وش عاد ابا بمتابعي للتلفزون=مقابل لحمود والا لساقان
لو يعزفون الي يقولون بلحون=ماشدني للبيت ترديد الالحان
ينغث بالي واقفله لايقولون=قصيدهم بدون معنى وعمدان
انا مولع شاشته طرب مشحون=متهقوي شعارنا وابن جدلان
ولقيت ياحبي وبنت لها لون=ولقيت يازين الغنادير يافلان
سمعت عنتر وامرء القيس يبكون=ماكان شعراً ماكان ماكان
بالله قولواوافصحوا ماتقولون=تكلموا قولا صحيحا ببرهان
الشعر بحر يسبحه كل مشجون =عذب اللما متناولينه بالاشجان
ادمانه اقوى من حبوب الكبتجون=ومدمنه ماله مصحات ادمان
اليا سرى يطوي بوجهاته الكون=ويطوي الايام ويطوي ازمان
كونه عجيب ولذته لونها لون=وتحسه الورقا بعالية الاغصان
ولو هو قديم مايقولون مركون=متعلي قمة جبلها بليهان
ياما كتبته في ظميري على هون=سبت ملقيني الهواجيس واحزان
يسري على الليل وغدراه وشلون=اصد هاجوس تلقاني وبان
بجيوشه الي صففت صفها دون=متدربة ومهيبة كل ميدانِِ