الظاهر ان الصوره هاذي بعد عملية البيع في ضرما مار نبا نكلم معارفنا في نظام ساهر ونشوف الصوره اللي تقولها

طيب شف الصوره هاذي وركز في زاوية الصوره اليمنى

http://www.awarth.com/up//uploads/im...b77d61575f.jpg

ههههههههههههههههه
ابك ايه هاذي اللي شفتها اليوم
مار السروق ليش ماظهرت صورته والا يوم قشطته الكيمره كان مدنق يوزي الصخال تحت الطبلون

ياالربع صبحكم الله بالخير ابوارامي انتم علامكم على ابوعلي دايم تتهمونه وانا اتوقع انه بري برائة الذيب من دم يوسف وانت ياابورامي دايم سيلك حدور على الرجال اما انك خابرن الك شي ولا تحب تقحمه في مواضيعك لمهم ابشر بلعوض ياابورامي وانكانك في الرياض الغدا بكره نبي نعزم الربع ونجيب ابوعلي نتحقق من وضعه

ابشرك يامسري جبت عنه اخبار قديمه اثره سرووق منذو مبطي يقولون عام الاول سرق كراتين موية صحه من بقالة في الثميد وبلاه ربي بغا يموت بس فكه الله المهم ساهر صاده بالاقمار الصناعية وهاذي الصوره

http://www.mekshat.com/pix/upload/images3/0530.JPG

صباح الخير هونوها تهون ابو رامي جمعوله قيمة احطبه قطه بين الجماعة وابن عمكم اسكتوا عنه كن ما صارشي والغداء عند ابوبطين في الرياض وسوف تنحل المشكله بسهوله .ولكن انت يابو رامي عندك مشكله ثانيه انت معك ماطور وتقطع الشيران الخضر وتخليها حتى تيبس وتحملها على الدنه للبيع وهذه مخافه ثانيه غير ان بيع الحطب ممنوع انت سببت مشكلة للمجتمع .الدوله تزرع الاشجار وانت تعتدي على الاشجار الحيه حتى تبيعها حطب هذا الموضوع سوف يطرح للنقاش في الجلسه وينظر في مدى الضرر الذي احدثته في المجتمع انت وماطورك

يسعد صباحك يابو رامي ابشر بعزك يابو رامي ابشر بالعوض

كلنا من دونك نشد الحزام كانها بالثار ابشر بالثار وانا الرعد

نقص جرته ثم نلزم الحرامي وانت والله انشط مني يابو رامي انا مهلكني الدخان ثم اكتفه وابشر اني بشفيك منه وابي اعبطه في الغارب بالفاين لهو قوام وانا اعرف ضربتي بالفاين والله لخلي النشيط يتوانى من قوت ضربت الفاين وانا ولد ابوي ولا حكومه ولاغارها تراني احب المباهزات والله دايم مسلطني على الظالم والنقوز والحرامي

واللعين الحرامي نقز على حلالنا يحسبها سلامات لولا الله طاح ولااحد سما علاه


اما ابن غانم انا ازكيه تكفى يابن غانم لايكون زغرك ابليس مع غلاة الاسعار وقلت البركه في الرواتب ابك ارسلي على الخاص وخلني ابدي على الغنامي واخذ معي الربع ونطلبه الي في خاطره وعني يبي يعطينا مطلوبنا لانه رجالن كفو وعارفه ويبقدر السبب وهو غلاة الاسعار هالايام



تحياتي لك


والخاتمه سلام