|
ياعيوني .. ليه نزعل يا عيوني قسمة الله , كل واحد له نصيبه
والله ان البعد خيره , صدّقوني الحياه اجمل .. بلا حبّ وحبيبه صح لساني ! |
أشوف تو نفسيه بس ليه مايتكلمون؟
ههههههه دعأبه |
مساء الخير للجميع
عاشق المرقاب مر من هون |
بدأ ليلي وطـاب لـه التمـادي ,,,,,,,,,,,,,, وصاح الهم في قلبـي ينـادي فأصبح كـل هاجـوسٌ يغنـي ,,,,,,,,,,,,, وللونات في صـدري نـوادي تحطم كل ضلعٍ مـن ضلوعـي ,,,,,,,,,,,,,, وتطعن كل عرقٍ فـي فـؤادي وآخذ من نجـوم الكـون عقـدٍ ,,,,,,,,,,,,,, وأنظـمـه قصـيـده لا ارادي انـا غنيـت بالاشعـار حتـى ,,,,,,,,,,,,, جعلت البحر جزءً مـن مـدادي فأن الشعر اصبح فـي زمانـي ,,,,,,,,,, كسوق اسهم وانا السهم القيادي بغيت اسوي قصيده وعيت تكمل ولاحد ينقز في حلقي ويقول مسروقه لاني انا اللي مسويها ويقولون لابغيت تسرق اسرق جمل بغيت امر من هنا ولقيتكم مقفلين الشارع ياعالم فكولنا الخط لو مع الاكتاف |
صح لسانك على الفضفضة ----اما القصيدة فصح نسخك طال عمرك
ههههههه |
حتى أنا البيتين (مصروقين) ليكون صدقتوا إنهم لي ؟
إيه أشوى.. |
مساء الخير
حره متربعه هون |
لو عيدو كل البشر عيد مع عيد
عيدي يا...... حين اطالع عيونك ياحلا جمال الكون ياشيخة الغيد صعبن على اعيش عمري بدونك انا اشهد اني بالهوى ماني سعيد احاول اقرب لك وهم يبعدونك مريت من عندكم وكانت هالابيات على لساني من ليلة العيد ارددها ومانويت اكملها قصيده وشفت محاولة المستلبد قلت احط محاولتي مثله تسمعونها |
ههههههههههههههههههههه
يحليلكم مسوين زحمه هني خاصه المستلبد ههههههههههههههههه شكلي من النفسيات التي ذكرتهم حره لسعد مساكم جميعا |
ياكرهي للجبنه من بد الفواكه
|
صبـــــــــــــــــــــاح الورد ....
ههههههه ابو رامي اي جبنه ؟؟!!! أعتقد انو لغز؟؟!!!! وش رائكم في البيت هذا؟؟؟ مودته تدوم لكل هول ... وهل كل مودته تدوم إقرأ البيت بالمقلوب حرفا حرفا واكتشفو الإبداع ... حيث ان هذا البيت يقرا من الجهتين !! الحنوونه كــــــــــــــــــــــــــانت هنا.... |
هههههمالك لايم يابو رامي لان فيه انواع من الفواكه ماله طعم وحط معها بعد الفول مادانيه من بد اللبنيات
|
على طاري الجبنة وفول المستلبد
ماتلاحظون ان فية سؤال بكل بيت --يرفع الضغط--وهو :اذا صحيت من النوم ومريت من الصالة واهلك جالسين يسألونك: هاااة قمت لا وش رايكم السروال والفنيلة طالعين يتمشوووووون لحالهم هعهعهعهعهعهع (ضحكة شايب) |
هههههوالله انك صادق فيه اسئله مدري وش تبا والزانه يوم اجيب اغراض من البقاله ويدي مليانه اكياس وينشدوني اخواني الصغار يقولون رحت للبقاله اقولهم لارحت ألعب كوره
وفيه سوال دايم قاهرني ومسبب لي نفسيه وهو عند رعصي على كلمة تسجيل الخروج من المنتدى تطلعلي صفحه صغيره مكتوب فيها هل انت متأكد برغبتك في الخروج من المنتدى اقول لابس بغيت اجرب اصبعي ومن بعدها صرت اغيب ايام ولا سويت خروج من المنتدى |
بصراحة يالمستلبد ودي ادلعك وانا اخوك (باسم كلاكيسي) ابي اسميك ميسي اختصار للمس---------------تلبد وش رايك
وانا بعد من زين اسمي عاااااشششق المرررقااب ابغى ادلعني واسميني عشقو-والا عيشو -- اختصار لهالاسم الطويل هههههههههههههههههه واللة انك صادق في رسالة الخروج من المنتدى ---بس يمكن مايبوننا نروح --بصراحة لازم يحطون رسالة ثانية وهي:/آخر كلام مصمم |
ههههههههههههههه
اول مرره اشوف المستلبد يطلسم او ما يحط فاصله ؟؟ اكيد ان في الوضع توتر في العلاقات السطحيه والرسميه ! مساكم عطر شرقي الملامح وانا <<< حبيت اقول ان الفضفضه منوره وخصوصا بوجود الكنق ( ابو رامي ) يقول احد الفلاسفه : أفضل الناس من كان سخيا شحيحا،خفيفا ثقيلا،جريئا جبانا،أصم سميعا،قائلا عييا،ضريرا بصيرا. قالوا كيف ذلك؟ قال :من كان سخيا بدنياه شحيحا بدينه ، خفيفا إلى طاعة الله ،ثقيلا في معصيته ، جريئا في الحق ،جبانا عن الباطل،أصم عن الجهل، سميعا للعلم ، قائلا للصواب ،عييا بالخطأ،ضريرا في المنكر ، بصيرا في المعروف. |
هههههه ياعاشق المرقاب انا ريالي لاتقولي ميسي لو قلت اوزيل يمكن بس انت تدري انا مانداني طاري المس ودايم متلطمين علشان نسلم من الجن رغم كثرة مرور القواشيط والنفاظه لاغلب الجماعه ولاكن لاتجد فينا قاري عن الجن هههههه وتسمع ياعشوقي وبلغة العرابجه ياعشقشق ههههه وراح اقبل اي اسم دلع يطلق علي لاني ماني بضاري غير بالي يكوش في وجهي مثل البس
ههههه ياسمو الذات انا باقي ماطلسمت وقلت خفركوك وطرنبوك ملاح ملاح هههه بس صراحه ذكرتني ببيت شعر قاله عنتر بن شداد مدري وش يقول مار يقول (اصيح وحدي محدن يسمع الصوت --- كني غريقن ينتظر لحظة الموت ) ومدري عن عنتر هو يقول غريق ولا غريب المهم المعنى في بطن الشاعر والشطرين اللي نقصتها تراها مثل قصيدة الزير يوم يقول من مبلغ العبدين ان مهلهلآ ومن ناحية العلاقات النفسيه والمعنويه هي وصلت الى مرحلة طقت تسبدي وانبعطت للحفاظ على كرامتي وانا العلاقات السطحيه والرسميه اقر عليها السلام تراني رابطها تحت قشعه في اعالي نجد ونسيت مكانها |
مساء الخير لكل المتواجدين في هذه الزاويه الهادئه والبعيده عن الصخب
عاشق المرقاب - المستلبد - سمو الذات - الحنونه - الحره - عمتم مساء تدرون ويش اللي جمعنا هنا في ها القسم ؟ انا اقوللكم الضجر من رتم الحياه الظاهر ان الحره صادقه يوم تقول نفسيات بالنسبه لي انا اعترف اني نفسيه واللي ما تعرفونه ان سبب كرهي للفواكه خصوصآ الجبنه كنت وانا صغير اتهاوش انا والبسه عند الجبنه كل يوم معركه واطلع منها وانا مخربش ومخليتن وجهي شوارع وبعد كل هذا تاكل الجبنه ونقزت على السطح وانا قعدت ابها الجبنه ما كوله ووجهي مخربش هذا سبب كرهي للمكرونه الأسباكتي يقولون علماء النفس ان عملية الحبر المنثور على ورقه بيضاء بطريقه عشوائيه يراه كل شخص بشكل مختلف وانا اراه بالشكل الصحيح احيانا اي انني اراه مجرد حبر مدلوج على الورق ولا يعني لي أي شيء واحيانا ارى فيه اشكال وصور اشياء اعرفها واجزم على ذلك يعني لو شفتوني في يوم من الأيا م اسحب جالون ومركب له كفرات من علب الصلصه تراني في احسن حالاتي النفسيه اعيد واكرر كرهي للجبنه خصوصآ المبشوره قود نايت |
مساء الخير
|
هههههههههه
الله يسعدك يابو رامي عاد سالفة الجالون وطسول الصلصه سالفه , ولا أستبعد انك تحلّق فوق المركزية بطائره شراعيه من صنعك ههههه الله يسعد الجميع وبالفعل إستمتعت بهذه الزاوية الرائعه مع مشاركات الأعضاء المميزه والتي تزرع البسمة على شفاة المتصفح ودي وتقديري لكم جميعا |
ههههههههههههههه
الجميع يالله حيهم وابقهم ابو رامي هذه الزاويه الهاديئه من اكثر الزوايا شعبيه في هذا القصر والحين زادت شعبيتها بنثر حبر قلمك بين طياتها الله يسعدك انا من صغري اموت على شي اسمه جبنه عشانها تشبه الزبده ! بس الفرق في المكان والزمان ؟ النفسيات شي ضروري على فكره لازم الواحد يكون نفسيه عشان الروتين يتغير لأن عدم التغيير يجلب الملل والطفش والزهق ما يعرف منها شي ابد <<< الله يرضى لي عليكم كنت هنا |
هناك امران مهما قمت بالتجمل والتمثيل , فلن تستطيع اخفائهما
عقليتك واخلاقك ...... |
حلووووة عشوقي وعشقشق هههههههههههههههههههههه
اجل وش رايك نبي نقلب اسمك ونلعب بالحروف شوي ونشوف كلام سمو الذات يقول في طلمسة وشفرات نبي نختبر اسمك ونتشقلب بة-فية-علية سم -تلبد-------------لا رحنا فيها:sad_1: المس--تلبد------------يعني جني ولابد مايبي يطلع:no: دبل -تسم دب--مستلقي-----------واللة مدري هذي وش جايبها:d ووسوست واللة يالبودي او بالعربجي ابو لبدة اسامينا حتى خارج نطاق الاعراب في جميع اللغات لكن على قولة المثل شيلني واشيلك ------------------------------ على قولة ابو رامي النفسيات لابد منها وتخفف من ضغوط الحياة -واحيانا ودي بالنفسية وتعيي تجي لو القط قواطي الحارة كلها --ولكن تصيد البصصاصيق في اليل افضل من الركض بقوطي النيدو في النهار قدام الناس ولكن اكتشفت خلطة ابو رامي لجلب النفسية باسهل الطرق وهي عليك بساندوش صلصة مع قليل من الجبنة على الريق لتبدأ يومك بافضل النفسيات ----------------------- كنت هنا والنفسية عال العال تحياتي للجميع |
لي ساعه احوس فالعشاء ومابغى يخلص
الساعه12 :eek: http://www12.0zz0.com/2012/08/28/20/830102591.gif يالله ياشباب واحد منكم يفز ويجيبلنا خبز وكولا (سرى الليل وحنا ماتعشينا) وين الباقين ؟ |
عاشق المرقاب انتبه لاتاكل من عشاها اذا عندك ضغط ترى ملحه زايد انا امرحت بدون عشاء وما لقيت غير الجبنه وانت تعرف تاريخي معها
|
الحرة شكلها راعية مقالب
لكن واللة ياهي كبسسسسسسسسسسسسسة متعوب عليها --قضت علينا الخلطة السحرية |
اي كبسه واي ملح
هذا ايدام صالونه هندي كله فلفل حااار (غير مسمم وصالح للأكل الآدمي) الحبايب وينهم يجون يلطون منه :d |
صبـــــــــــــــــــــــاح الورد!!
أشوووف الفضفضة مشعللة وريحة العشاء تفووووح!!أثـــــــــــاريكم مجتمعين؟؟!! يــــــــــــــم يـــــــــــــــــــم ليش ماعزمتوني؟؟ |
الحنونه بلاش تاكلين من العشاء مانبي نخسرتس
احم احم |
على هامان ---يافرعون
انا من يوم قلتي صالونة هندي وانا عارف انة سم فتاك (مسوي فاهم) |
اهـــــــــــــــا !؟؟؟؟
فهمـــــــــــــت:d يـــــــــــــــــــــاليت الي يبي ياكل يكــــــــــــــــــــتب وصيته هنا:icon1366: |
الله يرحمهم كانوا ناس طيبين
|
الحنونه, المستلبد, رائد العطاوي, سموالذات, فايز بن عبدالله
تكلموقولو شي؟؟؟! لايكون أكلتو عشاء حره؟؟؟؟ |
حره شيلي الفلفل تراكي جبتي لنا الحرقان ولاتكثرين الزيت لان عاشق المرقاب وابو رامي وسمو الذات فيهم قالون مدري جالون هههههه
ياحبي لك ياعاشق ولا عيال الناس واجد انت جبتلي لعبه جهنميه والليله ابغا ارثع فيها للصبح وهي تقليب القاب الاعضاء من عدة اوجه ومعانيها ومع تقليب الحروف وحذف بعضها وعلى ماقالو الاقربون اولى بالمعروف وراح ابدا بأهل الفضفضه 1- فك طلاسم لقب عاشق المرقاب أ - باقر ملا قشاع << ويذكرني بأسم معممين الشيعه ولاتجي تدور عندنا الخمس ب - عاش المر <<< الله يامنا مزكوم الاخو ورابطه في طرف شماغك ج - عاشق المرق << لايكون مرق عشا حره د- شق رقاب << ياوحش ياأرهابي اكتفي بهاذي ولا ودي اكمل وننتقل لغيرك 2- فك طلاسم لقب سمو الذات أ- تاذل اومس << سمله علي هاذي تدخل في لغة الكهنه ب-سم ذا <<< سمه انت انا مدري وش اسمه هه ج- مو ألذ << حتى انت تتكلم في عشا حره الجوع كافر د- وذات << تقصد اصلاح ذات البين والي بعده 3- فك طلاسم لقب حره على كف صقار أ- راقص فك الع هرح << كنها نغمة رقصه هنديه في زي افلام ب- حر على صقار << الاخت عمانيه من مدينه صقار وعندها حر ج- كف على حره << وهاذي تحليلها صعب بس احس فيها مشكله وهوشه د- راقص فك هر << هاذي ترقص ولاتتهاوش ولا بس والي بعده 4- فك طلاسم لقب ابو رامي أ- يماروبا << احسها مدينه في افريقيا ولا ادري وين ب- بوري << عندك مشكله مع بواري السيارات ج- ابرام << شكلك هامور صفقات وتقصد مكيفات د- ابمي << تعاني من مشكلة تعلم اللغه الانجليزيه وتعتبر حلم حياتك وألي بعده 4- فك طلاسم لقب الحنونه أ- هنونحلا << كنتي عايشه ايام الفراعنه ب- الونه << هاذي رقصه شعبيه عند اهل الامارات ج- الحنه << عندك فوبيا لمراقبة اصوات مكائن السيارات د- حنوه << حلمك تكونين مهندسه معماريه وخاصه في الابواب والدرايش ولاحد يحاول يفسر لقبي الى شي خارج المعقول ولا تراني انزل الجزء الثاني لالقابكم |
هه عانيني تكلمت في الرد الي قبل هذا
|
احدهم حي يرزق ومن الفسقه يقلب الالقاب ههههههههههه
لازم اجرب صنف ثاني |
عندي احساس ان سمو الذات مغمى عليه مدري احساسي صح ولا غلط
|
ورائد ضحيه ليس له ذنب بس معليش لسنا مخلدين
< مجرمه |
والاخر لازال البحث عنه جاري ووجد يتلقا العلاج في احدى مغاسل السيارات وشوهد وهو يشرب الفيري والكلور لتنظيف الكبد والالياف البصريه
|
من تقصد ؟
تصدق ماشوف الموجودين تحت ماشوف الانصهم فقط والباقي تخمين < محششه |
| +4. الساعة الآن 02:09 PM. |
Powered by vBulletin® Version 3.8.12 by vBS
Copyright ©2000 - 2025, vBulletin Solutions Inc.
جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط