النـافهية - منتديات شبكة قبيلة الغنانيم الرسمية

10-18-2012, 10:33 PM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

سعود بن منيف بن نافه is on a distinguished road

النـافهية

قصيدة الشاعر القدير/عيسى بن مشهور بن مدهوس بن دخيل الله بن طايل بن نافه الغنامي شاعر غني عن التعريف وهذه قصيدته بعنوان (النافهية)

النافهية حول سبع وثلاثين
من مفرق أم الدوم لينك تجيها

فيها الرجال الطيبين الميامين
روسن عليها العلم ياجاهليها

من نسل طايل لو أقول النسالين
ماهوبعيب أن قلتها وأحتميها

منجي دخيله وزبن المخلين
شهادتن ماحدن يبا يقول فيها

وكم عاش في ضفه فقير ومسكين
عن المجاعه واجد المحتويها

ملك لنا ملك ويبقا آليا الدين
توارث الاجيال من ذخر أبيها

وغير البدائع والحبيس أبه وادين
وكذلك المسلح لنا ملك فيها

وفيها سكنا واسمنا فوقها يبين
علامتن والوقت لامامحيها

واخوان طايل فالمهمات صعبين
حسين حصن الطايله يرتقيها

وساير على العدوان لايمكن يلين
تشهد له المطران ومجاوريها

رامي رماة مطير ساعد قولو وين
شاهدة ماينخفا شاهديها

ومسري وعسير وسالم وغيره اثنين

صعيقر ونذير ياعارفيها

وكلمه لبن نافه عليها براهين
(الدرب ياطاهم وأهلنا نجيها)

سطر لنا التاريخ مجد وعناوين
والطايله من سوقها نشتريها

نوافة عشنا مع الوقت قاسين
والطيبه بأمر الولي نحتويها

وليا التوينا بخصم مانتركه لين
نفصل متونه كلهن عن يديها

وديارنا حنا علاها معيين
ماهوب سهل لمن بغاها يجيها

أما من الاقصين والا الموالين
حنا عليها زالنا ونحميها

والي نشدني وين ودياركم وين
أخذ الاجابة وانت شاهد عليها

النافهيه حول سبع وثلاثين
من كبري أم الدوم لينك تجيها

المصدر: منتديات شبكة قبيلة الغنانيم الرسمية

hgkJhtidm

__________________

منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات

للشاعر الكبير /فلاج بن عبدالله بن دخيل الله بن طايل بن نافه

10-18-2012, 10:48 PM

غيوم نجد

كاتب ذهبي

تاريخ التسجيل: Mar 2011

المشاركات: 2,445

معدل تقييم المستوى: 16

صح لسان الشاعر وتسلم ايد الناقل

__________________

350 × 233 - 37dc.net

10-19-2012, 03:52 AM

ود العرب

تاريخ التسجيل: Dec 2011

الدولة: دولة قطر

المشاركات: 167

معدل تقييم المستوى: 13

نوافة عشنا مع الوقت قاسين
والطيبه بأمر الولي نحتويها

وليا التوينا بخصم مانتركه لين
نفصل متونه كلهن عن يديها

سعود بن منيف بن نافه..الله يعطيك العافيه على النقل الموفق وبيض الله وجهك
وصح لسان ابن عمك الشاعر/ عيسى بن مشهور الغنامي..هذا الشاعر معروف
وغني عن التعريف وهو يلعب على المعاني الصعبه والباين في قصيدته..
كل التحايا ياسعود

__________________

10-19-2012, 03:59 PM

جهز بن فالح بن مزنوت

كاتب مبدع

تاريخ التسجيل: Apr 2009

الدولة: داورد المحبه

المشاركات: 603

معدل تقييم المستوى: 16

جهز بن فالح بن مزنوت is on a distinguished road

سعود بن نافه صح لسانك ولسان الشاعر عيسى بن نافه
قصيده جزله وراعيها جزل وانت جزل وماتجيب ألا جزل
وسبعة أنعام بالنوافه وبطايل وكل من ذكر من النوافه في القصيده

تحياتي وتقديري لك

__________________

يقول إبن مزنوت في بدع قافه=خاو الشجيع اللي عريبه مجانيه
خل الردي يقعد وريث الضعافه=مالك وماله يقطع الله طاريه

10-19-2012, 06:47 PM

سموالذات

كاتب ماسي

تاريخ التسجيل: Dec 2010

المشاركات: 8,015

معدل تقييم المستوى: 22

ونعم ونعم اي والله

سعود صح نقلك وصح لسان الشاعر وسلمتو , تقبل مروري

__________________
قُل كُلٌّ يَعمَلُ عَلَى شَاكِلَتِهِ (قرآن كريم , الإسراء ايه 84)

10-19-2012, 10:21 PM

اشواق

تاريخ التسجيل: Dec 2011

المشاركات: 80

معدل تقييم المستوى: 13

صح لسانك مشكور

__________________

منتديات قبيلة الغنانيم

10-19-2012, 10:56 PM

أبو بتـــــال

كاتب ذهبي

تاريخ التسجيل: May 2009

المشاركات: 2,746

معدل تقييم المستوى: 18

أبو بتـــــال is on a distinguished road

صح لسان الشاعر وتسلم أنامل الناقل ونعم في جميع فخوذ الغنانيم

وآلاد غنام عسى الله يسلمهم أهل كرم وشجاعه وعزة نفس

من غير قصور في باقي القبائل

__________________

آلاد غنام ياحماية التالي= الزايده ريعولي راس راعيها

10-19-2012, 11:17 PM

المشعاب

كاتب مبدع

تاريخ التسجيل: Dec 2011

المشاركات: 745

معدل تقييم المستوى: 13

صح لسان القائل والناقل
ونعم بلاد غنام كلهم
مافيهم شك وافين
شكرا

__________________

منتديات قبيلة الغنانيم

10-20-2012, 01:26 AM

ابو رامي

كاتب ماسي

تاريخ التسجيل: Nov 2010

المشاركات: 4,287

معدل تقييم المستوى: 18

نعم بالغنانيم كافه
وشكرآ لك ياسعود

__________________

منتديات قبيلة الغنانيم

10-20-2012, 11:15 AM

#10

الشاعر سلطان براك الغنامي

شاعر متميز

تاريخ التسجيل: Nov 2010

الدولة: السعودية : المنطقة الشرقية .

المشاركات: 5,715

معدل تقييم المستوى: 20

الشاعر سلطان براك الغنامي is on a distinguished road

والله والنعم بالنوافه وبجميع عيال عمهم والحقيقة
الشاعر قال كلام صحيح ويعترفبه البعيد
قبل القريب تحياتي للشاعر والناقل

__________________
من صد عني عنه يا عبيد صديت ...

ومن لا اعتبرني فالعرب مااعتبرته

الشاعر سلطان براك الغنامي غير متواجد حالياً

		منتديات شبكة قبيلة الغنانيم الرسمية > القسم الخاص بالقبيلة > ديوانية شعراء الغنانيم
النـافهية

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules