|
مساء الخير
كيفكم ان شاءالله بخير اليوم اشوف قصيده منزلها واحد في منتدى القصيده قديمه عن وحده تحب واحد ولا قدر يتزوجها القصيده حزينه مره وتقطع القلب:icon1366: بس مسكينه البنت حبته وضحت عشانه :no: وهو تلقاه ولا درى عنها وتزوج وكمل حياته صدق شي يضحك ويبكي |
على الله يآ مقآدير الـفرآق اللي بدون أسبآب . . !
وعلى الله يـ الظروف اللي تخيب هقوه الـ هآقي :sad_1: |
هلا بنت عمو
ياليت توردين لنا هالقصيده :) ,, |
يآرب عوض ( أحبتي ) خير وأغفر لهم عمآ سبق وأجعل هذا الشهر ينتهي وتنتهي معه كل آلامهم وأجعل سنة 1432 سنة خير وفرح عليهم وأرزقهم بفرح تدمع له أعينهم اللهم آمين |
اهلين عبدالله
ابشر دقائق بجيب القصيده |
بشروه الله يرضالي عليه
بشروه اني ابرحل من حياته بشرووه وفرحوا فيني ذويه كفنوا جسمي بماضي ذكرياته ادفنوني فالمكان اللي يبيه اطلبوا منه اذا خلص صلاته فوق لحدي يحمله براحه يديه ولي وصل قبري وحقق له مناته يدفن انسانه تحبه تموت فيه علموه اني وربي من غلاته اعشق تراب مشت رجله عليه حلفوه يشد ويقوي ثباته لاينزل دمع يجرح له عينيه باكر بيندم ويصحى من سباته يحتضن قبري ويبكي يرتجيه يعتذر عن جرحه وظالم سواته معترف بالذنب لكن بعد ايه مايفيد الصوت دام الفوت فاته من خذاه الموت وش له يحتريه الزمن غادر وتطحنا رحاته ماصفا حاله على الدايم كذيه يستوي ويقووم ويلملم شتاته يبقى شامخ جلد صبار ونزيه اطلبوه يسمي وحده من بناته باسمي وطيفي مع بنته يجيه طمنوه اني مسامحته لذاته بشرووه ...الله يرضالي عليه وادفنووه بجنبي ان حانت وفاته جنب انسانه وربي تموت فيه اعشقه باالحيل ماناظرصفاته |
من خذاه الموت وش له يحتريه
الزمن غادر وتطحنا رحاته يبقى شامخ جلد صبار ونزيه اطلبوه يسمي وحده من بناته باسمي وطيفي مع بنته يجيه طمنوه اني مسامحته لذاته بشرووه ...الله يرضالي عليه وادفنووه بجنبي ان حانت وفاته جنب انسانه وربي تموت فيه اعشقه باالحيل ماناظرصفاته :o يالطيف ألطف والله حزينه بالحيل |
صدق حزينه بس ماظنتي الرجال يحبها مثل حبها له
|
ما تدرين وش مناسبتها
يمكن أجبر على الزواج من غيرهآ أو إن أهله ما وافقو عليها لأنه تقول بشرووه وفرحوا فيني ذويه ذويه هنا بمعنا الأهل والأصحاب والعشريه وما إلى ذالك :p |
يقولون ان امه هي اللي رافضه زواجه منها
طيب هو رجال وين شخصيته مايقدر ياخذ اللي يحبها وش ترك للبنات |
| +4. الساعة الآن 10:53 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط