بركات الشريف - منتديات شبكة قبيلة الغنانيم الرسمية

06-02-2011, 12:32 AM

برق الشمال

كاتب ماسي

تاريخ التسجيل: May 2011

الدولة: الخـلـيـج العــربــي

المشاركات: 3,846

معدل تقييم المستوى: 17

بركات الشريف

بسم الله الرحمن الرحيم
السلام عليكم أنقل إليكم أروع ماقرأت في مجال النصيحة قصيدة رائعة لبركات الشريف :

يالله ياللـي كـل الأمّـات ترجيـك
ياواحدٍ مـا خـاب حـي ٍ ترجـاك
يارب عبدٍ ما مشى فـي معاصيـك
مايمشي ألا في محبتـك ورضـاك
يامرقب ٍ بالصبـح نطيـت راقيـك
ما واحـد ٍ قبلـي خبرتـه تعـلاك
وليّت يـا ذالدهـر مكثـر بلاويـك
الله يزودنا السلامـة مـن اتـلاك
ياللي على العربان عمت شكاويك .
وليت يا دهـر الشقـا ول مقـواك
واليوم هالكانـون غـاد ٍ شبابيـك
تلعب به الارياح مـع كـل شبـاك
يا مالك اسمع جابتي يوم أوصيّـك
وافطن ترى يابوك بآمرك وانهـاك
وصيّـةٍ مـن والـدٍ طامـعٍ فيـك
تسبق على الساقة لسانـه لعليـاك
أوصيك بالتقوى عسى الله يهديـك
لهـا وتدركهـا بتوفيـق مــولاك
الله بـرب اجـدادك الغـر يعطيـك
رضاه مع مـا تمنّـى مـن منـاك
إحفظ دبشك اللي عن الناس مغنيك..
اللي ليا بان الخلل فيـك يرفـاك
واعرف ترى مكة حكمهـا بناخيـك
واحذر تميّل عن درجهـا بمرقـاك
لا تنسدح عنها وتبغانـي اعطيـك
جميع ما يكفيـك مـا حاصـلٍ ذاك
أدّب ولدك إن كان تبغيـه يشفيـك
واستسعفه من بعـد مربـاه بـالاك
أما سمج واستسمجك عند شانيـك
ويفرّ من فعله صديقـك وشـرواك
وألاّ بعد جهله تـرى هـو بياذيـك
لو زعلـت امـه لا تخليـه يـالاك
واحذر تضيّع كل من هو ذخر فيـك
معروفه لا تنساه واوفـه بعرفـاك
ترى الصنايع بين الاجواد تشريـك
ليـا طمعـت بغرسهـا لا تعـدّاك
واحذر سرور بغبّة البحـر يرميـك
ولا عنده افلس من تشكّيك وبكـاك
واوف الرجال حقوقها قبـل تعنيـك
لا تعتمـد بالقـول فالحـق يقفـاك
وهرج النميمة والقفا لا يجي فيـك
واياك عرض الغافـل ايـاك إيـاك
تبدي حديـثٍ للمـلأ فيـه تشكيـك
وتهيم عند الناس بالكذب واشـراك
وليا نويت احـذر تعلـم بطاريـك
كم واحدٍ تبغي به العرف واغـواك
واحذر شماتة صاحبٍ لك مصافيـك
وليا جرالك جـاري ٍ قـال لـولاك
ولا تحسب إن الله قطوع ٍ يخليـك
ولا تفرح إن الله على الناس بـدّاك
الضيف قدّم له هـلا حيـن يلفيـك
ومما تطوله يا فتى الجـود يمنـاك
إحذر تلقّي الضيف مقرن علابيـك
خله محبٍ لـك صديـقٍ إذا جـاك
واوصيك زلات الصديق إن عثا فيك
مازال يغطاها الشعـر فاحتمـل ذاك
راعه ولو ما شفت إنـه يراعيـك
عساك تكسر نيتـه عـن معـاداك
واحذر عدوك لو ظهر بيصافيـك
.خلك نبيه وراقبه ويـن مـا جـاك
لا تأمنه واطلـب مـن الله ينجيّـك
ويكفيـك ربـك شـر ذولا وذولاك
شفني أنا يابوك بآمـرك وانهيـك
عن التعرض بين الاثنيـن حـذراك
إذا حضرت طلابـةٍ مـع شرابيـك
إسع لهم بالصلح والـلاش يفـداك
إبذل لهـم بالطيـب ربـك ينجّيـك
ولا تجضع الميزان مـع ذا ولا ذاك
أما الشهادة فأدّها إن دعـوا فيـك
بيّن عمود الدين لا عميـت اريـاك
بالك تماشـي واحـدٍ لـك يردّيـك.
طالع بني جنسك وفكّر بممشـاك
رابع أصيلٍ فـي زمانـك يشاكيـك
لا شاف خملاتك عن الناس غطـاك
واحذرك عن طرد المقفي حذاريـك
عليك بالمقبل وخـل مـن تعـداك
واوصيك لا تشكي علينـا بلاويـك
أنت السبب طرفك عينـك بيمنـاك
واعرف ترى اللي وطا الفعر واطيك
ولا انته أعز من الجماعة هـذولاك
ألمسك يا راسي عن الذل واخطيك
.واحذر تكلـم يـا لسانـي حـذراك
وألطف بجارك ثم قـم دون عانيـك
وافطن لما يعنيك عن ربعة اخـواك
يا ذيب وان جتك الغنم في مفاليـك
فإكمـن إليـن ان الرعايـا تعـدّاك
فيما مضى يا ذيب تفرس بأياديـك
واليوم جاء ذيبٍ عن الفرس عدّاك
يا ذيب عاهدني واعاهدك ما ارميك
ما ارميك أنا ياذيب لو زان مرمـاك
والنفس خالف رايها قبـل ترميـك
ترى لها الشيطان يرمي بالاهـلاك
ومن بعد ذا لا تصحب النذل يعديـك
وعن صحبة الأنذال حاشاك حاشاك
ترى العشير النذل يخلف طواريـك
وانا ارجي انك ما تجي دون آبـاك
والهقوة انك ما تجي دون اهاليـك
ولا اظن عود الورد يثمـر يتنبـاك
والحر مثلك يستحي يصحب الديـك
وان صاحبه عاعا معاعات الاديـاك
لا تستمع قول الطرف يـوم يلفيـك
بالكذب يقضي حاجته كل مـا جـاك
ومن نم لك نم بك ولا فيه تشكيـك
وإليـاه قـد أزرى رفيقـك وأزراك
عندك حكى فينا وعندي حكى فيـك
وأصبحت مبغضنا وحنـا كرهنـاك
ما اخطاك ما صابك ولو كان راميك
واللي يصيبك لو تتقيت ما اخطـاك
عندي مظنّـةٍ مـا تمثلتهـا فيـك
واطلب لك التوفيق من عند مـولاك

المصدر: منتديات شبكة قبيلة الغنانيم الرسمية

fv;hj hgavdt

__________________
التوقيع

06-02-2011, 01:54 AM

ابو رامي

كاتب ماسي

تاريخ التسجيل: Nov 2010

المشاركات: 4,287

معدل تقييم المستوى: 18

قصيده اقل ما يقال عنها انها موسوعه تثقافيه
نوع فيها الشاعر نصائحه واتي على كل فعل وضده
رحم الله بركات الشريف كم كان صاحب مبدى وعلى خلق وكم كان مفكر ويستحق ان يطلق عليه لقب أديب
اخوي صوت من الصحرى اسعدتني والله بهذه القصيده فشكرآ لك واحترامآ وتقديرآ لما اوردت الله يسعد ايامك

__________________

منتديات قبيلة الغنانيم

06-02-2011, 03:04 AM

سامي مشعان

كاتب ماسي

تاريخ التسجيل: Jan 2011

المشاركات: 3,012

معدل تقييم المستوى: 17

الله يبيض وجهك ياصوت من الصحراء واشكرك على هذا الاختيار الرائع والموفق
فهذه القصيده تعتبر افضل قصايد النصح وتقبل مروري واحترامي

__________________

06-02-2011, 03:54 AM

سموالذات

كاتب ماسي

تاريخ التسجيل: Dec 2010

المشاركات: 8,015

معدل تقييم المستوى: 22

بيض الله وجهك ياصوت
قصيده رائعه وجزله وهي فعلاً
من اجمل ما قرأت كل الاحترام والتقدير

__________________
قُل كُلٌّ يَعمَلُ عَلَى شَاكِلَتِهِ (قرآن كريم , الإسراء ايه 84)

06-02-2011, 06:00 AM

مــعــدي الـغـنامـي

شاعر

تاريخ التسجيل: Jul 2010

المشاركات: 1,579

معدل تقييم المستوى: 16

مــعــدي الـغـنامـي is on a distinguished road

يعطيك العافيه على الطرح الراقي
هذه القصيده تعتبر معجزة الشعر النبطي ومن معلقات الشعر

__________________

منتديات قبيلة الغنانيم

06-02-2011, 01:47 PM

فيصل الـروقي

كاتب ذهبي

تاريخ التسجيل: May 2011

المشاركات: 2,996

معدل تقييم المستوى: 16

الله يبيض وجهك ياصوت من الصحراء

__________________

منتديات قبيلة الغنانيم

06-02-2011, 11:35 PM

إياد الروقي

كاتب ماسي

تاريخ التسجيل: Sep 2010

الدولة: الرياض

المشاركات: 9,634

معدل تقييم المستوى: 24

بيض الله وجهك ياصوت
قصيده رائعه وجزله وهي فعلاً
من اجمل ما قرأت كل الاحترام والتقدير

__________________

06-03-2011, 01:22 AM

برق الشمال

كاتب ماسي

تاريخ التسجيل: May 2011

الدولة: الخـلـيـج العــربــي

المشاركات: 3,846

معدل تقييم المستوى: 17

المشاركة الأصلية كتبت بواسطة ابو رامي

__________________
التوقيع

06-03-2011, 01:23 AM

برق الشمال

كاتب ماسي

تاريخ التسجيل: May 2011

الدولة: الخـلـيـج العــربــي

المشاركات: 3,846

معدل تقييم المستوى: 17

المشاركة الأصلية كتبت بواسطة سامي مشعان

الله يبيض وجهك ياصوت من الصحراء واشكرك على هذا الاختيار الرائع والموفق
فهذه القصيده تعتبر افضل قصايد النصح وتقبل مروري واحترامي

لاهنت ابو مشعان وتقبل تحياتي 000

__________________
التوقيع

06-03-2011, 01:24 AM

#10

برق الشمال

كاتب ماسي

تاريخ التسجيل: May 2011

الدولة: الخـلـيـج العــربــي

المشاركات: 3,846

معدل تقييم المستوى: 17

المشاركة الأصلية كتبت بواسطة سموالذات

بيض الله وجهك ياصوت
قصيده رائعه وجزله وهي فعلاً
من اجمل ما قرأت كل الاحترام والتقدير

لاهنت ياسمو وتقبل تحياتي ومشكور على المرور00

__________________
التوقيع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قـصيدة الـموسوعة الـتاريخية لـلشاعر والـراوي فـواز الـغسلان	ساير بن فاضي الغنامي	منتدى الشعر والقصص الشعبية	0	10-25-2015 01:32 AM
مربط السنجر , للخيل العربية الاصيلة	راع الصفراء	القسم العام	20	11-23-2013 02:36 AM
أروي لكم هذه القصة وهي قصة (راعي المعنقيه)	زبن الرفيل	القسم العام	10	11-18-2013 07:19 AM
برنامج الشيخ مبارك بن قطنان الغنامي للمصحف الشريف الصوتي	ابو فيصل	منتدى الحواسيب والاتصالات	8	03-12-2011 09:00 PM

		منتديات شبكة قبيلة الغنانيم الرسمية > الأقسام الشعبية والأدبية > منتدى الشعر والقصص الشعبية
بركات الشريف

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules