|
لا هنتوا يالربع وواصلوا ...
__
يا ضـو منت بضو .. أظنّك رماده = الضو والله ما يقارب وصايفك !! اسمك سميّ النار وانته مياده = يا علّها يا ميّت النار تلغفك !! للشاعر / كروم عبدالله الغنامي الضو >> اسم سوادي كان صبي عند جدي كروم |
ياهني مسعد يشيل دقاق الارقابي=ويشوف حين عيوني مايشوفنّه ماهو بناصب وانا ماني بنصابي=لكن من شافهن لازم يجيبنّه ياماب مسعد عليهنه ويامابي=ياليتني معه واسمع نمنمتهنّه لياحولن عنه مثل الصيد هرابي=سوات صيدن تناوش عالي القنّهّ اعلاهن اللي تخل القلب محطابي=واسفلهن اللي تحمسه حمسة البنّه سعد ابن عسير رحمة الله عليه |
وخلي اللي نحوبة من ورى بيشة .. مع درب رجع(ن) لعلة كان ماكاني
أن كان ماردّة الصيف برشاريشة .. ولا يـزفّـة ورى صـنعـا ونـجـراني الشاعر بطحي بن غنيمة |
أجاهـــــد الدنيا وأجـــــاهد عنيزان ,,, وهانت علي جهادها مع جهاده
جوبه مـــــن الديرة يقولون ما فان ,,, وأثــــــره سلبـــودٍ خبيثٍ مقاده أسمر عجر يسنى على كل الألوان ,,, ومعــربدٍ راسه سوات العراده ليا سرح يقطي ولا هوب عــــجلان ,,, يقطي سوات اللي يرقع غماده بغيتبه خدمــــه وتقضـــــاة غرضان ,,, وأخر عليه في حـــــياتي نكاده الشاعر / مشيلح بن مطلق الغنامي رحمه الله تعالى ,,, |
كفُـو نباكـم لا تسالـون وش بـي
ياهل الحكي كثر السـؤلات نشبـه حارت تفاكيـري وزاد الطفش بـي والقلب يرجف كن سم الحنش بـه مجلاسكم عندي يزيد الوحش بـي وأسمع تخافت بينكم قول وش بـه أنا العليل اللي عشيري بطش بـي يامن خبر تباع حـي بطـش بـه اطعمني الحنظل وشاف الغشش بي وأدلى على لوح الظمير ونقش بـه اسمه بثلث الناس وبكـل عشبـي وله آيـهٍ تقـرى وللحـب تشبـه يضحك بعد ماشاف آثار الدوش بي مسقى سبب سحره مع اوراق عشبه سيطر على عقلي وحل البلش بـي مثل المسافر بالخلا والعطـش بـه يوم أبتعد كني يشال النعـش بـي جسمي تردت قوتـه وانشـش بـه بيني وبينه قـوم والـدرب نشبـي وأكتابي أخفى سره اللي طرش بـه عيني تصد عن البشر والطرش بي وإن هب من يمه نسيم انتعش بـه زايد بن شعيفان الغنامي وله هذا البيت الرائع جدا يامنتظرني لين أقول لك محتاج تصعب عليه كلمة أرجوك عطني |
امنولاً قدرك على الراس من فوق = واليوم مالك عندي ايات قيمه لاصرت ما تعطي ولا تأخذ حقوق= الله يكرم عنك حتى البهيمه الله من العيلات وانا ولد روق = شطراً حفظته من سنيناً قديمه ولوكنت ماني في الذي قلت مسبوق = الوسم عانه يامشكك بريمه واللي مشى مثلك على كل طاروق = امه عقيمه وانته امك عقيمه (مرزوق بجاد بن مديبغ الغنامي) |
مقحم دحيم ازعجوه الناس يوميّه = دمّ الغنم عند بابه كنّه الساقي .. رقم اربعه من نعاتيت القبوريّه = لا عاد دين و كرم وأخلاق وش باقي ..؟ شعر / دحيم ابن رشيد الغنامي |
الصداقة بين روس الرجال إلها مقام ... ولا تعـــبرها خـــدوشٍ ثــقيلٍ دمـــها
