|
حبيب العازمي + مستور العصيمي
حبيب
ياصاحبي مستور يوم انت بدوي سنّـك كبيـر = قدّم لنـا نبـذة بسيطـة عـن حيـاة الباديـة أحسن ركوب الطايـرة والباخـرة والا البعيـر = والا ركوب الموتـر اللـي مشيتـه متحاديـة |
رد: حبيب العازمي + مستور العصيمي
مستور
البادية والحاضرة سوى سـوى تنعـم بخيـر = اخذ السوالف هاديـة مـا دام الاجـوا هاديـة لوّ البعير يطير كان احسن لكنّـه مـا يطيـر = سفينة الصحرا وميـراث(ن) مـن الاجداديـة |
رد: حبيب العازمي + مستور العصيمي
حبيب
الناس طلعت للقمـر وانتـه محلّـك تستديـر = أصبحت مثل الكورة اللي عنـد بـاب الناديـة اختار فالأمريـن والموضـوع الاول والاخيـر = اتشاهـد التلـفـاز ولا تستـمـع للـراديـة |
رد: حبيب العازمي + مستور العصيمي
مستور
أنا زرعت البر واحصد بر ليش احصد شعيـر = واخذت للحرة مـن التاجـر رسـن وشداديـة اليا بغيت اختار اخذت الطيبـة مهمـا يصيـر = واهل الفتايـل وش تقـول وقدحهـا بزناديـة |
رد: حبيب العازمي + مستور العصيمي
حبيب
اللي زعل يشرب بحر واللي رضي يشرب غدير = والسايـق المسـرع لعلـه يقطـع العدّاديـة خذها بدون مجاملة كلمـة يعبّرهـا الضميـر = يا لأجودي مالـك مكـان إلا مـع الأجواديـة |
رد: حبيب العازمي + مستور العصيمي
مستور
اللي زعل واللي رضي واللي قطع سلك الحرير = علم(ن) بدون اشهود عند الناس مالـه قاديـة خذها نصيحة يا حبيّب واحسم الوضع الخطيـر = اللي يصيد الناس مع طـول الدهـر ينصاديـه |
رد: حبيب العازمي + مستور العصيمي
وسلامتكم يالغالين
|
رد: حبيب العازمي + مستور العصيمي
مشكور الذيب على ماقدمت
|
رد: حبيب العازمي + مستور العصيمي
مشكور ياذيب الغنانيم
|
رد: حبيب العازمي + مستور العصيمي
هلابك الغنامي
مشكور على المرور |
| +4. الساعة الآن 05:39 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط