|
رايي في المنتدى ماشي الحال ما اضحك
على نفسي وعليكم واقول انه تب ولكن ان شاء الله مع حملة التطور الجديده نشوفه في افضل حال .. والهدف والطموح واحد وهو الرقي بهذا المنتدى الغالي علينا جميعاً الى افضل المستويات من جميع النواحي وفي جميع الاقسام وان ارى الاعضاء فيه يصلون الى ارقام قياسيه حتى نستفيد منهم ويساهمون في تطور المنتدى . |
كلااام جميل جداجدا
طيب لو يقال لك سووف نسلمك الاداره شهر اول شي تعمله للمنتدى واخر شي تفكر فيه للمنتدى وهل تقبل وجووود المتلاعبين او العنصر النسائى من غير قاصر في خواتنا الى معنا |
اول شيء اسويه ابي اغير ستايل المنتدى..
واخر شيء افكر فيه اني اتحيز لبعض الاعضاء.. لن اقبل بوجود المتلاعبين او المسيئين سواء للمنتدى او للاعضاء او لأي كاين كان !!.. طبعاً اقبل بوجود العنصر النسائي فكل الاعضاء سواسيه ولن افرق بين اجناسهم الفرق يكمن في الادب والماده المطروحه وليس بين الاجناس او الاعمار .. |
حلوووووووووووو جدا ياحلوووو
طيب طال عمرك تتوقع وش يردهم عن اللى تقووله او يفكر فيه كثير من الاعضاء وبعدين شووف انتسابي متى وانت متى وشف كم عضووو سجل في الفتره ذى وربي شى يفشل بجد انا في منتديات كثير وربي ماعمرى شفت كذا غير هنا طيب تتوقع لو يسووف تعديلات او يغيرون في في بعض الاعضاء بيستمر استمرار حلوووو ولا لا طيب بسئلك يومنك اختلاطك كثير هنا مع اخوانا ابي اعرف كم واحد مشرف علاقات عامه للاسف ماشفت ولا واحد طيب هل تتمنى ان منتدانا ينحصر على القبيله او لا شكلى ازعجتك باالاسئله بس مدام سامرين خلنا نبربر |
لا ياعبدالعزيز شكلك بتنكبنا مع الحكومه !!
بس هم الي قالو لنا فضفضو وحرية التعبير ماهي حرام . الله يستر انا ابا اجاوب ثم احط رجلي ! والله مدري وش الي رادهم بصراحه هم الي يجاوبون ومن ناحية تسجيل الاعضاء الجدد صح انا مستغرب كيف المنتديات في الساعه يسجل كذا عضو واحنا لا لأني انا في كذا منتدى بس ان شاء الله يتحسن الوضع.. اكيد ان الوضع بيتغير وانا مع زيادة الاشراف والمراقبه ونفسي يغيرون كلمة قبيلة الغنانيم ويخلونه منتدى الغنانيم فقط لأن الناس يتحسسون من القبليات وما يحبونها , عندك انا مثلاً مستحيل اسجل في منتدى المغايره مثلاً او اي منتدى ثاني بأسم قبيله فقط اتصفح واطلع .. والله ما عندنا مشرف علاقات عامه بس اذا فيك المواصفات المطلوبه تقدم للحكومه بخطاب !.. لا اتمنى ان ينحصر على القبيله من ناحية الاعضاء ولكن من ناحية الاداره نعم لازم يكون حصري ولا يمنع الاشراف ان يكون من غير ابناء القبيله .. الله يستر منك شكلك ورطتني مع الحكومه خخخخخ ترانا عندنا ناس تنقل الي يصير هنا للحكومه !! اجل تصبح على خير ثم اذا احد سألك عني قل ما شفته!! |
قبل تطلع سمووو الذاااات
بقوولك شكرا على الصراحه اى لاف خيووووو سمو الذات تصبح على الف خير |
الشكر لك على طرح اسالتك التي
تدل على اهتمامك في المنتدى تحياتي وتقديري مع السلامه |
http://i45.tinypic.com/2447kle.gif مساء الخير للجمييع كيفكم يااحلى اعضاء؟؟
|
مساء النور والسرور حنوووونه الحمد لله انتى كيفك ان شاء الله بخير طول الله عمرك اللى يعرف علاج اللوز والحمى يعلمنى:icon1366::icon1366: |
مساء الخير ياالحنونه ..
كيفك ؟ |
| +4. الساعة الآن 11:22 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط