بعد تغيرت قلّي ويش اسويبك = اتركك والاّأستمرّ وتحرق أعصابي
ابطيت اجاملك وألبّي مطاليبك = كنت احسبنك وفيّ واثرك نصّابي
توعد وتخلف وتخدعني باكاذيبك = وأنا مصدق وأحطك دون الاقرابي
من يوم بان الرداء ليش انتظر طيبك = منته بأخويه وَلا من خِيرت أصحابي
لوان زينك يغطي عن عذاريبك = نويت اصدّر بعد ماخاطري طابي
نويت اقفّي ولاني مبدين عيبك = ماني من اللي على الحبلين لعابي
تلقى ضعيفٍ تزيّن له باساليبك = يعيش مخدوع مايدري عن الغابي
والاّ سفيهٍ على الشينات يصطيبك = ويفضحك عند القريب وعند الاجنابي