بعد تغيّرت قلي ويش اسويبك = اتركّ والا استمرُّ وتحرق اعصابي
ابطيت اجاملك وألبّي مطاليبك = كنت احسبنك وفيّ واثرك نصّابي
توعد وتخلف وتخدعني باكاذيبك = وانا مصدّق واحطّك دون الاقرابي
ومن يوم بان الردى ليه انتظر طيبك = ما ضاع لي شي لجل اجيك طلاّبي
لو ان زينك يغطّي عن عذاريبك = نويت اصدّر بعد ماخاطري طابي
عزمت اقفّي ولاني مبدي ٍعيبك = ماني من اللي على الحبلين لعّابي
تلقا ضعيف ٍ تزيّن له باساليبك = يعيش مخدوع مايدري عن الغابي
والا سفيه ٍ على الشينات يسطيبك = يفضحك عند القريب وعند الاجنابي