|
ياراكبن هجنٍ سواة الحناوه : سهيل بن جزآء
. بسم الله الرحمن الرحيم . ياراكبن هجنٍ سواة الحناوه ...............من سر جيش هتيم حيلٍ مراميل ماصافقوهن غارسين القناوه ...............الصلب والصمان الهن مـداهيل بعـد رون بـدارهن من حسـاوه ...............اقفن كما صيدٍ عطاله مصاقيل يوم اقبلن يشدن ركب الغزاوه ...............ميصالهن لهديب مع دكت الليل برسايلن لهديب راع النخاوه ...............عز الرفيق وعز من صكه الويل يذبح عشاهم لو يجيبه شراوه ...............كبشن يجيبه من شبوك العطابيل كرامته للضيف دايم ضراوه ...............ورزقه على اللي يحي النفد بالسيل يدق نجرن صافي الصوت ماوه ...............له دقتن تجذب عليه المشاكيل راعيه قرمن معتنن به عناوه ...............غار العويدي حط قرفه مع الهيل يفرح به اللي صاب راسه خواوه ...............يكفيه من بنه ثلاثة فناجيل في وسط بيتن للضعافي الجاوه ...............ينصاه من قلة عليه المحاصيل وينصاه من طالت عليه القساوه ...............لا شاف من دنياه قل وغرابيل وياهديب ساسك مايجي به رداوه ...............لك ماقفن معروف بين الرياجيل واليا رسمت البيت مابه زراوه ...............تعدله في روس الاقـلام تعديل قافك على معناه يطلع نقاوه ...............يشهدبه التاريخ جيلن بعد جيل وكلن على ماقيل يحفر بشاوه ...............اليا وقًفت فوق المقام المحاحيل وياهديب والله ماب صدري فضاوه ...............الريل فاضي والبواخر محاميل وراك تنشد وانت مابك غداوه ...............وتاقف معي في ضيًقات المداخيل وياهديب قلبك من هوى البيض داوه ...............مايقبلنك لابسات الخلاخيل وياهديب لا تشبق خطاة الفتاوه ...............حمر الشفايف والمحاجر مكاحيل اليا جات تمشي مشيها بالهداوه ...............فيها وصايف من ضبيً الغراميل اليا شفت من لمحات عينه غضاوه ...............غديت مثل مدور الفقع بالليل تغضي بعينن غالبتها الحساوه ...............وتومي لطراد الهوا بالمناديل عمرك وصل ستين مابك حكاوه ...............ما باقين الا هيكلك والعصاقيل ما يقبلنـك لا بسات الغشـاوه ...............عنهن تراك ابعد من الجدي وسهيل تركض وراهن مبتليهن بلاوه ...............ما يقبلنك لو قضن عمرهن حيل تبـا زمـانن فات كله طراوه ...............تصيد غزلان الخلا بالمقاييل واليوم عـود ولا بسلك عبـاوه ...............وتدبح بمشيك والمناكب مهاليل واليوم انا وياك بارضن خلاوه ...............نمشي مقافي والصبايا مقابيل إن كان جاك الذيب ياهديب خـاوه ............... الذيب الاشهب فيه منًا تماثيل قد فارقًـنا لابسات الغطاوه ...............حنا ولايد يوم غزوة هل الـفيل قد انقطع حبل الرجا من عراوه ............... حنا ورانا نجفًل الصيد تجفيل وياهديب درب السيل غطاه ناوه ............... ما يتبع الفوات غير المهابيل افهم كلامي لا يجي بك نساوه ...............جاك الكبر ياهديب مافيك تجميل الشيب جاك وراح وقت الصباوه ...............فارقت صيدك للمها بالمحابيل وياهديب طيبك نقتدي به قداوه ...............وانته على مثلك تجوز التعاليل والا الردي ياهديب مابه طراوه ...............في حزًت الشدات مابه محاصيل كتبت خطي بالقلم والدواوه ...............ارسلت انا لهديب جملة مراسيل بيني وبين هديب عرفه واخاوه ...............وانا على شرواه ما اخطي والا اعيل وجتني علومك ناصيتني نصاوه ...............وامسيت اميًز ماقف العدل والميل الطيب ما حدن ياخذه بالرضاوه ...............منزلن من والي العرش تنزيل لا تنخدع ياهديب في برق ناوه ...............ترى الضحول الضحول ما تشبه السيل عليك باللي ياصلون الحراوه ............... اليا ركًبت فوق المقام المحاحيل شجعان من ساس العرب اليا التلاوه ...............تاريخهم معروف حتى بالانجيل والهم مع الشدات عزم وسطاوه ............... لو كان في الدنيا طلوع ونوازيل وانته ولد غنام منته بجاوه ............... دليل من ضاعت عليه الدواليل عرفت وضع الحاضره والبداوه ...............وتقول انا محتار فالوقت ياسهيل وحنا شوانا الوقت في كل طاوه ...............تمشي بنا الايام بالحط والشـيل الشاعر :سٌهٌيـًلِ بًنِ جزُاِءُ الغُنـُاميِ العتيٌبيِ |
صـــح لسان الشاعرسهيل وأشكرك على النقل الرائع
|
صح لسان الشاعر سهيل
والف تحيه على ايراد القصيدة ... تحياتــــــــــــي ... |
صح قولك ومنقولك
|
اشكرك كل الشكر والتقدير
على القصيده المميزه ولك احترامي وتقديري ولايسعني الاا ان اقول لك الله يعطيك العافيه على إيرادك القصيده تحياتي لك ولموضوعك ورحم الله هديب |
صح لسان الشاعر سهيل ومشكور معمر الغنامي على نقل القصيدة
لك مني أجمل تحية إياد الروقي |
مــشكور معمر الغنامي على إيــراد قصيدة العـلم""" سهيل بن جزاء الغنامــي |
يعطيك ألف عافية
|
صح لسان الشاعر
ومشكور على النقل يامعمر |
صح لساااان ابوووو عمر
شاكرين على الطررررررررررررررررررررررح |
| +4. الساعة الآن 06:21 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط