منتديات شبكة قبيلة الغنانيم الرسمية

السلام عليكم ورحمة الله وبركاتة

هذه بعض المقتطفات الشعرية من بساتين وعيون الشعر حبيت أنقلها لكم ...

ورجو ان تنال ولو الشئ اليسير من رضاكم واستحسانكم

!
لانذال

اهل الثنا بالمدح تلبـس وتقتـاس=الـلاش عريـانٍ وهـم مكتسينـي

مثل الجمال اللي مع البـد غطـاس=تصبر ولو غاصت بهـا ظلفتينـي

لانذال لو يكتب لهـا مـال عبـاس=من طيبـات المرجلـه معرضينـي

مثل الجذوع اللي من القطع يبـاس=لاكان يضربهـا المطـر ماتلينـي

الله يخس ابليس هو ساس الانجاس=عسـاه منـي غايـبٍ مايجيـنـي

الله ذكر في الجن والناس خنـاس=ويشرى ويغرى بين حتى الخويني

من ذم نـم وراعـي النـم بـلاس=يفعل كما يفعـل ابليـس اللعينـي

مافي الطلايب بين الادنين نومـاس=لاخير فـي المغلـوب والغالبينـي

من طالب العمسين زادوه بعمـاس=ويعـوّد المـشـروه للعارفيـنـي

عيد بن خلف العاصمي

وصية

من الرأي سامح صاحبك لاتعاتبه=لازل وابطـى بشـيء تراقبـه

وخذ ماتيسر منه واستر خمالـه=الا عاد نفسك في ملاماه راغبه

محمد بن مسلم

!
فقد

لوا حسايف سابقي ياهل الخيل=يازينها لاجت تباري المطيـه

مبرية الذرعان مركوزة الذيل=باغي عليها فك تـال الرديـه

حذفتها في هوشة كنها الليـل=كله لعينى صيحـة الدحمليـة

مطلق بن الجبعا الدويش

!
اوصيك

وأوصيك عز النفس في كل الاحـوال=عـن ذلهـا والـذل ويـش انتفاعـه

وارع الصديق اللي اصدقت منه الاقوال=والإالـعـدو الله يـسـود رقـاعـه

واحذرك لاتاله علـى قـرب الانـذال=او شوفهـم وتصيـر راعـي دناعـه

صقر النصافي

اغنم

اغنم من الدنيا ترى العمر مملوك=لو زانت الدنيـا سريـعٍ زوالـه

والمرجله مثل الدجا والوطا شوك=ولد الردي ماظنتـي انـه ينالـه

السليطي

حمد وشكر

الحمد لله ماعشقـت الرعبيـب=مدري طبع والا ابعدتني قلاعـه

خاويت شيبانٍ على الفطر الشيب=كم ماردٍ جيتـه تعـاوا سباعـه

يا ما لمسنا قرصنا بالمشاعيـب=وياما دفعناهن ورا الشمس ساعة

شليويح العطاوي

ثلاث

أرجي ثلاث فيك من غير منه=الدين الأول والكرم والشجاعة

الرجل لامن الثـلاث افختنـه=لا ينبغى زوله ولابه طماعـه

سعد بن هتيل الدوسري