منتديات شبكة قبيلة الغنانيم الرسمية - خطو الرفيق اللي يدور لك الزود

اقتباس:

المشاركة الأصلية كتبت بواسطة مبارك العتيبي (المشاركة 155636)

هذ ي أبيات أهديها للاخ العزيز
أبو أياد
ولن تفيه حقه مع أحترامي وتقديري لاخواني في المنتدى إداره وأعضا

يقول

يا مدور الحكمه ويمــــــدور الجـــــود ==

ثنــــــتين فا اللي فـــيه ما خـــاب ضني

خطــــو الرفيق اللي يدور لك الــــزود ==

يرفـــــاك قـــبل أنك تـــروح متعـــــني

ما حط له فضلاً على شان مقصــــــود ==

أخـــــذ الكــــلام وثابت العــــلم مـــــــني

سيماه في وجهه وطيـــــبه من العــــود ==

وفــــني وفــــي كـــل المفــــاهـيم فـــــني

عـــــــــليه مني كـــامل الشـــــكر مردود ==

وعــــــليه مــــردود المفــــاهــيم مــــــني

يوم أن بعـــــض الناس مايكسر العــــود ==

إلا عــــلى شــــان الغــــنا والمغـــــــني

أخوكم الشاعر مبارك العتيبي

ابو ممدوح تسلم تسلم الله يطول بعمرك وصح لسانك

وماعليك زود وماعلى جميع الاخوان في المنتدى زود

والفضل لله ثم لجميع الاخوان الذين يهمهم المنتدى

واهله وهم كثر من امثالك الله يكثر من امثالك ويسعدك ويسعدهم

والهديه وصلت وهي تاج ووسام لانها منك وانت شخص له مكانته

العاليه عندنا ولوني احس ان ردي الشعري يليق بمقامك

كان رديت عليك بالمثل ولكني لا ارضى لك بمادون النجوم

لآن الشعر فن وذوق وامتاع وابداع وانت من هاولاء الشعراء

المبدعين في منتدانا ولايرضيك إلا الشعر الغزيرالممتع .

وفي الختام شكراً لك ولكل من مر عبر قراءت ابياتك هذه

وماعليك وماعليهم زود .

كل الود والتقدير