انا مريت من هنا بفستاني الجديد ... اقصد باللوك الجديد :d

مساء الخير
قاعده اجهز الفصفص والحمضيات لمباراة الليله
وشي توقعاتكم ؟
عني انا 4_0 لأسبانيا

هههههههههههههههههههه

اتخيل يحطون موضوع الفضفضه مميز :d يستاهل

مبارك الاطفال هم زينة الحياة الدنيا الله لا يحرمنا منهم

<<< عنده طفله سالبتن عقله :36_3_13:

الحنونه الا عجبني بس لا تعودينها :sad_1:

حره نومنا خربان مرره وعيا يضبط يبي له فرمته :no:

عجلي الطلب وكثيره تراني جووعان مررره

كنت هنيا

هذي نصائح وماهي على كيفكم تقرونها وبس---لا تطبقونها يعني تطبقونها --ماهو شغلي من قال لكم تقرونها
المهم-----خذو هالنصايح انتم ووجيهكم:mad:




خطأ : تفتح الإشارة .. ثم اللي وراك يعلق لك البوري .. ثم تطالع في المرايا ..
وتلقاه يهاوش ومعصب .. ثم تلوح بيدك تتأسف ..


الصحيح : تنزل له بمفتاح العجل .. أو بالعصا .. وتطق الدريشه عليه ..
وأول مايفتحها .. جرّه مع شعره .. وأجلده لين يقول العيد بكرة ..
ثم قله مرة ثانية تصير الإشارة خضراء .. تصير حمراء .. تصير زرقاء .. تآكل هوا وتسكت ..



خطأ : تروح الدوام متأخر .. يقابلك مديرك ويقول بدري ؟! إطلع برا يامهمل .. اليوم محسوب غياب ..
أو شفلك إداره ثانية .. ويعطيك ظهره ويخليك ..
ثم تروح وإنت متضايق ..


الصحيح : إنك تمسكه من شماغه ( أو كرفتته لاصار أجنبي ) وبعدين تلفها على رقبته وتقعد تسحّب فيه بالأسياب ..
ثم تشوف أقرب كاسة شاهي من النوع الكبير اللي لأحد أخوياك بالمكتب وتصبها على رأسه ..
ثم .. قبل لاتطلع تقوله لاصارت شركة أبوك إطردني ..



خطأ : جالسين أنت ومجموعة من الشباب .. وعندكم علب بيبسي ..
وطلعت تبي تغسل .. فيقوم صديقك ويرج العلبة ..
ثم تجي تبي تفتحها .. ثم تطيش بوجهك .. ويضحكون عليك .. فتقول ...
ـههههههـ .. الله يرجك والله لأرد لك المقلب بعدين ..


الصحيح : تمسكه .. مع رجليه ..
وتمسح فيه الأرض .. وتجيب علبة ببسي ..
وترجها رجاً مبرحاً .. ثم تفتحها بوجهه ثم ..
تقوله لاصرت أخوك الصغير .. وإلا تمون علي ..
إمزح معي هالمزح .. وهالمرة بسمح لك عشان خاطر الموجودين ..



خطأ : راكب سيارتك مستعجل .. وكل إشارة توقف عندها .. حتى الإشارات اللي مافيها أحد ..


الصحيح : حتى لو إنت مو مستعجل .. إقطع الإشارة .. الإشارة حطوها لليموزينات و اللي مايعرفون يسوقون واللي يفحطون حالها حال المطبات يعني ..



خطأ : متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك .. ثم تقوله ليش ياخي ماتشوفني متابع ؟!


الصحيح : صكه بالصينية .. ولحقه بفنجال وإلا طفاية الدخان ..
وخذ منه الريموت .. بدون ماتكلمه ..
وحط فيلمك .. وتابعه بكل رحابة صدر ..


ههههـ,,
خطا,,انك تناظر الموضوع وماترد ثم اقولك ليش ما رديت تقول ماني فاضي,,
صحيح,,اصفقك باقرب موضوع على وجهكـ وما ارد واذا رديت قعدت اشتم في الموضوع,,ههههههههـ,,

(.ههههههههههههههههه )

هذي نصائح واحد معصب وقافلة معة ----ماهي من عندي

المستلد وابو رامي وينكم
مافاهمني غيركم

مسويلكم عشاء ياهل الفضفضة--وانت يالصامت اللي تحت هلم معنا واهرج يارجال على الاقل افتح فمك بلقمة



http://l.yimg.com/lo/api/res/1.2/F83...edia/2/__1.jpg

ههههههههههههههههههه
راحو الطيبين الي كانوهنا

كنت هنيا ومالقت احد وروحت يم الذنيبه
ابعشي البل من وافي وحده كافي توني جايبه
من الدوادمي يمدحه سيف مبارك الدوسري
هههههههههههههه
والله يحييكم على العشاء الي بسوي ضبان مع فلاافل
والدعوه للرجال عامه وخاصه للحنونه وحره على كف صقار
هههههههههههههههههه

انسدحت هنيا

:icon1366::icon1366::icon1366::icon1366::icon1366: :icon1366::icon1366::icon1366::icon1366::icon1366:



الحنونه مرة من هــــــــــــــنــــــــــــــــــــا!!


وزعلانه ومالها نفس تفضفض...


وعشاء ماني معشيتكم:icon1366:

ههههههههههههههههههههههههههههههههههههه
ههههههههههههههههه < فاطس ضحك وبغا يجيب العيد

الله يسامحك ياعاشق المرقاب انا قايلك ان حره مسويه عشا وعازمتنا وانا مرضان في الناقر ابغا علاج علشان اتعشا مع الجماعه وانت قلتلتي علاجك عندي واخذتني لراعي الكريك بس غلطتك اخذت معي المشعاب وسمو الذات ويوم وصلنا باب غرفة المعالج كبيتنا ووصيتهم يكتفوني لين يعالجني وهاذي اكبر غلطه سويتها لانك مادخلت معنا تدري وش صار بعدك كان المشعاب ماسكني مع جنبي الايمن وسمو الذات مع الجنب الايسر المهم عقب شافو الرجال يحمي الكريك زعل سمو الذات وقال انا مالي نيه اشارك في علاج خوينا لان اخر الطب الكي وماني قنعان بالطب الشعبي وهو ماويه في الله يحفظه بس بلشت بالمشعاب ويقول اكوه ماعليك منه المهم المعالج عور وعرج وشوفه قدي ويوم اقبل علي بالكريك انا ارتخيت لاني خابر كوية الناقر في الاصبع الكبير في الرجل والمعالج يباها على القله المهم هو عور وما انتبه لي يوم ارتخيت وشاف المشعاب واقف وهو يصكه بالكريك من تحت شحمة الاذن لاهو مدد ويرفس ويوم شميت ريحة الشياط عرفت ان فيه علم وانا التفت في المشعاب لاهو من صيد امس والمعالج يضحك ويقول عساها طلقة عقال واعود واشتال المشعاب واوديه للبيت واليوم كله وانا اردد عليه ( جبناك ياعبدالمعين ونبغاك تعين ولقيناك ياعبدالمعين تبغا من يعين) المهم عقب الكوي شفت الرجال تلخبطت عنده الذاكره وراح يخم ويخطي في اسامي الجماعه وعانه نوب يقولي انت تعمل في كوبري البحر الميت والبحر الميت في حدود الاردن وفلسطين ونوب يقول انت رايح للحفر ونوب يقول سمو الذات والحنونه من اهل عفيف والمشكله انه يقول حره على كف صقار راحت تعلف الابل وحاولت اقنعه ان حره ما تعرف تربي اي شي في الحيوانات وعيا يقتنع وهالحين عانه يبغا ينطرح من الحكومه لانه يمشي على خطى (مجتهد) ههههه الا قلي يالمشعاب وش علاكم من العج في ظلم هو قشع ولا غشنه هههههههههه

سديتوا نفسي !
ضبان وناس زعلانه وشياط وتسوي ونياق ...
الله يلوع تسبدك ياعاشق
اليوم العشا علي بس بفكر وشو ؟
وش تبون انتم ؟ وجبه وحده فقط لوسمحتوا..

اقتباس:
المشاركة الأصلية كتبت بواسطة الحنونه http://www.gnanim.com/vb/gnanimxp/buttons/viewpost.gif
:icon1366::icon1366::icon1366::icon1366::icon1366: :icon1366::icon1366::icon1366::icon1366::icon1366:



الحنونه مرة من هــــــــــــــنــــــــــــــــــــا!!


وزعلانه ومالها نفس تفضفض...


وعشاء ماني معشيتكم:icon1366:






وش مزعلك ؟ ابي ازعل معاك