صباح الخير ياالربع

أمس الصبح الساعة 11 طلعت من البيت ابا السوبر ماركت لحالي وانا اوقف عنده
وقدامي سيارة هايلكس 2007 مغيمه بلاك المهم بعد مانزلت من السيارة دقت ريوس الهيلكس على موتري ( مطيعة ) وطبعت الباب حق السواق وانا اقعد اتشمت وادعي علاه اقول الله يصبحك ابك انت وان صبحتني المهم قدم سيارته ووقف وعيا ينزل وانا اقعد اهوجس ابك هو علامه ورى ماينحاش ولا ينزل احتريت حوالي 2 دقيقتين عيا ينزل جيت ابا اروحله هو يحرك وانا اركب موتري واللحقه وحوالي 500 متر هو يوقف عند لوازم الزينه ووقف عنده واجيه واطق القزازه واقعد اطق عيا ينزل القزازه واسبر من القزازه الي قدام طلع ( حرمه السواق ) واميز ابك هذي وانهي رايحه عساها برياح قال واحدن معي دق على المرور وتشارع انت وياها في مرور عفيف ثم تالي قلت لاوالله ابعد عن الشر وغنيله ماودي اصير اول واحد تصدمه حرمه ويتشارع هو وياها وانا ارفع صوتي واقول فدى العوض مافيه خار وسلامتكم

---

rwm yvdfi pwgjgd !