للصداقة قـدر وحـــدود وآداب ونظام ... للرجـــال اللي علــوم الرجال تهمــها والصداقة لا تعدت حـــدود الاحــترام ... حطها في حفــرةٍ فالتـــراب ودمـــها والردي لو يلبس التاج ويحط الوسام ... ويترقى فالرتــب والكنـــوز يلمــــها لا تحطه فالشدايد ليا جاتك حـــــزام ... الحبال القـــــاصرة ما تـــورد جمــها والمنافق لو تستر بمعســــول الكلام ... مثل الأفعى جلدها أملس ويقتل سمها و النمايم نقلها يعتــبر عــيب وحرام ... و الخديعة كــل عــاقل تراه يذمــــها والحسود اللي من الحسد قلبه ما ينام ... لو يحصله مصــيبه يجيــك يزمـــها شعر / سلطان بن براك الغنامي . |
ياسـرور وصلـي سلامـي حجيـلان ...وده لــبـــو حــجـــي وعـطــنــي مــــــرده قــلــه تــــرى مـقـبــول مــولــع وولــهــان ...ومـــقـــابـــل الــــدمـــــام بــــيّـــــح بــــســـــده سبعة عشـر عـامِ قضاهـا بظهـران ...فـــي خـدمــة الأركـــان لارحـــم جـــده يا الله يلي تجزي الحسان بحسان ...يــاواحــدن تــرجــي الـمـخـالـيـق مـــــده أنـــــك تـشـوفـنــي جــذيــبــة دعــيــكــان ... وهـضـيــبــاتٍ مــــــن شـــمــــالٍ تـــحــــده مدهـالـنـا يـــوم العـشـايـر لـهــا شـــان ...نـرعـى بـهــا نـبــت الـوســوم الـمـجـده يامـا رعانـا أبهـا طــوارف عـمـودان ...ويـامـا سهـجـنـا بالضـعـايـن مـصــده ويـامــا رتـعـنـا بـيــن سـفــوه وعــــردان... ويـامــا ويـامــا شـيــن أزريـــت أعـــده مقبول السندي رحمه الله |
انا صاحبي شفته على يمة الطاروق
على جال مسهاج تعاقب طواريقه عشية يجينا السيل كن العرب في سوق وطاني يجر الجز كنه على ريقه يشادي طفيل الريم والون من الغرنوق علي آصفه وانتم علاكم تحاقيقه الاياحلي أشبوبتن ترتع الزملوق على حايفة صيفن تطرد زماليقه صبرت وجبرت عن اريش العين يامرزوق وابا اقفي لون القلب تجذب معاليقه بطحي بن غنيمه يرحمه الله |
يا سماح دليم عينت الاجازة . يوم لك مدخال بمّــــار الســــريــة
شب قلبي شب دافورن بقازة. ولعه خطو الفداوي لجـــــنبيـــــــة راكب اللي لامشى سكر قزازه. من سرى الدمام ممساه الحويـة ودي اللي ساكناً بارض المحازه .ناعس الطرفين ماشفناحلـــــيه والله انّي خابره صعبٍ جوازه. مير طرّاد الهوا عيــــنه شـقــــــية مفرح بن بخيت السندي |
هذه القصيده للشاعر حمدي بن بطاح الغنامي يرحمه الله موجهه لمشاري بن مناجى الغنامي رحمة الله عليه
يامشاري لاتكثر علانا باللـزوم = مانبي ممسا هنيا ولاولله نبـــــــــــــات دربنا عان المضيح يمينه والجثوم = واللهيب مع ايسره والعساكر وحسلات شف بالي يتبع النبت مع درب الوسوم = ماقعد يبا المخطط بصمد مليحــــــا ت راكب اللي يشرح الصدر ويزيل الهموم = ينتهض كنه جناحين ماهو بكفـــــرات زين جلده لاسربعد مادبحن النجــــــوم = مايوقف سائقه غار لاوقات الصلات حمدي بن بطاح الغنامي والقصيده طويله ولم تحضرني |
ياذلولي مـــع خواتك ورديني ×× واجحدي مابك وانا با كن مابي
يبسة القـربه انا كبدي طنيني ×× والمــوارد دونهــا يزم السرابي بيض الله وجه راع المارتيني ×× راعي الميري نقالي في صوابي حياد الغنامي |
ليتك ركبتي معي بالهاف يامنيره ===== يم الدحي مع طريق إذقان والصره الهاف يوم أستعد وقام معصيره ===== تقول صاروخ يوم دريوله فـــــــره ماوقفه سائقه يسبر مســـا ميره ===== ولاخالفه يلمــس الهوبات محتــــره والله لولا النبي وصى على الجيره ==== لابوق والبوق ولد سعيد ماســـــــره الشاعر حمدي بن بطاح بن غنيمه يرحمه الله |
كــــــــل صنـــــــعه جــديــده ياســـلام .. ركـــــبوا في طرفها مغـــــنطيس
تســــــــرق السمـع وتفـــــك اللحـــام .. نـــــارها تصتلي ولها حــــسيس اصـــــنعوها لعشــــــاق الغــــــــــرام .. من عيـــــون الــجراد الخندريس لـــــو يضيـــــــق المهنـــــد مايــــلام .. زاور الشـــعر الاول قبــر قيــــس مابـــــقى غيــــر اقل من الجـــــــرام .. عند مقحم اليا حــــمي الـــوطيس وباقي الشعـــر كـــور[ن] في ظــلام .. بايعه عمه الــــتاجر بـــــــــــكيس لــوقعــــد ليـــــن يــصبح مايـــــسام .. مار غطت عـــــــليه ام الـــــقبيس نـــــكتفي بالـــــحلال عــــن الــحرام .. حجة الــــــــــزور يشهدها بـــليس لـــــجنة الشــــعر مافيــــها كــــــلام ..المقاطي وهـــــزاع الــــــــــــرويس خـــــلوا اللأوله مـــــسك الـــــــختام ..دعوة وافقت لــــــــيلة خــــــــــميس نايف بن طلق بن مطيلق الغنامي القصيده لها مناسبة خاصه |
http://www.gnanim.com/vb/clear.gif هذه الابيات موجهه للشاعر الكبير مبارك بن مطلق بن عايش الغنامي العتيبي يا مبارك نبى نرقى سنـــود ... والسوالف تراهـــا مــجـملـه صبرنا زاد عن كل الحـدود ... علـم العـلم لـلــي يــجهـــلـه ما نحب التراخي والجـمود ... ذعذعــي يا الرياح المرسلـه يا سلالة عريبـين الـــجـدود ... تنقض الـحبــل ولاتــفتـلـــه الجمل يرمح الناس وهبـود ... نوخـه للحـمــول وحــملـــه واقدح النار من خشم الزنود ... وحضر القاذفه والقـــنبــله بنت أبو زيد في بطن اللحود ... وقاتل البنت لازم نقـتــــله وعندنا للقضى عشرة شهود ... كلهم حاضرين المشكــلـه شعر سلطان بن براك الغنامي رد الشاعر مبارك يابروق المخايل والرعود .. جملتي كامله ومكمله وانت ياللي وردت مع الورود .. قصّر الحبل والا طوله جبت لك حبل والحبل معقود .. وجبت حبلاً جديد وسلسله والجمل وردوه مع القعود .. ويعرف وش عليه ويش له أسمع العلم جعلك فالوجود .. رقم ترمي ورقم تحوله كلمةٍ جات من بين الفنود .. فـآخر الهرج مدري فأوله وبنت أبو زيد ربوها اليهود .. ماتكحل بكحل المكحله والطيور أربعه في راس عود .. وكل واحد يحاسب بعمله والبروج الطوالع والسعود .. والثريا وبرج السنبله والبحر مايغيض ولايزود .. لاتباريه وتقول أزهله |
اللبيب يشـوف فـي وقتـه الشـي العجيـب...والـلـيـالـي تـــــدرج والــبـــلا فـــــي جـشــهــا
بوهتنـا مانعـرف الصحيـب مــن الحـريـب...العـصـى كـلـن لـيـا اقـبـل عـلـيـك يهـشـهـا والقلوب اللي من اول مثل لون الحليـب...الــعــداوه فـوقـهــا الــيــوم تـبـنــي عـشــهــا والسبب كله من الواشي الوجه الغضيب...يــوم مـنـشـاره عـــروض الـعـبـاد يحـشـهـا نافخـن علبـاه والذيـب فـي بـطـن القلـيـب...والــزريــه فــــي كــمــوم الـثـيــاب يـمـشـهــا مقحم دحيم الغنامي في مجاراته لسعد بن جدلان |
يــانــديــبــي فــــــــوق عــــيـــــرات عـــــــــوصِ شـــعـــلـــي كـــلـــهــــن أمــــــــــلاط تـــضـــفــــي عــلــيـــهـــن الـــعـــبــــاة فـــج الأيـــدي هـضــع الأرقـــاب حـيـلـن وحــلــي مـثــل صـيــداّّ طــقــه الــريــح وقــفــى مــــع نــبــاة مـاعـلـيـهـن غــيـــر مـــــن يـقــطــع الـــــدار الـخــلــي مـــرقــــب يـــــــدرق مــتــونـــه والأخــــــــر قــــــــد بــــــــداة بــــيــــنــــن رديــــفــــهـــــم عــــــصـــــــر يـــــــــــــوم يــــحــــولـــــي كـــــــــل مــــاثـــــارة تـــطـــيـــح الــضــريـــبـــة مــــــــــن وراة فـوقــهــنــه وســـــــم أبـــويــــه وجـــــــدي مــــــــع هــــلــــي زيـنـة المـطـرق عـلـى خـــدة الـوضـحـى الـفـتـاة فــــوقــــهــــنــــه مـــطـــرقـــيــــنــــن قـــــــــــــــــرن مـــاتـــنـــجــــلــــي مــع ثـمـان فـخــوذ كـلــن عـصـايـه مـــع عـصــاة تــكــفـــى يـاســلــطــان مـاتـكـتــبــون الــفــســـح الــــــــي تـكـــتـــبـــون لـــــواحــــــدِِ مــــــــــــات قــــــــــــدام الــــــوفــــــاة وان طــلــبـــت الــفــســـح قــالــوهـــذا قــلـــبـــه خــــلــــي من مسك له ماقفِ يرسي ارساي الحصاة والـــركـــيـــب دربــــهـــــن يـــــاطـــــى مـــــركـــــز عـــــلـــــي وان وطـيـتـه حــــط فــــي الــرجــل نـشـبــول لــــواة موهق بن عجاج الغنامي رحمه الله |
قصيدة عسير بن ساير رجمه الله
يا راكب اللي كن اذانيه حربه حرٍ يسوقون المهر في ضرابه يرعى القرار ان طال نبت الزهر به من الوسم لين الصيف طاحت شرابه لولا اللواحي عن رديفه زمر به وليا نهره بالعصى جاك ما به وليا عطى الأرض السواء كن ضربه ضرب البرد من مستهل السحابه انسف يمينك (كشب) ترى الجمر به عط به رقاق ما تضالع ركابه وعطوه من (عد الموازين) شربه العيلم اللي على جال لابه والهضب لا تاطاه ترى الخطر به تراه مدهال العداء والحرابه واصاحبي باول شهر وين قربه وثاني شهر يابعد دار رعابه وثالث شهر جاب الطروش الخبر به يذكر من الشعبة الى اطراف شابه والخد براق بليل سهر به تمطر مقاديمه.. وتردم اعقابه والقرن ذيل أكحيلةٍ قدم سربه والا الجنايب يوم حل انصبابه يالعين لاتبكين من البعد كربه مدري لو الله عقب الأبعاد جابه تصبري والصبر ماهو بذربه صبرك بصبري لو زمانه نحابه شوقي نحا بالشام والشوق غربه من دونه اللي ينقلون الربابه ياطير ياخفاق ريش شهر به انشدك ماعينت جالي عذابه عهدي بهم والصيف كل ظهر به واليوم طلع الغيث مقفي اجبابه |
حياد الغنامي لوا هني الغضي ماجاه ماجاني --- ينقض على لابته زين الجمارا ماقالبوه الحماقى قد رايانـــــــي --- ولأشاف ياعيد عدوانن تهــــارا أنا أحمد ألي وقاني من رفاداني --- بعد مسكني ونادى بالمثـــارا ردي حضن يبيني في وقيــــــاني --- ماكني أسد في الربع السكارا عز الله أن أخوياي اليوم بيضاني --- في مثل هذي وهرجي بالقرارا معي العضيلات علت كل ديقاني --- دون الخوي ماتحسب فالعمارا علوش ينهى ويركز بم نيشــــاني --- وابـن عــوادة يسـابقة المثـــارا ألاد غـــنام ياذرفيــــن الايمانـي --- أحسو لسمو الدقش شغل النصارا يازين دندانـها والصـبح مابـاني --- من خشم كحلة إلى هضب الشرارا |
لو كلّ من ينصح يطيع النصيحه
ما ماج عن درب الرياجيل مخلوق كريم عبدالله الغنامي |
يآعين وش علتك وش فيك تبكين
..............لا غآإب لك صآإحب ولا مآت لك خل قولي عسىآ مآشر وش فيك تنعين ..............لا صآر كمي من مدآمعك مبتل قالت عرض لي طيف مدعوجة العين ..............وامسيت اهل الدمع من محجري هل ابكي من الحسسره على فوتت سنين ..............ولتّ وانا ارجي شوفته وآتمهل على شبيه الريم سيد المزايين ..............ولا شبيهً للقمر يوم يكمّل الششآعر : محمد بن عزآم الغنآمي |
ساعـة ركبنـا فوقهنـه مقفيـن
جاني بطرق الثوب ناسـن عباتـه قال السلام ومد لـي كفـة الزيـن ويدس عني ماحـلا مـن صفاتـه الوجه كنـه والنحـر والذراعيـن لون الحليب إليا أنعزل عن رغاتـه وجدى لون الوجد مالـه براهيـن لـن مـا تهيـت للبنـادم مناتـه وجود راعي هجمةٍ حالهـا شيـن حدنـة الاشـوار دون شهـواتـه يبي الربيع ولازمينة هـل الضيـن اليـن ذودة شـان والوسـم فاتـه على عشيرن خابره بـاول الحيـن ويمدي مقاسميـة مـن الله جاتـه اما رمنه فـي قصـور وبساتيـن ولا عليـة الوقـت دور رحـاتـه طرشتلـه وارد ثمـان وثمانـيـن سواة من سواه وأحسـن سواتـه البهبهانى مأشتغـل غيـر تمريـن اللـي حـدود المملكـة مانعاتـه فوقة من العتبان من يقضى الديـن غمراٍ تسدك فزعته عـن وصاتـه إليا كفخله كن صـوت القزوزيـن هدير هرشن فـي مـراح امهاتـه منصاه ما ينعـاق نـاسٍ مسميـن فـراج وألا عنـد مقحـم مبـاتـه رجالهم كالظلـع بالعسـر والليـن ماسال عن فقره ولا عـن غناتـه تحـر مـردود الرسـالات يوميـن والثالث أخذ العلـم منهـم وهاتـه وإن ماحصل مردود عن داعج العين راحوا محابيس الهوا مـع قضاتـه الشاعر : بنيدرمدوخ الغنامي |
عواض قم شبها والرزق عند الله=والرزق عند الولي من حيث ينويبه
كثرلها الهيل واحكر وزنة الدله=وان زانفنجالها كيّف شراريبه حذرى من الخوض وذهن هرجت الزله=ترى على القرم تكميلت مواجيبه وليا لفو لاتشاور لابس التله=علاك بالكبش واللافي تهليبه لشاعر محمد بن حمدالقمع الغنامي |
ولاياغزالن مع هل الحفر كيف انساه=لياشفت نجم سهيل يطري على بالي ولاياحلي الي تجي للملك مهداه=تجي في السباق الاوله ماتجي تالي لوالدي الشاعر فايح مناجا الغنامي |
أنا الى فصلت ثوبي مقـــاسي== مالي ومال النـــاس صاحـــــين ونيـــــــام
و أن جاتني من طيبً فوق راسي== وأن جات من ناقص تحت روس الاقدام |
..
قصيده الشاعره المطيريه ياركبلي اللي ماتقفاهـــن الــدم ** والزار ماحس العضود الجــلايـــل يشدن حثلوم القطا اللي تحثلم ** في القيض وان علق براس الثمايل وامرتني جوف البيوت المهـدم ** اللي غدى في جوف لم الــقبايـــل ولاهمي لاتلبسه عفنة الفـم ** ثــم وقفتبه في طــويل الــظلايــل ______ مجاراة مشيلح بن مطلق (رحمه الله ) ياركبلـــي بكرة يــوم ابو خـــم ** سنـــامها فـرع النسانيس طــايـل تجفل ليـــا لآحتــلها فية الكــــم ** ولا ليــا مــن شافـت الحــبـل ذايل تشدي ظليمن من مقيله لايضــم ** وان شافله زول مع الصبح زايل ولا اللواح اللي بها الراس تلزم ** مــاريضت للـي تــعدى البتــايــل ولاردها العمال للقصر تطـــعم ** ولاكاشخت بالذيل في الشتو شايل يالله من نــوِِ على الشام غيـــم ** مـن وسم ولا من سحاب الاوايـل حتى ترد ضعون من حدرو يم ** شيـخن يبي ينصى قفـارٍ وحايـل ______ عسكر المصعوك الغنامي (رحمه الله ) ياراكبن هجن من الحال ردم ** معشـبــات مسـيــسات زمــــايــل اما عمانيات وشعافهن حــم ** ولا حويطيات قـمـــــر واصـــايــل ينصن حين ناحي لي معه عم ** هو من حمــوله واقتفاله حــمــــايـل وان كان يم اركابهم بالقدم تم ** عاين لهم منسف على صفـو حايل .. |
عدنا بقلم غنام الغنام ..قصيدة غزلية
يانوح شكوايا على النافع الضار .. مهب عليكم كلكم يا شعاعير لي صاحبن ضيعته بدار بشار .. ويأست منه ولالقوه المداوير دونه حسن نصرالله يدور الثار .. وام القصير محاصرة بالطوابير يابعد ديرة صاحبي ياهل الدار .. والساعة اربع ف البلد عطل السير وبيني وبينك وانت لاتبدا الاسرار .. ماعاد اجي بين المواليف والبير ولاني بلا حاسد ولاني مغتار .. وان جات وان ماجات تصبح على خير |
بيتين اختلف فيها الرواة هل هي لشلاح بن عيد الغنامي او لمشعل بن شبيب الغنامي
والذي يرجحه الكثير انها لمشعل بن شبيب ومنهم مفرح بن مرزوق بن شلاح حيث قال هذه القصيدة ليست لجدي شلاح بل هي لمشعل بن شبيب ياصاحبي ياطاعلى القطن واحفاه يامن يسوي له من الماء نعـالي يحط له نعلٍ عـلى قـــد ماطاه وشراكهنه من هبوب الشمالي |
واهني ميلب ما تولع ولا احتار
ولا جاه ما جاني ولا ضاق صدره وياجرح قلبي جرح واداً ليا اعتار من مزنةً خلت علاويه حدره من مزنتاً غراً تشعشع بالانوار يسوقها المعبود بامره وقدره مقبول بن السندي رحمه الله |
ماني بشراب الحبر الثناوي .........هذاك كيف الي يخمه وا يخطيه
والله لو لاك وا ملفي وا ظاوي .ٍ.......ما جيت في وادي حماه وا ملاويه وابو هليل مزبنن للفداوي ٍ.ٍ........ريف الظعيف اليا تجدت عوانيه هاذي القصيده لشاعر براصي بن ساير رحمه الله |
| +4. الساعة الآن 11:21 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط