اليوم جايكم بقصيده غزليه اتمنى تعجبكم





تعالي يابعد كل الخلايق يابعد هالكون.
..........تعالي واجلسي جنبي وضمني على كونك

تعالي واسكني صدري وغني للغرام لحون
..................تعالي يابعد روحي انا مشتاق للحونك

وصلتك في ظلام الليل قبل الناس لايدرون
..............ابي تروى عيوني منك وارحل قبل يدرونك

انا في حلم ولا علم مادري بس بك مجنون
.........عشقتك عشق مامر البشر واصبحت مجنونك

اهيم بصوتك الساحر وانا في نظرتك مفتون
.................دخيل عيونك النجلا تروف بقلب مفتونك

يمين الله ياروحي لقينا بالعذارى عيون
.................وكل عيونهم عندي تضيع بنظرة عيونك

يفز القلب لااقبلتي على وخطوتك بالهون
............تذكرني غرامي معك اخذتيني على هونك

اذا طالعتي القمرا ياحلوه وجهك المزيون
...............حرام ان القمر ينزل شوي يطالع زيونك

وثمانك حين اوصفهم تقول اللؤلؤ المكنون
...............وشفايف كنها جمر الغضا تضم مكنونك

لو اشرتي مع الضحكه تقول إلك العرب بالعون
..............وكل الكون والعالم تقول لضحكتك عونك

ولو غادرتي الديره ترى كل البشر يبكون
...............وحتى بيوتهم تبكي اذا حست بيبكونك

ملكتيني بحبك لي وانا بالحب لك ممنون
...............وببقى ياحياة الروح طول العمر ممنونك


@@@الرمش@@@

المصدر: منتديات شبكة قبيلة الغنانيم الرسمية