|
تعبنا من تضاريس الطريق الي تودي غـرب ومللنا من حكايـات الصديـق الـي يسلينـا نجوع لشوفتك يام الخيال المستمـد العـذب ونمشي في سراديب الحنين المبتلـش فينـا تعالي عن كثب شوفي تباريح العطش والجدب تعالـي والقـي النظـره إذا ودك تخليـنـا تعالي شوفي الحسرة بوجه المستهيم الصـب تعلي شوفي اش سوى انتظارك في معانينـا براءة ..لحظة النسيان والا من سلو القلـب بذكراكـم يـذوب الـي بذكراكـم معنيـنـا تعالي ياسماء الحسن مدري ياعذاب الشعـب تعالي وأنظري ياروح وش سوى الشقا فينـا على قولة هل الأشواق حنا طالبيـن القـرب وعلى قولة هل النخاوات من لجروح ماضينا إذاشعشع ضياء شمس النهارأ قول زال الكرب أحسب أنك بعـد غيبتـك نورتـي أراضينـا ومهما طالت الأيام روحي والهوى في حـرب متى يا قاطف البسمة يـزور الغيـث وادينـا |
إن غفر لي خالقـي لا ماعلـي مـن الدنيـة مال قارون المسمى صار مـن شـر البلايـا لو اعيش العمر كله في رضـى ربـي عليـه كني أملك كل شـي فهالوجـود بـلا عطايـا المصيبة لو حياتـي قبـل هجمـات المنيـة مثل صحراء قاحله تهلك بها شهب المطايـا أه لو قلبي رفق بي ماضـرب سبعيـن نيـه يالله إني عايذن بـك مـن مذاويـع النوايـا ويارفيقي كان تبغـى رفقتـي أطلـق يديـه وردني عن بعض طيشي لا تسلمنـي هوايـا الله إنـه لايسامـح شوتـة محمـد شلـيـه كيف راحت للفؤاد وكيـف خشـت فالزوايـا والذنـوب لرحمـة الله لاتـرددهـا علـيـه الذنوب لرحمة الله وأنت غارق في الخطايـا أعرف أن الله رحيم ويجـزي السيـه بسيـه وأن عفى ماهي بسابق نعمته فـوق البرايـا زين قلي أش يحدك ماتقول اخـش الخطيـه قدر الي فوق عرشـه عالمـن كـل الخفايـا مصطلح ربي غفور ومثلـه النفـس الزكيـة لا تكررها علـى الجمهـور تغـرق فالدنايـا كل عبد له حضور وله غيـاب ولـه قضيـه بس يوم الديـن ياحـلال عسـرات القضايـا بانت النفس الخنوع وبانت النفـس الرضيـه وانكشف روض الأماني وانتهى خوف المنايا واذعنت كل الخلايق للقضا والشمـس حيـه وأمعنت كل النفـوس وزيفـت كـل المرايـا يالله إني عايذن بـك وأنـت عـلام الخفيـه من كسوف شموس روحي في محاديب الحنايا وإن غفر لي خالقي لا ماعلـي مـن الدنيـة مال قارون المسمى صار مـن شـر البلايـا |
أقلام أبدعت..,فتستحق منّا كل الشكر و التقدير ...
لرقي مواضيعها .. بطيب عباراتهم مشكوووووور والله يعطيك الف عافيه وستم تثبيته لتميزه خلاال الايام القادمه |
صح السان الشاعر محمد السندي
صقرروق مشكور على المجهود الرائع انت راوي كبير ماشاء الله عليك احترامي لك |
صقر روق
المفرووض تكتب بعنوان كنز من كنوووزالقبيله هذي كلها شمخ والسندي اطال الله في عمره غني عن التعريف ابوفواز لله درك وسلم منطووقك وصقر روق سلمت يمناك على السرقه ههههههههه |
صح السان الشاعر والناقل
ومشكور ي صقر روق لك مني جزيل الشكر والعرفان تقبل مروري |
شرفني وأسعدكم مروركم جميعآ تحياتي لكم
|
شرفني مروركم جميعآ وأسعدني تعليقكم
|
| +4. الساعة الآن 02:32 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط