قصائد لشاعر محمد بن فطيس - الصفحة 2 - منتديات شبكة قبيلة الغنانيم الرسمية

02-17-2011, 05:08 AM

#11

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

سلمان العطاوي is on a distinguished road

القصيده العاشره:

،؛،.. دكـــــتور العـــيون ..،؛،

(يامؤمن الريفي )انا جيتك زبون..
.. جيتك على مدح اكثر الناس وعنيت

جيت وتعالى الله عمّا يشركون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت

من دون نظاره ولا هم يحزنون..
.. يااا كثر ما كسّرت كشمات وشريت

لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت

__________________

منتديات قبيلة الغنانيم

02-17-2011, 05:09 AM

#12

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

القصيده الحادي عشر:

،؛، ..أقول لها .. رد على ابن الفجاءة ..،؛،

اقول لها وقد طارت شعاعا ..
.. من الشعار ويحكي لا تراعي

ترى اللي كاتبه ربي بياتي ..
.. ولو ما أسعى للحظي جاش ساعي

عليك الصبر والباقي على الله ..
.. وعلى التصويت ما للخوف داعي

تحزمت بقصيدي والقبايل ..
.. وجا شعري على الدفع الرباعي

أنا في مركب الشعر الحقيقي ..
.. وجمهور الشعر حسبة شراعي

امامي لجنه كفو باهلها ..
.. وعلى الشاشات لي جمهور واعي

وما دام ان ديرتي دار التميمي ..
.. فأنا ما ظنتي يحجب شعاعي

تربينا على حب الطليعة ..
.. وندعس للوطن روس الأفاعي

نعيش لرفعته ونعيش لأجله ..
.. ونموت لعزته موت جماعي

قطر داري ودار ابن الفجاءة ..
.. بلاد نبتها سيف ويراعي

ظهر ابن الفجاءة في زمانه ..
.. وأنا ابن فطيس تظهرني ذراعي

__________________

منتديات قبيلة الغنانيم

02-17-2011, 05:10 AM

#13

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

القصيده الثاني عشر :

،؛،.. تالي عصير ..،؛،

الضيقة اللي دايمٍ تالي عصير ..
.. وش حيلتي وأردها لا تجيني

لا طال ظل العود حزة عشى الطير ..
.. كنها على سجن الحديد تحديني

يضيق صدري كل ما جات وأسير ..
.. ولايخفف سوج رجلي حنيني

لا حولنا مشراف ولا اقدر اطير ..
.. يالله قمسة خير لا تبتليني

وعقارب الساعة توقف عن السير ..
.. ولاكن في الدوحة سواتي حزيني

والعبره اللي تاصل الحلق وتحير ..
.. يا قربها لو قيل لي يا عويني

أمل شوف الناس ورد ومصادير ..
.. واللي يقول اشفيك كنه يهجيني

يعني على ما قيل من باب تصوير ..
.. (لاحدٍ أبي قربه ولا أحدٍ يبيني)

أروح أدور خط مابه دواوير ..
.. وأدور اللي هادها تهتديني

وآخذ مع الهاجوس سجة وتفكير ..
.. وأراجع اللي فات بيني وبيني

وأحسب ذنوبي وأدور التكفير ..
.. عساي ما قصرت في والديني

وعساي ما قارنت من ينفخ الكير ..
.. واللي يحمل المسك جعله قريني

ويطري علي يوم الحشر وأطلب مجير ..
.. ما أعطى كتابي في شقيقة يميني

ويطري علي صدقان كثر الدنانير ..
.. اللي اتعاديني إلا كثر ديني

وراعي الهروج اللي سوات المناشير ..
.. أصد عنه وأدري انه يعنيني

الله حسيبه يوم عرض القواوير ..
.. والله حسبي من صواب مكيني

وإلا طرالي واحد كانه اصغير ..
.. أم أصغر بيومين ولا سنيني

دريت وش قومي وعينت تفسير ..
.. للضيقة اللي من زمن تعتليني

حبه بصدري سالفة سر في بير ..
.. وكن الفواد يقول هذا زبيني

أشفق على علمٍ يجي منه من غير ..
.. لا يسمع اللي سولفوا به ونيني

يا كثرهم غيرهم ولكن خبر خير ..
.. ما غير شوفه في الوجود يهنيني

رايي كذا يا عاشقين الغنادير ..
.. ماله على وجه البسيطه وزيني

العام أجيهم من حساب المسايير ..
.. واليوم حال عداي وينه وويني

خطاي تعليق الأمل في المدابير ..
.. الين راح وشفت حقري بعيني

صبرٍ جميل وخابر إنه مقادير ..
.. والله على تخفيف حزني عويني

ذي حالتي لين اتغبا الشمس واصير ..
.. معطى سراحي عقب مانا سجيني

واذا امتلى جوف الشجر بالعصافير ..
.. طلبت من رب العباد يهديني

يعتقني المذن عقب ضيقة عصير ..
.. اللي على سجن الفراق اتحديني

__________________

منتديات قبيلة الغنانيم

02-17-2011, 05:11 AM

#14

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

القصيده الثالث عشر :

،؛،.. يالله عفوك ..،؛،

يالله عفوك يوم تصفية الحساب ..
.. يوم حصاد لما زرعنا في السنين

يوم الحشر قرب ولا معنا زهاب ..
.. اليوم في الدنيا وبكرة راحلين

نجني ذنوب ونرتجي عفو وثواب ..
.. وعلى نصر ربي لنا مستعجلين

تدرون ليه آمالنا كنها سراب ..
.. تدرون ليه النصر سيف الأوليين

الأوليين أعمالهم وفق الكتاب ..
.. قاموا عليه وباعوا الدنيا بدين

وحنا غفلنا بين مالذ وطاب ..
.. والنصر سيف ما يسله غافلين

نصبح على شوف انتهاكات وخراب ..
.. ونمسي على دمع وتنهات وونين

بصدورنا شي تذوب اله الهضاب ..
.. وأفعالنا والواقع رياح .. وطحين

وعلى العيون من الفتن مثل الضباب ..
.. معد درينا من يسار ومن يمين

ما للضيف الا الدعا لو ما يجاب ..
.. ما غيره الا الشوف مكتوف اليدين

يالله زلزل تحت الأعداء التراب ..
.. والطف بنا واحقن دماء المسلمين

ندعوك يا قادر على جعل السحاب ..
.. جيش لنصرة قلة مستضعفين

أغرقهم بنوع من أنواع العقاب ..
.. غرق الغلام اللي يحسب انه فطين

لوما عصى نوح نجا به في رحاب ..
.. سفينته وأمضى معه في العمر حين

لكنه اختار الخساره والذهاب ..
.. اصنع بهم صنعك به وانت المتين

والا اخذهم يا مجري سود الحقاب ..
.. أخذ العجوز اللي بقت في الغابرين

ذوقهم اللهم أنواع العذاب ..
.. اللي عثوا في أرضك أمن المفسدين

وألطف بمن لبسوا من التقوى ثياب ..
.. عبادك المستهدفين المتقين

تكالبت عليهم أنياب الذئاب ..
.. ولا غير عونك يا معين الصابرين

من بينهم شيبه يعجزون الشباب ..
.. من وقفته من طولها في الركعتين

ومن بينهم بنت تون بلا حجاب ..
.. أحجابها لفوا به الجرح المكين

وطفل عن عيون أمه الثنتين غاب ..
.. تبكيه عين وتلتفت لأخيه عين

من هول ما يجري لهم شاب الغراب ..
.. يا وسع حلمك وانت ما فوقك مدين

أدعيك وانت ادرى بحال أهل المصاب ..
.. وأمد كفي لك يا أكرم الأكرمين

تقبلو اجمل التحايا من اخوكم :
سلمان العطاوي

__________________

منتديات قبيلة الغنانيم

02-17-2011, 03:54 PM

#15

إياد الروقي

كاتب ماسي

تاريخ التسجيل: Sep 2010

الدولة: الرياض

المشاركات: 9,634

معدل تقييم المستوى: 24

مشكور والله يعطيك الف عافيه

__________________

02-17-2011, 03:56 PM

#16

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

المشاركة الأصلية كتبت بواسطة إياد الروقي

مشكور والله يعطيك الف عافيه

وياك يا اياد الروقي
اسعدني تواجدك ومروك العطر
دمت...................بخير

__________________

منتديات قبيلة الغنانيم

02-17-2011, 03:57 PM

#17

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

المشاركة الأصلية كتبت بواسطة ابوعليط العطاوي

مشكوووووور والله يعطيك الف عافيه

وياك يا ابو عليط
اسعدني تواجدك ومرورك العطر
دمت...............بخير

__________________

منتديات قبيلة الغنانيم

02-17-2011, 06:01 PM

#18

صمت الجرووح

كاتب مبدع

تاريخ التسجيل: Jan 2011

المشاركات: 504

معدل تقييم المستوى: 14

تسلم علي النقل الجميل

__________________

02-17-2011, 06:56 PM

#19

سلمان العطاوي

كاتب متألق

تاريخ التسجيل: Feb 2011

المشاركات: 1,349

معدل تقييم المستوى: 15

المشاركة الأصلية كتبت بواسطة مراد

تسلم علي النقل الجميل

ياهلا والله اسعدني تواجدك ومرورك العطر
دمت....................بخير

__________________

منتديات قبيلة الغنانيم

02-17-2011, 10:20 PM

#20

عـبـد الـعـزيـز الـروقـي

كاتب متميز

تاريخ التسجيل: Feb 2011

الدولة: الـــريـــاض

المشاركات: 498

معدل تقييم المستوى: 14

عـبـد الـعـزيـز الـروقـي is on a distinguished road

مشكور والله يعطيك العافيه
تقبل مروري

اخوك : عبد العزيز

__________________

منتديات قبيلة الغنانيم

عـبـد الـعـزيـز الـروقـي غير متواجد حالياً

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كتاب التوحيد لأبن خزيمة شرح الشيخ : عبدالعزيز بن باز 14 مقطع صوتي	ساير بن فاضي الغنامي	منتدى الصوتيات الإسلامية	4	01-28-2016 02:54 PM
جميع قصائد محمد بن فطيس المري	يـزيـد الـقـبـوري	منتدى الشعر والقصص الشعبية	4	06-10-2011 05:09 PM
الردعلى اهل البدع حماية للدين ولايحذرمنه الا الفساق والجاهلين	ساير الغنامي	المنتدى الإسلامي	11	03-17-2011 01:13 PM
مجنون ليلى وجبل التوباد	سامي مشعان	الأدب العربي والشعر الفصيح	26	03-17-2011 03:16 AM
يدآبيد ضد بدع المنتديات	ابو بطين الغنامي	المنتدى الإسلامي	2	06-22-2009 12:58 AM

		منتديات شبكة قبيلة الغنانيم الرسمية > الأقسام الشعبية والأدبية > منتدى الشعر والقصص الشعبية
قصائد لشاعر محمد بن فطيس

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules