منتديات شبكة قبيلة الغنانيم الرسمية - ثلاث لا طاحن من الرجّــــــال قله يستريـــــح

ثلاث لا طاحن من الرجّــــــال قله يستريـــــح
فاخت حبال المرجله واستلبسه ندّ ونقيــــــض

لا فات فرضه ماركع لله بالوجــــــــه الصحيح
لا ترتجي من نفعتــــــه لو كان لك أخوٍ شقيق

والثانيه لا وجبّت له واجبــــــــــــه عنها يميح
يدرج لها عرض الكتوف ويتبع الزفره شهيق

والثالثة من لا حمى غِرّات جــــــاره لا تبيـح
يقرن مع اللي لا نغزه ابليس صوّت بـالنهيق

والمرجله تاج الرجال اللي لهم طاب المديح
لو تنصرف وتْسَاق للرديـــــــان والله ماتليق

صح لسانك ياياسر..!

كالمعتاد ابداع يعانق ابداع..
نص عذب ممزوج بالحكمه .. اتى على بحر جميل
اهنئك عليه .. ولاهنت على هذا الحضور المميز

تحيتي واحتراامي,,,,