|
اقتباس:
المشاركة الأصلية كتبت بواسطة سعيد بن ظافر بن المعطاء http://www.gnanim.com/vb/gnanimxp/buttons/viewpost.gif صراحة اشعر اني اسبح في بحر الشعر الحقيقي والأبداع الرائع وانا اتصفح في ديوان الشاعر العملاق سلطان الغنامي . صح لسانك يابوتركي صح بدنك ولاعليك زود وشهاده نعتز بها تحياتي لك |
بعض العرب لو مات رحمه وتخفيف
ترتاح منه الارض والنــاس ترتاح مايقضي الحاجة ولا يكــرم الضيف ومن خلقته لبواب الاشرار مفــتاح شيب وطيبه مع هل الطيب ماشيف ويفرح لعـمه وبن عـمه ليـاطــاح مغلـفٍ قـلبه عـلى الشـر تغــليــف ومن الحسد في ضنك والناس بفراح عساه يفدى كاسبيـن الـــمعــاريــف اللي تليق ابهم طــواريــق الامداح |
الشعـر يـبغى عـقــل وأسـلـوب وإدراك
ما هـوب صـف حـروف وبيوت وجـدال واليـوم عـز وهـيــبة الـشعــر تـــفـــداك من يوم صار عـــويـر نــقـــــاض فـتــال السوق يعرض فــيه مـســكٍ وتــنــبــاك حـلـوبــه اللـي مالـــهـــم فـــيــه مـــنــزال غصنٍ معلق في طرف شجــــــرة الــراك ما هـوب لا يــدفـي ولا فيه مــقـــيـــــال كــــلٍ عـلى مبـداه وانـتـه بــمــبـــداك والنـير لا يهـــدم ولاهــــوب ينـــشـــال الــوقـــت ربانـي بـــعــد وانــــــت ربــاك وفي الناس عــقــالٍ وفى الناس جـــــهـال ما كل يوم تسل ســـيـــفك بــــيـــــــمــنـاك لو شفت في الـعـربان حابـــــل ونــــبـــــال جنب عـن الــشرهــــات مــــنــا ومــنـــاك عـلومٍ كـبـار صـغـار وعـراض وطـــــــوال |
يامـرحـبــاً ترحيــبــتٍ تـــجــل الأحــزان
بــراع الونيـت وخـطه اللـي لـــفـــــابــه يــقـلـط عـــلــى هـيـلٍ وبـنٍ وخــرفـــان ويــامـــرحـبًا بالضـيـــف وألـفٍ هـلابه جـانـي بــــــخـــطٍ فــيه درٍ ومـرجـــان يـغـوص في غـــبـت بـحـر مـن قــرابه لوحة شرف يـظهـر بها عـــدة ألـــوان واللـي رسـمهــا كـل لــون اعـتــنـابـه مـبـارك بــن حسـيــن غـنا بالألحــان ولـبـس الحـزام وبـنـدقـه والعــصابــه عنده علـومٍ ماتـــــــقـدر بالأثـــمــان وعلى ظروف الـوقت عنده صــلابـه وافي ومن ربعٍ لهــم فى العرب شان ربـعٍ بـســـاعـــــات اللـــوازم ذيــابـه شاعر يجيــد الشعـر فـي كل مـيـدان والسـوق يـعــرف سلـعـته من شرابه أخــوان يا مــبارك بـني عـم جـيـران ونـمشي على نـهـج النبـي والـصحابه سالم وغــانــم بــيــن مسلـم وسلــمان وقــال الــمـثـل من وصل العـلم جـــابه ترسي جـــبال طويـــق لو كان مـا كان وتـمـــر صلــــفـــات الــهـو ما درابــــه وغــلــيص لــوح فــوق ناقـــة عـريـمان احــفــى سمـاريـها وضـــيـــع شـــبــابـــه حــدر بـــهـا مابـــيــن عـرجــا وجمــران وغـلـيـص مـــال احــــدٍ بـراســـه طـــــلابه لا هانـــت الـــفاطــــر وأبــو راس لا هــان عـــنـــده لــزوم وكـــــل وادي نــــــحابــــه والــهــرج لــه زبـــده و للـعــــلـم بــرهـــان والـوقــــت فـيـــه الـــيـوم بـــعـض الغـرابـه |
من راس عمسانٍ اليا راس عــمســان
ومن كف يمنايه الــيا كـــف يــمـنـــاك في نجـد عربانٍ وفــي الشـــــام عــربان والعــلـم يابـــو زيــد ماهـــوب يخـفـــاك الناس تـدري بالبـــضايــع والاثـــمــان والسوق يعــرض فـــيه مسكٍ وتــنـــبـاك والوقــــت فـيـه احـلام وافـراح واحــــزان ومخطيك ماصابـــك وصايبــك ماخـــطاك والـــعــلـــم الـه زبــــده وللــــدار بـــــيــبـــان وانـــتــه عــسى شــوفـــك عـــلى بعد مرماك احـــــزم شــدادك للسفـر فــــوق شـقــــران نــــــبــــى نســوق الهـجـن مـنـــا ومـنــاك عــلى الشــــحـــم والاعـلــى رز ودهـــــان جاتــــك عــلـــومــي يابـــو ممدوح وعــفاك |
مشاء الله سلطان البراك شاعر غني عن التعريف و اديب ومفكر اسلامي والله يعطيك العافيه
|
يا هـل الـركايـب ناقـليـن البـواريـد
أرخ الحــــبال ومسـوا الخيـزرانـي أوموا عليهنه ترى الخطوه بعــيـد تـبــون ربـعٍ حـول واد الـمحانـي أهـل الـسلـوم الطـيـبـه والتـقـالـيـد روس الرجـال مزبنت كـل جـاني شجعان وكرامٍ عـوارف قواصـيـد ذباحـة الحـيــل الكـبـار الســمانــي نعـمٍ ونـعـم ونـعـم وأعـيـد وأزيــد هـم تاج راسـي فـى القـسا واللـيـانـي مقـدارهـم يـكـبـر مع الوقـت ويزيد ياجعـل يـفـداهــم خـطـاة الهـدانــي ولاجيتوا أدنى بيت من غـيـر تنشيـد عــن ويـن بـيـت فـلان وألا فــلاني رد السلام ونـوخـوا يــاهــل الـعــيــد ببـيـوت ربعي مكـرمــيـن الـعـــوانــي وبـلـغ ســلامـي للــرجـال الـصـناديــد قـومٍ لهـم مـــن ماضي الـوقـت شانـي وأليا قضيتوا مـن بـيـوت الأجــاويــد ثــور ونــوخ عــنـد رابـــع خــوانــي سـلـم عـلـيـه وجـرد العـلـم تـجـريـد خـصه بـعـلـمٍ دون قـاصي ودانـــي يا نايــف بـن ذعــار جاتــك مـــواريد وهــداج تـيـما يـروي العـيـطــشانــي لاطـالـبٍ حـاجـه ولالــي مـقاصــيـد لــكــن عــنــدي رد عـلـمٍ لـفــانـــي يانسل مـن يثـنـون دون الـرعـاديـد بـيـن الـرجال إلـهـم مـقـام و مكانـي الشـيـخ ضـيــف الله وصلال يا زيــد الـجـدي والـثانـي سـهـيـل الـيـمـانــي أهـل عـلـومٍ طـيـبه واهـل تـوحيـد وحريـبـهـم منهـم يصيـبه جـنانــي وعيالهم وأحفادهم من هل الجـيــد متوارثيـن المرجله مــن زمانــي والناس فيهم مبغضين و حواسيـد وانـاعـن المـوضـوع هـذا بـيـانـي |
توكلنا على اللي من لجاله وإلــــتـــجا يـــكــفيه
كـــريــــمٍ عـــنـــده الآجــال والأرزاق مكـفـولـه إلهٍ واحدٍ فردٍ صمد ما خـــاب مـــن يــــرجـــيــه بعث فم القرى خير الــــورى عبـده ومرســـوله رسولٍ ميدٍ بالوحي والتثبيت من والــــــيـــــــــه على نورٍ هل التحريف دايـــم عــنـــه مكــبــولـه وأحاديث الرسول توضحه للناس وتــــجـلـــيّــــه أحادٍيث عن الأصحاب والأتـبــاع مـــنـــقـــولــــه ولعل الله ينصر سنته والمبتدع يــــخـــــــزيـــــه وناسٍ جنبت عن منهج التوحـــيد مــــخــــذولــه وأنا أحارب عدو الدين مهما كان مـــــاوالــــيــه ولا أسمع كلمته لو نمـــقــت بألفاظ معـــسولــــه وأحب أخدم بشعري راية التوحيد وأفخر فـــيــــه بيوت الشعر في خدمة جناب الدين مقــبــــولــــه ترى كل الفخر والمجد فالإسلام يا بـــــاغـــيــــه وناسٍ تفتخر بالمال والأنساب مذلـــولـــــــــــه ترى المسلم كتاب الله وميراث النبي يـــــغنـيـــه وترى المجد المزيف لو جمعته ما يــجي تـــوله فخرنا يا هل التوحيد قومٍ ربـــهــــا تـــرضـــيه أهل تاريخ وأهل رايةٍ بالعز مـــحـــمـــولـــــه مصابيح الدجى مابينهم جاهل ولا ســـفـــيــــــه سيوفٍ في وجيه الكفر وهـل الزيغ مسلـــولــــه أهل تاريخٍ أبيض واضـــحٍٍ مــــايــقــبل التشويه يخيب اللي ينافس مجـدهم لــو رز مخــيــــولـــه أهل جمعٍ يهز الكون من قـاصـيــه لا قــاصــيــه يدك حصون ويجوب البحر والـبر وسهـــولــــه أطاحوا حكم كسرى ثم قيصر وأنــتهــى بــاقــيه تهاوى في البلاد عروشهم ماهيب مـــاهــــولـــه أهل مصحف وأهل منسف وسيفٍ صاملٍ راعيه نهارٍ فيه كل الناس مذعوره ومذهــــــــولــــه أهل جمعٍ لعل الله يقبح وجه من يــــشــــنـــيـــــه وناسٍ تبغض الأصحاب مـــنــبـوذه ومعـــزولـــه شعاع النور قوم الفسق والتضليل ماتطــفـــيـــه تخيب جهودهم لو كان طول الــــوقت مبــذولـــه وجعل الله يعز الدين وأنصاره ومن يحـــمـــيـــه هل التوحيد وهل العلم من شــــبـــان وكهـولــه صناديدٍ تبيع العمر دون الدين ما تـــــشــــريـــه على منهج سلفهم والعدا بالغيــــــض مقـتــولـه وصلاة الله على المختار وأصحابه و مقـــتــفـيه على السنه إلى يومٍ يهول الناس مــــن طــولــه |
البقـرلو تعــلــــم فـــــى البــقــر
طول عمرك غدى جهدك وبـــال ولو تحطه على سطح القــــمـــر او تحطه على نهر الشــــمــــال النتيجـه تــراهــــــا يابــــشــــــر كلها وآحــــده مابه مــــجـــــــال الغجرياعرب تـــبـقـى غــــــجـر حـــالــــهــم من قــديـم ولايزال مابقي غيــريــوم مـن الشـــهــر وتظهر السالفه بين الرجــــــــال لاتـقـول الـزعيم المـنـتــــظــر غيـر الحال في خــمسة ليـــال لايدهـــــورك دجــــالٍ عــــــــور مايعرف الحرام من الحــــــــلال حتى لو لمعت بعـض الصـــــور صورةٍ لاظلال ولاجـــــمـــــــال القلـوب المـــصابه بالخــــــور ماتعرف الجواب مـــــن السؤال من يوقف على درب القـــــشر أيتحصل نصيبه لامـــحـــــال |
قـريـحـتي كـل مـافـاضـت مـنابـعـها
الـصـعـب يـنقادلي و يصير مطواعي... ابـيـات شـعري تـهـز شـعـور سامـعـها وتـصـحّي النايـميـن وتـنـذر الـواعـي... عندي رسايــل بـتـوقـيـعي مـوقـعـها وجهة نظر شـاعراً ما تـاه الاسنـاعـي... تنصاك يا الـي علوم الطيـب جامعها بيـن العرب مثـل نجم سهيـل لماعي... الــنـاس بالـطـيـب ترويـهـا وتشبـعـها طـيّـب مـع النـاس ومـجـمّل ونـفاعي... ورايك هل العـرف يرضيـها و يـقنعها وفالمعمعه مثـل حد السيـف قطاعي... ولا تدري انـك قـلوب الناس مـوجعها يافاعل الطيب جاك من الردى صاعي... وتـكسـب عـداوات نـاساً ما تـوقـعـها لا ثـورت في خـبـاها تـوجـع اوجـاعي... وتـبلـش بعـيـات وخبـولاً تـشـجـعـهـا ويركـض عـلى دربـهم سبـعين فزاعي... فــاتــورةٍ كـل طــيـٰب راس يـدفـعـهـا مـعـوضاً خـيـر في طـيـبك لـيا ضـاعي... ولا يجحد اهل المعاريف وصنايعها الا ضـعيـف الزنـود قصيّـر الـبـاعـي... يـقصر عن الطـيب والفـتـنه يـولـعها ولـه ميسماً في ظـهور الـناس لساعي... يـحـط مـن قـدر ناس وناس يـرفـعها في سـوق بـيـع الذمم يشري وبياعي... ومن جامل النـاس في رجوا منافـعها بكـره يذوق الندم ويـعض الاصباعي... لا مـرضـاً النـاس عـنـك ولا مطـوعـها اشمخ ولاتــنـحـنـي وتـصيـر تــبـاعي... ولاشـفت وجه الفتن تظهر طلايعها الباب صكـه عليك وصك الاسماعي... مـن صك باب الفـتن يسلم توابـعها ومـن زارهـا طـاح والّا راح مـرتـاعي... ولو كـل عاقـل حسابـاتـه يـراجـعـهـا يـرتـاح مـن طـرقـةٍ يـشقابها الساعي... ومـظاهـر الـناس ما تـعني طـبايـعـها بـعـض المظاهر على ماقيل خداعي... بـعـض الصـور ما تجـمل من يلمعها وتـكبـير الاقـزام غـلـطه مالـها داعي... جــربـت كـل الحيـاة وشـفت واقـعها وصديت واقـفيت عنها مالي اطماعي... من عـاش فيها وفـتش في بـضايـعها يــخـلّـي الصادره تـلـقى لـها راعي... وجـمـايـل الـنـاس فيـنا ما نـضـيعـها وفـيـنـا تـواضـع ولا حـنـا بـخـضـاعي... ونـوّفـي حقوق الرجال ولا نـخـادعها وان حسّنا علـم نـجد فجوجه وساعي... وارزاقـنـا مـاشيـه ما حدٍ بـقاطـعـها مـكفولةٍ عند من يعطي ومــنـاعـي... شعر: سلطان بن براك الغنامي |
| +4. الساعة الآن 12:13 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط