماينـا قطـاع وإلـى رمـا صـاب ونروِ القنا والعظـم نكسـر صميمـه وبعد ثمان أيـام والمشـي ضبضـاب مالت علـى نقـع الخبـاري محيمـه ثم فاحت الأطياب من ريح الأعشـاب يسوقهـا الغربـي بنسمـة نسيمـه وشوف الطيور اجوال واسرابٍ اسراب من ضمـن لـذات الربيـع ونعيمـه وشوف الخزاما والنفـل فيـه جـذاب والأقحـوان بكـل زهـره رقيـمـه الأرض كاسٍ وجهها سحـر اللابـاب مناظـرٍ مـن قبـل ترحـم عديمـه ثم شيدوا سودٍ على خمسـة اقطـاب بيت الشعر مجلس ومطبخـك خيمـه للبـن صبـابٍ وللحـيـل قـصـاب يا ما رموا في نارهم مـن هشيمـه ودارت علوم الطيـب والنجـر لعـاب في مجلسٍ مـا فيـه ناقـل نميمـه واخير ذودك بركـن حـول الاطنـاب عقب العشاء والخلف حـزت عتيمـه سرا لها الراعـي بسطـلٍ ومحـلاب قلت احلب الشرفـا وعمـره وريمـه نومك بجـوٍ يسحـر العيـن خـلاب والصبـح يقعـدك الحـوار برزيمـه وساقوا على المرعى جماعات وأحزاب أجنـاب والأخـرى عليهـا الوسيمـه وبعد ثلاث شهور من جمع اللأحبـاب اصفر عود العشـب واقلـب صريمـه عرقه يبس واماء رقاق الـورق ذاب تلعـب عواصيـف الهبـوب برميمـه وتفرقـوا مسنـاد علـوى ومجنـاب كم عاشـقٍ كبـده طوتهـا الحريمـه وبانت نجوم القيـض حـرٍ وملهـاب واخـص ساعـات الهجيـر اللأيمـه هاذي حياتي لو بها بعـض الاعجـاب بيـن البـداوه والحضـاره لزيـمـه والفضل للفرد الصمـد رب اللاربـاب كسبـت بالثنتيـن علـم وغنيـمـه أنا أحسن الإيجـاز واجيـد الأطنـاب منهج وطرح وشرح وان مال اقيمـه مثايلـي نهـرٍ علـى سفـح صبـاب شـلال مـاه دوى القلـوب السقيمـه سمٍ علـى اكبـاد المعاديـن ينسـاب ولأهل الوفـا فيهـا وقـارٍ وشيمـه لانـي بـمـداحٍ ولانــي بسـبـاب إلا إلـى قـابـل غـريـمٍ غريـمـه يا حمود لي عن سب الاجواد مجنـاب ومدح الردي غيب ونفـاق وجريمـه والرزق عند اللـي لـلأرزاق وهـاب ماهو بفي مـدح الوجيـه الكضيمـه كم واحـدٍ يشتـم ويظلـم ولا هـاب والظلـم عاقبتـه تراهـا وخيـمـه وهاذي على ما قيل شريعـة الغـاب الربـح غايـه والمبـادي ذميـمـه وكم دعوةٍ ما دونهـا ستـر وحجـاب عن منـزل آيـات الكتـاب العظيمـه من لا رجاء رحمة جزيل العطا خـاب رحمـن كـل الكـون ربـه رحيمـه للأثـم كسـابٍ وللخـيـر كـسـاب والموت فراق الفتـى عـن حميمـه أعـز مـن تذكـر يغطيـك بـتـراب أمـا نعيـم القـبـر وإلا جحيـمـه شرحت عن بعض المواضيع بإسهـاب ومريـت بالأخـرى خطايـه هميمـه ما جيت سايقها على السـوق جـلاب هديتـي للأهـل العقـول الفهيـمـه ليا انحرف عن منهجـه كـل مرتـاب أنـا علـى نهـج لأصالـة نديـمـه وصلوا عدد ما زل مذنب ومـا تـاب علـى رسـول الله نبـيـه كليـمـه للشاعر محمد بن مطر السميري |
صح لسان قايلها ... وكل التقدير لك سلطان على النقل المميز
|
.
. يا ابوتركي سلمت على هالنقل والله قصيدة ملحمية صراحة صح لسان قايلها تحياتي لك اخوك : سلطان .. |
صح السانك وقيلها ياابوتركي
|
اللهم صلي على محمد وعلى اله وصحبه اجمعين
بيض الله وجهك على النقل الرائع ..........تحياتي |
صح لسان شاعرها
وتسلم يمين ناقلها |
مخاوي الذيب سلطان مطلق سموالذات سلمان العـــطاوي ابوعلــــيط مــشكورين علـــى مروركم وتعــليقاتكم على قصيدة اخي وزميلي الــشاعر القدير محمد بن مطر بن نهار بن سمير السميري العتيبي ولــكم تحــــياتي
|
صح لسان قايلها ومشكوور يالشاعر سلطان
|
إياد الروقي شكراً على مرورك وصح بدنك
|
المشاركة الأصلية كتبت بواسطة الشاعر سلطان براك الغنامي http://www.gnanim.com/vb/images/gnan...s/viewpost.gif
http://www.gnanim.com/vb/clear.gif مخاوي الذيب سلطان مطلق سموالذات سلمان العـــطاوي ابوعلــــيط مــشكورين علـــى مروركم وتعــليقاتكم على قصيدة اخي وزميلي الــشاعر القدير محمد بن مطر بن نهار بن سمير السميري العتيبي ولــكم تحــــياتي ونعم والله فيك يابو تركي وفي زميلك محمد بن ماطر بن نهار السميري |
| +4. الساعة الآن 07:06 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط