سامي مشعان
نواف الغنامي
سمو الذات
ابو تركي
ابو ديما
صريح
أياد
برق الشمال
نوح فايح
نايف منيف
اسعدني تواجدكم واضفت تعليقاتكم على الموضوع صبغه خاصه
احترامي للجميع الله يحفظكم

ابو رامي كالعاده مميز بطرحك للمواضيع الراقيه وليس غريب عليك التميز يابعدي

((انا والله اني جالس ادرج الافكار يومين مسغرب من ذيب لقته معلق دون غرف العود الي خابرها))


وهذي غريبه على نفس الهجره الي لقيته معلق على مدخلها بالعاده اشوفه معلق في هجر ثانيه بس هالهجره هذيك استنكرتها -

الى درجه دقيت بعد ايام على مسيب حسن اعزمه على عشاء جاء عندي علمن ماهب بالعاده مير بلشت هاك الليل ابوي واخواني بالمخطط ولاش غير انا منول احل من تحت اكه ويشيل الضيفه ابوي الله يطول في عمره ولا احد اخواني مير كبتت علي هاك الليل - وتزنفلت بالعشاء ولا ماقد فصدتها ياخوك ههه
الزبده -

( دقيت على ابو بسام وقلت يامسيب الله يحسن خاتمتنا قال العلم ويش قلت ثلاث حصلن وظني انها تعتبر من علامات القيامه وكلها الشهر هاذا قال ابك وشهي !
قلت1
- فلان وحط اباعر
2- الفلانيه ذبحوا الذيب
3- والثالثه انا فصدتها الليله وعشيت ضيوفن خاطرينا )

وضحك لين بغى يموت وقال الثالثه ماني معك فيها
ابوك فلان وجدك فلان -

وتعذر وقال انا بالديره

( وابو جساس يوم علمه مسيب قال والله لو ان الوقت بدري لروح لين اتعشاء عنده على حساب عزيمته هاذي )

ونرجع الى موضعنا يانياف الله لايضرك اليوم بعارضك في وجهة نظرك هاذي

المغاباء للصيد يابو رامي !!

لو انك حاط لك غنم والذيب رثع فيها ماقلت هالكلام والله كني اناظرفيك ماتبات الليل وعليك غليبه لين اتقاضى وتذبح الذيب

وممكن بعد مايردك غير كشب بعد ماتومي على الي في مفار وتقول هو وشلون تجرى ياكل غنمي

وخطر يالبندق الي تسومها هاك الليل تتجرب رميها في الذيابه لو انها اكلت من غنم جيرانك شي


وسلامة راسك وسامحيني على الاطاله

لي اسبوع طايح من الحمى واللوز واليوم تشافيت وعينت خير


وقلت اتفلسف وهايط شوي :msn-wink:


تحياتي واحترامي لك ولقلمك يابو رامي

السلام عليكم
كيفكم ياربعنا يالغنانيم
على طاري المحميات ومنع الصيد والأحتطاب أقرأوا في سورة الأنعام ءايه 138
والسلام عليكم

^
^
^
الموضوع لو ماجا منه غير جيبة الإثنين اللي في الأعلى لكان كفايه :d

بالنسبه للصيد فعلاً صار الصيد بهبال وليس لحاجه أو لجوع القنص والمقناص متعه ولكن هل المتعه في أنك تصيد لك 200 ضب و100 جربوع (اتكلم عن الصيد المتبقي ) واتحدى اذا اكلها كلها بيعطي الناس منها وفيهم اللي بينطلها وفيهم اللي بياكلها هذا فيه تجني على الحياه الفطريه اللي لو ماصار فيه إلتفات لها بتختل الموازين الطبيعيه للبيئه وشف عاد وش بيصير

وبالنسبه لذبحة الذئب وتعليقه الذيب اللي يسويه الحين هو نتيجه لإنعدام التوازن البيئي سابقاً كان الذئب لديه أنواع الفرائس وكان يوجد لديه تنوع في الصيد والآن وش عنده غير الغنم ؟ لذلك هو يتوجه لها ويصطاد منها وانا ما الوم اهل الغنم اللي يذبحونه لأنه إعتدى على غنمهم اللي كلفتهم وقت وجهد ومال

موضوع مميز من كاتب مميز مثلك يبو رامي ولاهنت واعطاك الله العافيه وعلى طول الجنه بعدها

تسلم يمينك

مشكور ابو
رامي على الطرح انا قول
من وجهت نظري ان قتل
الذئب جايز لنه من الفواسق

الغالي ابورامي موضوع جميل كالعاده الله يحفضك وانامعك في موضوع التفاخر والتباهي في الصيد والله اكثرهم تفاخر بكم قتلومن الصيد وهاذي تخلف لانهم قضوعلىالحياه الفطريه وسلمتكم
وجه نضر



تقبل مداخلتي ومروري

ابورامي موضوع جدارايع لكن من تعلم همه مايطمعون بشوفه الذيب اللي اكل غنمه واللي مغببهالدرجه انهم ياكلون كبده من الحدم هههههههههه تقبل مروري