مرحبا بكم في منتدى قبيلة الغنانيم كلمة الإدارة


دواوين شعراء الغنانيم خاص بالدواوين لشعراء الغنانيم لكل شاعر له ديوان من قبيلة الغنانيم فقط

إضافة رد

  #31  
قديم 04-25-2012, 12:07 AM
الصورة الرمزية كرّوم بن عيد
كرّوم بن عيد كرّوم بن عيد غير متواجد حالياً
 
تاريخ التسجيل: Jan 2012
المشاركات: 139
معدل تقييم المستوى: 8
كرّوم بن عيد is on a distinguished road
افتراضي


اللي يعرف العلم لله دره = وليا تعرضلك عما القلب يعميك
العلم ضايع فالعمى لو تبره = قلبه عمى لو ان اذانيه توحيك

مقتطفة من احدى قصائد جدي كرّوم بن عبد الله بن عاذي

عام 1417 هـ
__________________
أبدوين تارك الدنياء على مجراها...
رد مع اقتباس

  #32  
قديم 04-25-2012, 12:17 AM
الصورة الرمزية كرّوم بن عيد
كرّوم بن عيد كرّوم بن عيد غير متواجد حالياً
 
تاريخ التسجيل: Jan 2012
المشاركات: 139
معدل تقييم المستوى: 8
كرّوم بن عيد is on a distinguished road
افتراضي


ابا الحصيّن تحصله بالمذاري = والذيب يجري يصبح الصبح مانام
يقطع جراديح الخلا والصحاري = رزقه على محص الليالي والايام
لا تاخذ الدنيا هجوس وطواري = ماضيع الي قدمنا غير الاوهام
لو النصايح بين بايع وشاري = شريتها لو راقد القلب ماقام

كذالك لجدي/ كرّوم بن عبد الله بن عاذي
__________________
أبدوين تارك الدنياء على مجراها...
رد مع اقتباس

  #33  
قديم 05-02-2012, 04:55 AM
الصورة الرمزية كرّوم بن عيد
كرّوم بن عيد كرّوم بن عيد غير متواجد حالياً
 
تاريخ التسجيل: Jan 2012
المشاركات: 139
معدل تقييم المستوى: 8
كرّوم بن عيد is on a distinguished road
افتراضي

عام 1425 باع ابوي بعض البل حول 10 يبي يصفي المنقيه
عاد تسن العواده اخذوا في خطرهم وقال عمي كريّم هالابيات..

( يطيع النصيحه )


لو كل من ينصح يطيع النصيحه = ماماج عن درب الرياجيل مخلوق
الشايب الي ماقعدله منيحه = راحت نياقه عمد ماهوب مسروق
وضحٍ لها فالوضح ميزه وليحه = تعرف بشهرتها ليا عدة النوق
رثم الخشوم ام الخدود السميحه = حول عليها القوس واستاقها سوق
والثانيه شيلة بونش الذبيحه = ربططة قوايمها ورميت بصندوق
وبعد فعول مدورين المديحه = عينه تعاف النوم والقلب محروق
ويصبر لون الكبد منها جريحه = والصبر زين وكل مطرود ملحوق
تعب عليها فالسنين الشحيحه = ورعابهن الخزاما وزملوق
وعقب الرغاه الي تحتها السريحه = يطبخ له الراعي عصيده ومرقوق
ولولا العلوم الي بعدها فضيحه = والله ليرمي دونها كل معلوق
والله وبأذن الله ليذبح نطيحه = ان كانها سلمت يمينه من العوق


كريم بن عبد الله بن عاذي
7/1425هــ

رد ابوي على عمي

( متيه الوضحا )


العود يالشاعر عسى الله يبيحه = حقه ترا عندي على الراس من فوق
والرجل ندري وش يبا من نضيحه = نعرف ترى المقصود من غير منطوق
والوضح لولا حاجتلي لحيحه = مابعتها لو يدفع الطاق مطبوق
لاشك حق الناس مانستبيحه = ولاعمرنا عشنا على الغدر والبوق
اخذ الحقيقه والعلوم الصريحه = ولا ترى الطالات قسمات واوفوق
والخير واجد يالوجيه الفليحه = واجد بنات الهرش مافيهن فروق
يازينهن لاجت عصيرن مشيحه = والوانها تفقع كما لون غرنوق
وباقي ترا خمسين ليله صحيحه = وتشوف ردم المزن ورعود وبروق
وان صدق الوسمي وبكر مطيحه = هي منوة الشايب ترا ياولد روق
اليا اختلط عشبه ورمثه وشيحه = وغير الخزاما والنفل فيه رقروق
يجيك ابو نواف تسمع فحيحه = متيه الوضحا بطراف ساحوق

عــيــد بن كـــرّوم

7/1425 هـ

وسلامتكم
__________________
أبدوين تارك الدنياء على مجراها...
رد مع اقتباس

  #34  
قديم 09-04-2012, 04:37 PM
الصورة الرمزية كرّوم بن عيد
كرّوم بن عيد كرّوم بن عيد غير متواجد حالياً
 
تاريخ التسجيل: Jan 2012
المشاركات: 139
معدل تقييم المستوى: 8
كرّوم بن عيد is on a distinguished road
افتراضي

حول الايام هذي ولكن قبل 18 عاماً كانت هذهِ القصيدة..



القيض راح وجاك وقت البرادي = وقامت تذعذع من شمال النسانيس
غلق حساب القيض علمٍ وكادي = ونجم السويبع شيف قبل الغطاليس
اقفن ليال وجن ليالٍ جدادي = تجددن من عقب ماهن مراميس
واليا أعلن المقناص صحف وروادي = تولموا يا كاسبين النواميس
ويابو سعود الصبر عدا وزادي = فكوا عن اللي تسعة أشهر محابيس
نبا ليا غطا البياض السوادي = نسري ليا نامت عيون الهداريس
خطوا الهبيل الي ضعيفٍ ربادي = ماقط هد فروخها والقرانيس
متمددٍ كنه جضيع الوسادي = في مرقده تدوي عليه الخنافيس
واليته الي مثل ظبي الحمادي = تنهمره وتقول مابك حواسيس
قم هات خبز وهات عشره زبادي = عجل علانا يابعيد المناطيس
وقحص يخمع طار عنه الرقادي = قد مرست قلبه من الذل تمريس
يهاجم الخباز كنه مفادي = يداحم الورعان راسه دلاسيس
واشتال باغاته وجاها يرادي = جعله يرادي وسط قصر المحابيس
ولانصبح الا في ديارٍ بعادي = فوق الجيوب ولانهاب التغاريس
وزان المضحى للوجيه البوادي = ونادوا بفنجالٍ يداو المعاميس
ودار الكلام وصار فيها عنادي = وكلٍ يقول فعول طيري بلا قيس
وقاموا بصارومٍ سريع الهدادي = لحاق ماياخذ علاها مراويس
مخالبه مثل الرماح الحدادي = دوام من دم الحباري معابيس
اما ضربها نطح بين الثنادي = ولا صرم نصف الضلوع المقاويس
ويازين هده في خطاه الرهادي = في ماقعٍ قفرٍ من الناس ماديس
بكر علاه اوسم بقران حادي = لان الزهر غطا خشوم الطعاميس
وعز الله ان الصيد غايه مرادي = لو اتركه كثرة على الهواجيس
حبه يعادل حب قطم التوادي = رثم الخشوم ونابيات النسانيس
وياوالي القدره عليك اعتمادي = مدك ولامد الوجيه المفاليس
عطاك مايشبه عطايا زهادي = ولا دون بابك واحدٍ يربط الكيس
وختامها صلوا على خير هادي = على نبيٍ درس الحق تدريس

كرّوم بن عبد الله بن عاذي الغنامي


1415هــ
__________________
أبدوين تارك الدنياء على مجراها...
رد مع اقتباس
إضافة رد

مواقع النشر (المفضلة)


أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 04:40 AM


جميع مايطرح في المنتدى لا يعبر بالضرورة عن رأي إدارة شبكة قبيلة الغنانيم الرسمية وإنما يعبر عن وجهة نظر كاتبه فقط