مادريت ان الهوى فيه ضيقـه للصـدور=لين ضاق الصدر من سبت الطرف العنيد
ذاكرة شوق الهوى في سما حبـك تـدور=وبتدى مشوار ماكنت اخافـه مـن جديـد
كارهن بعدك واجيلـك معنـا للحضـور=شايلن ورد الغـلا بـس وينـك يالفريـد
رحت من عندي ونا جاعلن حبك قصـور=والحرص حوله وشوق المولع لك يزيـد
هامت اشواقي وجيتـك وودي باالعبـور=من على جسر الغلا والعواذل لـه مديـد
مادريت ان البلا فاالصداقه مـن شهـور=عاذلـن يفـرح لنـا باالفـراق ويستميـد
ساعت الفرحه غدت بيننا وضع امعسـور=عسرها مثل اللحـام ان تمسـك باالحديـد
تسمع العـذال فـي لايزيدونـك غـرور=والله انه من غلاتك بدعـت لـك القصيـد
مير وينك ياهـو القلـب يابـدر البـدور=لاتجازي قلب مذكـر بصـدك والجحيـد
شيدي قصر الهـواء ياهوايـه باالعطـور=وخلنـا ننعـم بحـب الملاقـا والزهيـد
اشرقت شمس الغلا وشعشعت بالقلب نور=احمد الي يجمع النـاس ويفعـل مايريـد
عارفن وضعك ولاكني مثلـك ومعـذور=قـدر اشـواق الغـلا لاتزيـد ولا تعيـد
ريـح المشتـاق ياشـوق قلبـي لاتبـور=دام حبـك وسـط قلبـي مـورخ مايبيـد