|
سلطان مطلق احتياط هاه !!
انا والله ماني متعصب ولا اقلل من شأن اي فريق واتقبل الخساره ولا ابررها ابد اذا خسر فريقي اكتفي بمبروك لكم ياشباب بس الي يحاول يستفزني ولا يقلل من فوز فريقي ولا يرمي التهم من هنا وهناك اعيفه في التشجيع خخخخ , بسس النكته تحفه يابوديما ههههههههه |
موضوع رائع جداً جداً ومتوقع من شخص مميز. للأسف البعض مايعرف من كرة القدم إلا " الفوز أوالخساره " وتغيب عن أذهانهم الأهداف الأخرى وهي تربويه وإجتماعية وصحية وإقتصادية. مثل 1- الحياه مبنية على النظام والإنضباط والقانون,,, حتى اللعب ! لفنترض أن هناك مجموعه من الشباب يلعبون كرة قدم أوحتى بلوت لكن ليس هناك قانون يحفظ حق كل لاعب ويعاقب على الخطأ ويعطي الفايز حقه فهل يستمتعون باللعب؟ بدون شك لا, كذلك الحياه إذا لم تتقيد بالنظام وتطيع القانون وتضبط نفسك وتصرفاتك تصبح بلا طعم , بل كلها منغصات وكدر عليك وعلى الآخرين بل نقص في شخصيتك الإعتباريه , سوا شعرت اولم تشعر. 2- تعلم العمل الجماعي وروح الفريق الواحد " تحديد هدف ويسعى الجميع للوصول لهذا الهدف . والعقل لايعمل بقوه إلا تحت إطار واضح ومحدد,,, و الحياه يجب تحديد هدف واضح وأن تسعى لتحقيقه بقوه ومهاره وإتقان وإلا سوف تخسرالهدف ,,,, والكثير من الفوائد ذكرها الإخوان والكثير من الإيجابيات والسلبيات وكرة القدم ليست حكراً على جيل دون آخر ولكن لكل طبقات المجمتع . تحيتي |
اقتباس:
و كفيت ووفيت يبو مشعان من الاعماق ,, شكرا لكــ. |
اقتباس:
كلام جميل و تساؤل في محلّه .! اشكرك من الاعماق على مشاركتكـ في النقاش. |
ابو عيد
انا مريح راسي من الكوره لاتشجيع ولا لعب ماعرفللها مره :d انا دورني عند الكتب القراءه عندي هي اول الإهتمامات والكوره مخلي تشجيعها بعد ابو يعقوب لذلك اعفني ارجوك من الإجابه :d |
اقتباس:
اثرك مالك حيلة يوم تكره الكوره ,, هههه كانوا يخلونك احتياط اجل :) كلام جميل و حظور اجمل شكرا لك يبو ديما من الاعماق على المشاركه. اما بالنسبة للنكته , فانا ما اقدر احطك في وجهي لكن ابا اعطيك الثلاث المهربات من الاتحاديين :) ههههههههه اشكرك مرة اخرى. |
اقتباس:
كلام جميل جدا و حظور مميز , له رونق خاص. لكن يا نادر سمايل ذكرت آنفا ً عدت اهداف للكره لكن هل يوجد هدف سياسي للكره ؟! اشكرك يا نارد سمايل من الاعماق على المشاركه |
اقتباس:
وانا بعد مريح راسي منها لكن احب ان اعرف ما فائدتها :) اجل تحب القراءة , طيب وش نوع الكتب اللي تحب قراءتها ؟ دينيه , سياسيه , اجتماعيه .....الخ |
ابو عيد مساك الله بالخير
الشباب كفو ووفو في أغلب جوانب الموضوع وبالنسبه للدوله مستفيده من الكوره من كل النواحي والشعب ماعنده إلا تضييع لوقته وماله ونفسه سواءاً كان بتعصب أو بدون ................ تقبل مروري وتقديري واحترامي |
كرة القدم مثل ماقال الأخوان والمعروف عنها انها لعبة ووضعت للتسليه والتنافس الشريف
اما التعصب فهو من نقص العقول والتعصب موجود حتى في اتفه الأمور حتى ان هناك من يتعصب لأجل المنظقه فأهل الشمال يشتمون اهل الجنوب واهل نجد يشتمون اهل الحجاز وهكذا ولايقدر أحد ان يجعل الناس سواسيه يأكلون اكله واحد ويلبسون لبس واحد ويقرؤون جريده واحده هذا امراً مستحيل . اما عن التشجيع لكبار السن فأنا اشوفه عادي جداً واكثر العويد هالحين يتابعون لكن تلقاه يتفرج لغرض المتعه . وهم اشوى من لعيبة البلوت ولو رجعنا للبلوت لوجدنا فيها امر وادها يسهر الشايب للفجر ويلعن ويطالب وراك تقطع الله يلعنك حللي ديمن حللي سبيت احذفلي عشرتك المعلقه ويمكن تاصل الامور ويتلاقطون بالعقل لذالك الي يتعصب في أي شي فهو سفيه . ولازم تفرق بين الي يمزحون مع بعض والي صادقين . فيه اصاحب لي حقين كوره يمزحون مع بعض وتلاحظ فيهم تعصب رياضي لكن كله من باب المزح فقط لاغير . لذالك ياابو عيد لاعاد تسب الي يشجعون الساحره المستديره بتاتا البته هههه وشكرآآ لك . |
| +4. الساعة الآن 10:57 AM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط