عديت في شعر ضلعن في جنوبيه= ضلع النويع مضالي فيه مجلاسي
اشوف مرحان اهل فيحاء العضيليه=من يوم شدو عنه مخلينه الناسي
اثر المراقيب سقمن للهواويه =قولو لمنهو يعدي الضلع لاباسي
يجعيد يوم العرب يعطونك النيه =هات الخبر عنه لاتضرب بالاهجاسي
اذن جايك من اهل الشام طرقيه =يجون بخبار عن منقوش الالعاسي
شدوبها للعروج وللحفاريه =ومن يوم شدو بها عنها الخبر ناسي
وحالن من دونها الهضبين ورييه =والموقعه والقرون وهاك الارواسي
وقفو علاها مزبنت الجلاويه =امنزحين العدى بمشوك الماسي
ونجيت ابى اشكي وشارع دعوجانيه =ايقلبون الحجج للشيخ دراسي
ايتلني تل سار فوق سطحيه=سار المكينه ليا سواه خماسي
كرسيها فاهقه وهيه على الطيه =وعيارها وازنه للبير بقياسي
وبستانها كبر قاع الحفر وحليه =وبلادها كل ركنن فيه رواسي
القلب محموس منها حمس بريه =جاها من المغربيه ريح نسناسي