مدحدر بس امسكني - منتديات شبكة قبيلة الغنانيم الرسمية

03-28-2011, 11:38 PM

هواوي داج

كاتب مبدع

تاريخ التسجيل: Nov 2009

الدولة: على احد الطرق السريعه

العمر: 42

المشاركات: 920

معدل تقييم المستوى: 16

مدحدر بس امسكني

السلام علاكم وشلونكم
وبعد
واحدن من الربع يقول في يوم من الايام كانت عندي محاضرة
100 خاص عند دكتور ممل وشرحه يجيب النوم
قام الدكتور يتكلم عن الاختبار اللي يبي يكون
في الاسبوع الجاي والعلامه ( 18 من 20 درجتي )
المهم بما انهم ذكرو الاختبارات هزتني الذكرى
على الايام الخوالي اللي كنت فيها زاحف متوسطة الغزالي
وكان قدوتي في الزحف اسمه مدحدر بس امسكني
المهم في يوم من الايام كنت اتمشى مع ناس من الشباب
في شوارع الرياض وكان الرياض غريب ذاك اليوم
مافيه دوران ولافيه هجوله الناس نايمين بدري
قررنا نروح لبيوتنا وصلت للبيت
وكان ابوي عند الباب ( يالليل الليل من الشايب )
المهم قلت لشباب : خذو لفه لين الشايب ينام
جلسنا نص ساعه ندور والشايب عند الباب
وكان معه عصى مكنسه ( ناوي شر الشايب )
المهم نزلت في اخر الحارة ورحت للبيت على رجولي
وكان الشايب عند الباب
المهم قلت: يالليل الليل من اخواني الصغار
فاضحينا في الحاره ياابوي كل يوم مشكله
كل يوم مصيبه وش تبا فيهم واقف عند الباب
( مسوي انصح انا وخشتي )
المهم مادريت الا وعصى المكنسه فوق راسي
وانا انحاش داخل البيت واجلس ورى امي
قلت: تكفين ياامي فكيني من زوجك
شوي الا العجوز ماسكتني والشايب يضرب فيني
وانا جالس اصايح (ذكروني ايام الحانوتي وكين )
المهم والشايب يمسكني من رقبتي ويحذفني في المخزن
قلت: افا ياابوي وش فيك قلبت علي
قال: اختباراتك النهائيه بكره وانت جالس تصيع في الشوارع
( وش دراني عن الأختبار لي شهر غايب عن المدرسه )
قلت: لاتخاف ياابوي 30 من 30 إنشالله
والشايب يحذف علي كتاب إنقليزي
قال: ورنا وش تبا تسوي فيه
( يالليل الليل انقليزي مره وحده لاوالله صقطت )
جلست افكر وش اسوي الساعه 2 في الليل
والاختبار بعد اربع ساعات وانقليزي بعد
المهم طلع لي افكار في وقت صعب وجاتني معشعش
وقال: غش يالحبيب انت راعي الطويلات يالذيب
قلت: مالها الا براشيم بس ماعندي ورق
اكتب على سروالي صعبه لابس سروال رياضه
والباب مقفل ولااقدر اوصل للغرفه
جلست اقلب في الغرفه وحصلت سروال استرتش للخدامه السيرلانكيه
بس مشكله مااقدر اكتب عليها تبا تفضحني الخدامه
( كلام الناس كثير ممكن تطلع اشعه خبيثه )
جلست اقطع الصفحات المهمه والصقها على البجامه
طلع الفجر الإسترتش لابسه قلم معي قلم احتياطي موجود
خلاص الخطه ناجحه 100%
توكلت على الله وتوجهت للمدرسه دخلت القاعه
وكان موقعي اخر القاعه ( مكان مناسب للغش )
جلست وصلتني ورقة الاسئلة
جلست اناظر فيها على بالي اني جالس اقرا
المهم شديت الثوب على الإسترتش عشان اشوف وش تحته
ماوضح شي شديت الثوب اكثر ماطلع شي
( يالليل ام الغباء كله ياعم الشيخ )
كنت لابس ثوب اسود ( مافيه امل اشوف وش تحته )
حاولت اغش من اللي جنبي بس للاسف طلع مطوع
من اللي قدامي مع الاسف طلع غبي
من اللي وراي طلع غايب الغبي
قلت : مافيه الا إني ارفع الثوب بطريقة خفيه
دون مايلاحظني احد
المهم غشيت كل شي حتى اسمي كنت كاتبه في برشام
يوم انتهيت ورفعت راسي حصلت المدير واقف جنبي
قال: سلامات
قلت: الله يسلمك بس انتظر الباص
قال: ليش رافع ثوبك
قلت: اللي قدامي يقول غششني قلت له
مااقدر لو ارفع ثوبي شافني المدير
المهم وهو يرفع ثوبي وتطلع الفضايح وهو يسحبني
مع رقبتي ( قسم بالله احس إني عنز )
المهم دخلت المكتب وهو يقوم يضربني
وطلع وصك الباب علي ( ناوي شر المدير)
من حسب خبرتي في صياعة المدارس
اكتشفت انه يبي يفرض شخصيته على الطلاب
وذلك على حساب الزاحف الثاني في المدرسه
( خليفة المدحدر بس امسكني المهبول اللي هو انا )
المهم حاولت اتخذ إجراءت سريعه
انحاش مع الدريشه صعبه
بتاريخي في المدرسه اني انحاش مع دريشه
وليش عشان مدير ( هزئلت على اخر الزمان )
قررت اواجه الموقف بحزم وقررت ان اكل البراشيم
وان اخبي الإسترتش حق الخدامه تحت الكنب
بعد مرور ساعتين انفتح باب المكتب وسحبني المدير مع رقبتي
وكانت ساحة المدرسة مليانه بالطلاب واعضاء التدريس
وقفت امامهم والمدير جالس يتكلم من غشنا فليس منا
والغش والغش ...إلخ
المهم رفع المدير ثوبي وعينه في الطلاب ويتكلم
والمدرسه كلها تضحك
ناظر المدير فيني
كنت رافع يديني زي كابتن ماجد يوم يفوز على بسام
ناظر تحت حصل سيقاني السود يصفقها الهوا من كل جهه
سحبني للمكتب والطلاب كلهم يهتفون بااسمي
هذا هوا نمبر ون والمدير خلاص انجن
المهم دخلت للمكتب وصار المدير يضربني وانا انكر
وقفني برا عند المكتب وجاني قدوتي مدحدر بس امسكني مسكته بقعا
قال: يابعد كبيدتي والله يااليوم رفعت راس الطلاب
ابا انصحك بجملتين
1ـ جحيد سلاحك الوحيد
2ـ قل مدري تطلع بدري

