استر عن عيون الشماته جرحي=واقول وشهي طعنة الجنبيه.!
اكابر بصمتي وافل احجاجي=والناس ماتدري وش اللي فيه
مايدرك الغايه سوى متثبت=كم روحةً ماجاء بعدها جيه
واليا طعنت من الخلاف ادر انك=قدم العرب والطعنه الماريه

محتاج اضمك واترك الدمع ينساب=ويكتب على خدي بلاوي سنيني
بالحيل ميت من زمن مابه اصحاب=والكل منهم بالمصايب يجيني

الـحزن فـي صـوتك ازعـج ساكني=لـين صار الكون من حولي حزين
غـصب عـني حـزن صوتك هاجني=لـيـن خـلَّـى عـاصي الـمعنى يـلين
وامـتـثل حــرف الـقصيد وعـادني=وانسكب حزنك على شِعري حنين
شِـلت أنـا صـوتك وحـزنك شـالني=أكْـتـم الـصـرخه ويـنـساب الأنـين
شِـفت حـزنك كـيف حـزنك شـافني=كـيف داهـم خـلوتي فـي لـحظتين
طـيـر أنــا مـثـلك زمـانـي ضـامني=جـرّحـتني مـثـلك سـيوف الـسنين
صـابـك الـلـى مــن زمــانٍ صـابني=فـي مـعاليق الـحشا جـرحه دفـين
الــفـرح عــقـب الـصـداقه هـابـني=خـافت الـبسمه عـلى وجهي تبين
طـير يـا اللّي صوت حْزنك هاضني=الله الــلــي يـنـتـصـر لـلـصـابـرين

فيني خلايا تنزف الحزن والهم=وفيني طلاسم ماحدن قد قراها
فيني هموم تذرف دموعها دم=وانت الحروف الباقيه عن سواها
لك خافقي رحب وهلا وسلم=ولك العيون تعيش لأقصى مداها

وشلون ترضى الهجر يقفي بغاليك=وشلون ترضى تعيش منته بحوله
الكل سالي في حياته وناسيك=وانا الوحيد اللي عنت لك خيوله
حتى الهوى لاهب يأتي بطاريك=اتنّفسه واقول هذا رسوله
الحظ وينه جابني في مرابيك=والقلب عاش بسبتك في ذهوله
خليتني لجرح الزمن من تجافيك=والدمع في عيني تزايد هطوله

يرضيك ماسواه فيني زماني=يرضيك همي والعذاب وتجّنيك
جرحتني حطمت باقي كياني=انزف ألم وجروح وقلبي يناديك
جيتك عساك تحس فيني ثواني=وتشوف ماسواه فيني تغّليك
خاب الامل ضاعت جميع الاماني=ببكي زمان الحب وابكي وأعزيك
عايش مع الاوهام اكتب معاني=اشكي مع الايام قصة تجافيك
ليل الفرح في غيبتك مالفاني=الله مااقساك ومااقسى لياليك
ليه الجفاء في دنيتك يأأناني=حطمت قلب انسان مغرم يناديك
الله حسيبك كيف قلبك نساني=تنسى زمانً فيه انا كنت مغليك

ياسواد عيون ساره كيف ساره= ماتشوف بعينها حزن انتظاري
قالت ان الحر يفهم بالاشاره=قلت والذيب ان ذبحه الجوع ساري
أبدويً طحت في حب الحضاره=حبنا ياللأسف ماهو حضاري
لاوصال ولااتصال ولا زياره=ول ياحزن الفراق الاختياري