تفضل يالمشرف حياك
 

ياسلام الله سلامن من هواجيسن تحني = توجع القلب المريح تبري القلب العناوي
قوم ياحاكم علامك وش جرالك ماتغني = ناويلك نيتن يالقرم مدري ويش ناوي

رد: تفضل يالمشرف حياك
 

هلا وغلا ياذيب


العذر على التاخير


عد مادنت رعودن من مناشيها تدني === مرحبابك في محلن شيمته ريح القهاوي

حاضرين ولا لقينا من يرد العلم عني === مير ولم مهرتك للغزو والدرب امتساوي

رد: تفضل يالمشرف حياك
 

هلا فيك اخوي
ماعليش

رد: تفضل يالمشرف حياك
 

هلابك


ماعليش على ويش ياذيب

رد: تفضل يالمشرف حياك
 

البقا بك يالمرحب واسمع الموضوع مني = عينوك الربع مشرف وانت كفون للدعاوي
والمريض اللي علاجه فرسنين وراس جني = وش يسوي والمطوع ينصحه ويقول غاوي

رد: تفضل يالمشرف حياك
 

تنويه عن وجود غلط مطبعي في
عينوك الربع مشرف وانت كفون للدعاوي
و
والمريض مو المرض
تحياتي

رد: تفضل يالمشرف حياك
 

يابن عمي ماينول الطــايله راعي التمني=== شوف وقفات الزريب وشوف وقفات العطاوي

مادرست الطب ماني من هل التمريض فني === والمرض ياذـــيب ماله في منازلــنا مداوي

رد: تفضل يالمشرف حياك
 

والله اني والله اني والله اني والله اني == ماهقيت انك تهون عقب جريت العزاوي
واحدن ياحاكم الروقي لك الله ممتحني == راس ماله يبن عمي بس عينان النداوي

رد: تفضل يالمشرف حياك
 

عنها ياذيـــب عن الخيل كانــنك تعني === ثم خلك فوقــها مثل العضـيله والـجلاوي


العيون السود طاريها بخلي ذكرني === حسبك الله لاتـــزيد القلب تجـــريح وبلاوي

رد: تفضل يالمشرف حياك
 

فوم ياحاكم علامك وش جرالك ماتغني ,,,, ناويلك نيتن يالقرم مدري ويش ناوي


الله الله

صح اللسانك ياذيب


حاضرين ولا لقينا من يرد العلم عني ...... مير ولم مهرتك للغزو والدرب امتساوي


قمة النقض والفتل


صح اللسانك ياحاكم


شهادتي فيك مجروحه


واصلوا واصلوا



انا ماسك الصفين