|
السناني وعمالقة عتيبة
بسم الله الرحمن الرحيم
السلام عليكم ورحمة الله تعالى وبركاته وبعد هذه المحاورتين من أجمل المحاورات التي جمعت الشاعرمحمدالسناني بالشاعرين رشيدالزلامي ومستورالعصيمي |
رد: السناني وعمالقة عتيبة
____المحاورة الأولى______
السناني ياسلامي على عتيبه بقصر السلام والتحيه على الحفله وحضارها يالعصيمي ترى بيني وبينك كلام تستمعله كبار القوم واصغارها |
رد: السناني وعمالقة عتيبة
العصيمي
مرحبا في محل العز والأحترام حفلة العزوة اللي ولعت نارها اسهر الليل لايطري عليك المنام دور الطيبه بالفكر واختارها |
رد: السناني وعمالقة عتيبة
السناني
البقى كل إبوكم يالرجال الحشام العرب للمواقف ترخص اعمارها القضيه تبي تاخذ ثلاثين عام لين سود الليالي تكشف اسرارها |
رد: السناني وعمالقة عتيبة
العصيمي
يجري الدم مابين اللحم والعظام خلنا يامحمد نظفي استارها نعرف أكالت الخنزير الاد الحرام اصبحوا من يمين الدار وايسارها |
رد: السناني وعمالقة عتيبة
السناني
قربت ساعة التسليم والأستلام شوف وحده من الثنتين واختارها قوم وثق حزامك ياجويد الحزام قبل تبلى برؤوس الشر واشرارها |
رد: السناني وعمالقة عتيبة
العصيمي
مانقابلك بالضحكه وبالأبتسام كل لحيه لها فالوقت مقدارها لاتجي في طريق مفرقين الزحام دور الحيه ام جنيب في غارها |
رد: السناني وعمالقة عتيبة
السناني
ندري انك شجيع من العصور القدام قدم اللي تبي ويجيك مسعارها والله إني بعيد الشك والاتهام وأنت تدري عن الحفره وحفارها |
رد: السناني وعمالقة عتيبة
العصيمي
يوم ظلا العجاج ركود مثل الخيام من هي الجاره اللي مذيه جارها انت سريتها في نور ولاظلام جاك فنجال دله زايد بهارها |
رد: السناني وعمالقة عتيبة
السناني
أنت راضٍ عليها جعلها لرحام قبل ماإن القبايل تنشر أخبارها والله إني مسريها حدود النظام وأنت ماانته مكلفني بمشوارها |
| +4. الساعة الآن 05:47 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط