ههههههههههههههههههههههه
يالله حيهم الشباب
خلود يمال البلاء فال الله ولافالك
شايفني مثلك كل يوم في ابو زعبل
الحمدلله ماقد دخلته ولامره والله الحمد
يمقن انك شبهت علي ودك تحاول كسب اي معلومه
عني لاكن ابعد من السماء عن الارض اي معلومه تصلك
عني لني ماني الي في بالك
هههههههههههههههههههههه
اطلع من حياتي خلوووووووووووووود
وش اخبارك ياعاشق ليه ماعزمتنا على الضحيه
الله يقط لسان بليسك
الجنه مبتغاي وش اخبارك
مايعنتي حره والحنونه
قولولي المستلبد وينه ماله شوفه شروه بزياده في الراتب 50/100
الف مبروووووووووووووووك المستلبد

اقولك ياخالد ماودك تخاويني لعرس جديد في الرياض
بس بشرط ماني مرجعك لظلم مالي فيك شغل انا بروح
لشرقيه وراي حسب جدول برنامجي ان عندي
زياره لمحاقظة النعيريه
ومن ثم الى ام ارقيبه لاشراء بعض الحشو
وششششششششششششششششششششششش رائـــــــــــــــــــــــــــــــــــك

هههههههههههه
هو من زينك يوم ادور معلوماتك
ههههههههه
المهم خل النعيريه لهلها لاتجيها ولا تمرها مرور بعد
لايكون مرسلك محمد بن فهد
تاخذ جوله بدال سموه الكريم
وام رقيبه منت وياها مير عليك بشبوك الجنادريه

هلا عاشق المرقاب اخبارك ان شاء الله طيب
كل سنه وانته طيب
غياب جماعى بنسوى نظام غرامات
ههه

ياللة حي المشعاب وخالد قايل يامرحبا بكم
الا على طاري العيد ياخالد قايل ماعينت المستلبد باشا -وسلملي علية اذا انك تواصل معة
-----------------------
وينك يابو رااااااااااااااااااااامي
----يالحنوووووووووووونة
----العوبا حررررررررة

عاشق المرقاب
خالد قايل
المشعاب
ما عليش انا ذكرت اللي لهم جره في المعطان والباقين على العين والراس
الله يمسيكم بالخير جميع
لاتواخذوني في غيبتي الأيام الماضيه لأني انشغلت شوي رحت لبيشه ابا اشوف المرضه اللي يقصد فيها ابن جدلان ويوم وصلت مستشفى بيشه قلت ورونيها قالو نقلناها لمركز صحي في وادي ابن هشبل والحقها هناك ويوم وصلت قالو اشغلونا الناس عليها ونقلناها لتثليث وادعس وراها قالو لو تقدمة نصف ساعه كان شفتها ما عليش رجعناها لبيشه المهم وارجع لبيشه ويوم سألتهم عنها قالو والله للأسف نقلناها للنماص وادعس للنماص ويوم وصلت واسئل عنها قالو عانها في غرفة الممرضات المهم وادخل واسئل يابنات وين مرفت قالو هاذي مرفت قلت انتي مرفت اللي ابن جدلان يقول فيك

تعال ابا انشدك يادكتور عن مرفت ×× الحق وجهه جري وانته تقول الحق
البنت هــــــــاذي ردايفها ليــا قفت ×× اللي تقول انتظر واللي تقــول الحق
ان كان مـا عمرها دارت ولا لفت ×× تستاهـــــل الفله الــدورين والملحق
قالت نعم انا هي مرفت بزاته قلت انتي مصريه والا سودانيه قالت انا مصريه بس من حلايب واصلي من النوبه شمال السودان
المهم رجعت ومشواري راح فالصو
هذا علشان تعذروني في غيابي الأيام اللي فاتت لآن ما سبب غيابي هو أمر جلل

ههههههههههههههههههههههههه
الله يرجك يابو رامي واخرتها شفت الزين
الي معجبك هذي حال الدنيا يابورامي
يما نصحناك وقلنا خلك معنا هني خثرق علينا
واخرتها سحت بحت
ههههههههههههههههههههههه
اتمنى ماتقاطعنا
وماتقولي عينة المستلبد عندكم دوره
في الحمض الي في النقعه
تراه عاده ماغير يقطي فيها
دايم يحسبنها ربيع دايم خضرا
ماهو بضارن غير بجده والكرنيش
هههههههههههههههههههههه
محش ابنحاش ليجي هنا ثم يشرشحني

مساء الخير جميعا ولكل من مر من هنا
اللة يقطع ابليسك يابو رامي تاركنا ورايح لبيشة اللي مافيها عيشة -قالوها الاولين-بس انت اللة يهداك ماتقنع لين تشوف بعويناتك
ابن جدلان من يتوحى لة اللة يهديك هذا ماينوخذ كلامة الرجال الوح وعور ماغير يمطق شدوقة كل ماشاف لة حرمة قصد فيها يعنني اعرف الزين من الشين ---الظاهر انة شايف لة مصري لابس لة جلابية سوداء ومقفي (والمصري يجيك مربرب من اكل الطعمية والفراخ ماغير يرم) ويحسبنة مقفى بنت وسج المصري بقصيدة مايدري ان الردوف اللي يتغزل فيها ردوف مصرررري سباك بعدهههههههههههههههههههههه
كنت هون اخثرق لحالي
تحياتي لكل من مر من هنا

مســـاء الخـــيرات
حبــــــايبـــــــي
عـــاشق المرقاب أنت تـــسئل عن المستلبد
أبكـ حتــــى أبــــوه مـــايدرى عنه خـــل أنــــا
لاكـــــن جـــبت لـــه مقـــطع يومنـــه كــــان في ثانى ابتدائى
كـــان طـــالب مجتهد

http://www.youtube.com/watch?v=x74lS...eature=related

ههههههههههههههههههههههههههههههههه
والله انك جبتها ياخالد
هذا هو المستلبد يوم كان يقدم الأذاعه المدرسيه وعندي له صور تثبت
الا قولولي انتم علامك مقاطعين ها الطلحه الدوفاء وانتم منول مقيالكم فيها كل يوم والا خايفين تشربون من الطاسه اللي فيها طعم زير ههههههههههههه
كنت جاي من راس كشب ومريت الدواعر ابو زريبه وشفت ها الطلحه قلت اقيل فيها ولالقيت الا مشب ناركم وجرتن ألها قطعة ايام وانسدحت على ظهري وخثرقة شوي