مساء الخير جميعاً ،، نثار تويتري عابر فتقبلوه كما هو يا احبة :

1/
جا يقول ابغا حنان من البدو
والبدو قشران مافيهم حنان

طيروه من المدينة وقعدوا
انقلب زعلان ماصام رمضان
..
2/

ليلِ طويل وجوّ ماهوب عادي
ـ وشوية اوراق وحزن ماله اسباب

ـوعيون تنبت في الزوايا وايادي
تمتد واصرخ ،، من يجي يفتح الباب !

3/

تعبت الوّح للطيوف الحزينه
في نظرتك بين السفن والمواني

باب الهوى يابنت لاتغلقينه
يمكن نكون احباب في عمر ثاني
..
4/
مصير الكون يفنى ويفنون البشر
ولايبقى سوى الواحد الفرد الصمد

فتب ياعبد لله ترى مالك عذر
حياتك خيط عتمه وتمضي في كمد
..
5/
اشجع قرار اتخذته في حياتي
طرد الهوس من خيالي والخرافات

مؤمن بأن الشعر من معجزاتي
مع كل ذلك ماداني شوفة الذات !
..
6/
ليلِ طويل وجوّ ماهوب عادي
وشوية اوراق وحزن ماله اسباب

وعيون تنبت في الزوايا وايادي
تمتد واصرخ ،، من يجي يفتح الباب !
..
7/
تغيب الانجم والسما باقية
والشمس تشرق فترة وتختفي

ونعيش انا والغصن والساقية
ذكرى الضيا فالعالم المنطفي!
..
8/
جيت دون ادراك يا العذب الرزين
داخلي نغمة صخب مادري هدو

فالبلد هذي قهرني حاجتين
فسقة التاجر وتهميش البدو
..
9/
خل المؤهل واعترف كانك فطن
هو فيه عيش نطيش ولا مانطيش !

ضريبة الاهمال لابناء الوطن
البؤس والحرمان وادمان الحشيش
..
10/
شمالاً تجاه القلب كان الحنين بلاد
وانا كنت شاعر من أرق ماتحبينه

كبرتي وقلتي ليش نحيا الحياة ابعاد
وعدت ورحل سلطانك اللي تخبرينه
..
11/
مانمت لي يومين ياعذبة الأوصاف ،، مانمت لي يومين
اكتب قصايد حب واسترجع اللي طاف ،،شوفي دموع العين

في غبة الاشواق / مبحر بدون شراع
حزن وتعب وارهاق / وش ضاع وش ماضاع!

كل الطيوف اشباه تمشي قدم وخلاف ،، مدري تسير بمين!
قلته وقولي للي يعترف بالقاف ،، لبّ الحكاية وين !
..

---

jyvdJJJJ ]hhhhj