|
ياما خذينا الحق والحق غالي
قصيدة الشاعر الفارس معجب بن فرج صعيبي المغيري العتيبي
يالله يارب ّ ٍ عليم ٍ بحالي = ياعالم ٍ عدّ المخاليق بحساب تنظر بحالي ياعزيز الجلالي = ياحامي أركان الحرم من ورا الباب ياحيسفي ياصقر ياماجرالي = محدن حسبلي تالي العمر بحساب ماكن إلي يوم ٍ خلاف التوالي = نهار يبس الريق يوم النـّسم ذاب إليا تقوّدنا بنات العوالي = بوسوق عيرات ٍ من القفل عصـّاب إمـّا نصينا عن ولاوعالي = ولا تنصينا ديار ابن مشهاب بقفايهنـّه مانعد الليالي = وإقبالهن عجلات من خوف الاطلاب ياما خذينا الحق والحق غالي = وياماعطينا الحق والحق غصّاب ويا مصبرنا تحت شد الرحالي = وياما تصيعبنا وزدنا بالاصعاب ياعيني اللي للقطر ماتخالي = إليا اختلف عن قطرها كل نصـّاب ياعنك ماجا فعلها فالموالي = ولا قط دنّت في قرايبها الاسباب الاّ ليا جانا النقيلي يشالي = ثم جا للحرب موقد وشبـّاب ولاّ إليا ماريعن العمالي = وجانا البرى مردود من يم الاجناب يازين مصباحي وراهم لحالي = بمسلـّبن يغدي دم الجوف صبـّاب مضرابها سير النحر والكحالي = إمّا انثـنى ولا يدعثر بالاعطاب كم مرقما ً بين الحريبين خالي = كلـّن يباه وعنه الاجناب هيـّاب ترعاه قطعان ٍ عليهن يلالي = المطرقين اللي على جرد الارقاب إليا لقينا نشرها بالمفالي = قلطلها اللي ضاري ٍ بأخذ الاوجاب ولحقوا هل البل فوق مثل السيالي = وجونا وجيناهم وجات أم غصـّاب ولحقوا عليهن مهملين الحبالي = والمال زاعنـّه عريبات الانساب وتواجهت بمكرمين السبالي = والخيل من كزّ المغاليب هرّاب نقفي بهن وردهنّه عجالي = يردون حوض الموت ماعنه مجناب سيلوا بني عمي وسيلو خوالي = ليا يبست القربه وتال النسم ذاب إن كان ماقالوا يفك التوالي = يقطعك ياهرج ٍ ليا قيل ماصاب |
صح لسان الشاعر الفارس معجب بن فرج صعيبي المغيري العتيبي
ونعم والله |
سامي العتيبي شرفني
مرورك العطر تحياتي لك |
صح لسان الشاعر وبيض الله وجه الناقل
تقبل فائق احتراااامي |
المشاركة الأصلية كتبت بواسطة التلميذ http://www.gnanim.com/vb/images/gnan...s/viewpost.gif
http://www.gnanim.com/vb/clear.gif صح لسان الشاعر وبيض الله وجه الناقل تقبل فائق احتراااامي شكرا على المرور والتعليق تشكرا على المرور والتعليق تحياتي لك على المرور حياتي لك على المرور |
قصيده جزله وانت جزل طال عمرك
الله يرحم قائلها ويحفظ ناقلها تحياتي لك برق الشمال |
ابو رامي اشكرك على المرور العطر
الله يعطيك العافيه |
مشكور يا برق الشمال على هذا النقل المميز والممتع في نفس الوقت
وعسى الله يرحم قائلها -ويحفظ ناقلها تحياتي لك |
المشاركة الأصلية كتبت بواسطة أبو بتـــــال http://www.gnanim.com/vb/images/gnan...s/viewpost.gif
http://www.gnanim.com/vb/clear.gif مشكور يا برق الشمال على هذا النقل المميز والممتع في نفس الوقت وعسى الله يرحم قائلها -ويحفظ ناقلها تحياتي لك تشكرا على المرور والتعليق تحياتي لك على المرور |
رحم الله الشاعر
بيض الله وجهك على الايراد |
| +4. الساعة الآن 05:31 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط