خلك حذر !! - منتديات شبكة قبيلة الغنانيم الرسمية

مرحبا بكم في منتدى قبيلة الغنانيم

كلمة الإدارة

		منتديات شبكة قبيلة الغنانيم الرسمية > القسم الخاص بالقبيلة > ديوانية شعراء الغنانيم
خلك حذر !!

ديوانية شعراء الغنانيم قصائد شعراء الغنانيم ومحاوراتهم الشعرية.

07-23-2013, 01:02 AM

حداق الغنامي

تاريخ التسجيل: Oct 2010

الدولة: مكة ، المدينة ، القدس

المشاركات: 156

معدل تقييم المستوى: 15

خلك حذر !!

سلام عليكم ياربعي ومحزمي
كل عام وانتم بخير وصحه وعافيه .

يالي طلبت الجديد هذا جديدي:

واقول :

ياذيب وقتك قاسي اليوم ياذيب
ياذيب لاتامن من القوم هايب

خلك حذر جنب عن السقم والعيب
لاخير منهو عايش الوقت عايب

هذا زمانك عرب الوقت تعريب
بميثاق منهو قايل القول جايب

جور الزمن ميثاق لاهل التجاريب
امساء بشبابه واصبح الصبح شايب

احدن لاشاف الطيب يندح علا الطيب
واحدن شرود وعنه الطيب خايب

واحدن يعز الناس لاجل المكاسيب
بسم المصالح في جديله هبايب

وناسن تعزك دونها الشوق ياذيب
بسم النوايا ياما شفنا العجايب

يصفي علا خوتك فعل ومواجيب
وبضيق جنبك ماهو اليوم غايب

ناس(ن) علا الخوه رخامه وتخريب
وناس(ن) علا الخوه تسوي مصايب

ياخوي صوب بندق الحق تصويب
في وجه ملعون الجدف وصلايب

ناس(ن) رديه مالها اليوم توجيب
والله لو كانو لعرقك قرايب

اقول وارتب لك القول ترتيب
وياعنك ماني بقولة الحق تايب

ياذيب عقلك مابه الشك والريب
ماكنك الى شيخ قاد الكتايب

جيتك علا صدق المشاعر مكاتيب
بحكم الغلا يالي علا القلب ذايب

وختامه يالله ياعالم الغيب
يامسير الافلاك منشي السحايب

تغفر لنا وتجنب العيب تجنيب
وفي جنتك مثواي كلي طلايب ...

وسلامتكم واعذروني على القصور

المصدر: منتديات شبكة قبيلة الغنانيم الرسمية

og; p`v !!

__________________

مواقع النشر

« لاتشتكي !! | ديار زايد »

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules

الانتقال السريع إلى

RSS RSS 2.0 XML MAP HTML

+4. الساعة الآن 03:28 AM.

جميع المواضيع و الردود لا تمثل وجهة نظر ورأي إدارة المنتدى و إنما تمثل رأي كاتبها فقط

اسم العضو		حفظ البيانات؟
كلمة المرور