قلت: مدحدر ذي شهادة افتخر فيها مالت علاك
( من يصدق مدحدر الزاحف بتاريخه ينصحني ويشجعني )
المهم دخلت على المرشد وجلست ابكي واقول مظلوم
رفعت الاوراق لوزارة التربية والتعليم ونقل المدير نقل تاديبي
وصرت استخدم زيت زيتون عشان اطلع البراشيم من بطني
وفي يوم من الايام تعبت ورحت للمستشفى عشان اتعالج
قالو نسوي لك غسيل معدة
قلت: اوكيه اهم شي السلامه والسلامه مكسب
حصلو في بطني برشام وباغه
وتجمعت اجهزة الامن في المستشفى
تجمعت وسائل الأعلام
( الفضيحه بجلاجل النهار ده يالهوي)
المهم اكتشفت أن الاغبياء حصلو تعبير عن هارون الرشيد
عندما قال من هارون الرشيد الى نقفور كلب الروم
والاغبياء يحسبونها مخطوطه تاريخيه
والان معروضه في باريس بقيمة مليار دولار
وانا ارفض البيع طمعاً بالزيادة
والمدير الغبي بعد 6 اشهر
طلعت ريحة غريبة في مكتبه السابق
ولما رفعو الكنب حصلو استرتش حرمه
ورفعت أوراق جديدة للوزارة بأن المدير السابق
شاذ ويستخدم ملابس نسائية داخليه
او انه يجيب الحريمات في مكتبه ويخنبق .

وسلامتكم وفمان الله يا حباني
واي سربوت لازم يعقل ويصير رجال مضبوط خربان مافيه مدحدر امسكني

المصدر: منتديات شبكة قبيلة الغنانيم الرسمية

l]p]v fs hls;kd

__________________

http://www.youtube.com/watch?feature...&v=BK93goMOU_E
دروب الحي تســألني
ترى هل سافرت ليلى
وطيب الشوق يحملني
إلى عيــنيــك يا لـيلى

03-28-2011, 11:51 PM

سموالذات

كاتب ماسي

تاريخ التسجيل: Dec 2010

المشاركات: 8,015

معدل تقييم المستوى: 22

__________________

منتديات قبيلة الغنانيم

03-29-2011, 12:27 AM

ابو رامي

كاتب ماسي

تاريخ التسجيل: Nov 2010

المشاركات: 4,287

معدل تقييم المستوى: 18

هههههههههههههههههههههههههههههههه هواوي تصدق اني كل ليل اسبر ادورك اقول يالله تجيبه بالسلامه
الحمد لله على السلامه وكاالعاده قصه جميله من مخيله واسعة الأفق
استمتعنا بقرائتها
بس ابا اسألك سوأل ويش جاب سروال الخدامه في غرفتك ؟
لك كل التقدير والاحترام

__________________

منتديات قبيلة الغنانيم

03-29-2011, 12:32 AM

وهج

تاريخ التسجيل: Mar 2011

المشاركات: 220

معدل تقييم المستوى: 14

ههههههههههههههه
الله يعطيك العافيه

__________________

منتديات قبيلة الغنانيم

03-29-2011, 01:11 AM

الجريح

كاتب ذهبي

تاريخ التسجيل: Jan 2011

المشاركات: 2,085

معدل تقييم المستوى: 16

ههههههههههههههههههههههه
وينك هواى ونستنا الله يونسك ..بعلومك الحلوه ..لاتطول الغيبه ..
لك ودي واحترامي ..

__________________

منتديات قبيلة الغنانيم

03-29-2011, 01:13 AM

الالماني

تاريخ التسجيل: Mar 2011

المشاركات: 58

معدل تقييم المستوى: 14

ههههههههههههههههههه
يعطيك العافية

__________________
الالماني

03-29-2011, 01:36 AM

سامي مشعان

كاتب ماسي

تاريخ التسجيل: Jan 2011

المشاركات: 3,012

معدل تقييم المستوى: 17

هههههههههههههههههههههههه
من طول الغيبات جاب المطمات
انت تختفي ثم تحركنا بموضوع الله يهديك هذا لاه يالداج
وماشاء الله على الخيال الواسع عندك الي تديور فيه التريله من كثر ماهو معشش من المعلومات الطيبه مثل طيبة حضورك وطرحك

وشكرآ لك يالداج

__________________

03-29-2011, 03:28 AM

سطام ابوبطين

كاتب فضي

تاريخ التسجيل: Jul 2010

المشاركات: 1,801

معدل تقييم المستوى: 16

هواوي داج يامرحبا تراحيب المطر انت وينك مختفي انا اخاف انك في يامصر يوم الانقلاب وتو فكك الله وجيت ترى مجرد احساس ال1مه بريه ههههههههههههه علومك وقصصك عسل تقبل مروري

__________________

04-10-2011, 01:58 AM

الموسيقار

كاتب متميز

تاريخ التسجيل: Nov 2010

المشاركات: 420

معدل تقييم المستوى: 15

هههههههههههههههههههههههههههههههه
رووووعه الطرح
يعطيك العافيه ويسلم ذوقك
دمت بود

__________________

[aldl]http://im30.gulfup.com/2012-03-23/1332500805861.jpg[/aldl]

انا كالبحر في غموضي وكالنهر في سكوني....
وملك في عشقي .لايعرفني الكثيرون ويفهمني القليلون ..ليس غرورا لكنها ثقتي العالية
في نفسي ..وكثيرا ما يتملكني التواضع....
هكذا هي حياتي
✿ «

04-28-2011, 11:50 PM

#10

هواوي داج

كاتب مبدع

تاريخ التسجيل: Nov 2009

الدولة: على احد الطرق السريعه

العمر: 42

المشاركات: 920

معدل تقييم المستوى: 16

المشاركة الأصلية كتبت بواسطة سموالذات

ههههههههههههههههههههههه
قضيت على مستقبل المدير الاقشر
اثرك شيطاني خالص الله يخارجنا منك ..
هههههههههههههههههههههههههه
احترامي وتقديري يا داج بس ممكن سؤال.ايه تفضل
(انت وين تغط يعني وين تختفي؟؟)

ضحكه دايمه ومباركن علاك المداره والحوكمه وتشكراتي على مرورك مع الشارع الاصفر حقنا وانا اغط وانط لينني هنيا ماعلاك ان شاء ربي انني ما بعد بعيد والي يبعد بعيد حبه يزيد وانا احبلي واحدن اصفر ولي سنه ماشفته والظاهر انه انقرض ياربي يخليك سمو الفخر والذات

__________________

http://www.youtube.com/watch?feature...&v=BK93goMOU_E
دروب الحي تســألني
ترى هل سافرت ليلى
وطيب الشوق يحملني
إلى عيــنيــك يا لـيلى

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كثره الشكوى	غيوم نجد	القسم العام	8	02-12-2012 11:52 PM

		منتديات شبكة قبيلة الغنانيم الرسمية > الأقسام العامة > الــصــيـوان واستراحة الأعضاء.
مدحدر بس امسكني

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules