الشـمـري والعـتـيـبـي - منتديات شبكة قبيلة الغنانيم الرسمية

03-13-2012, 06:22 PM

عبدالإله القبوري

تاريخ التسجيل: Dec 2011

المشاركات: 343

معدل تقييم المستوى: 13

عبدالإله القبوري is on a distinguished road

الشـمـري والعـتـيـبـي

هـذي مجـاراه اورد بـسيـط علـى قصيـدة الشـاعـر الكـبيـر هـلال الشـمـري

بعد مانزلت ابيات في منتداه وطلبت منه حذف اوايقاف العضويه

وكانت الابيات غزليه منها هذه الابيات

قلبي شكالي قصة الحب ياناس
---------------------------- قصه غريبه والوصوف العجايب
ثم قلت له ياقلب لاباس لاباس
---------------------------- هذي ترا الدنياء ظروف ومصايب
نوب الزمن يصفي كماصفوت الماس
---------------------------- ونوبً يسوي فالمحب الغرايب
قال الزمن ذوقني المر بالكاس
---------------------------- وانا ارميت بـسـهم والسهم صايب
ولي رماني سولعي عذب الانفاس
---------------------------- نساني الخـلان وياء القرايـب
000000000000000000000000000000000000

وقال هلال هذه الابيات

قـال الـذي فـي داخلـه تُحبـس انفـاس
===============ويـزفـر مــن اللـوعـات شـيّــن عـجـايـب
مـن ضيقتـه كـن الفضـاء يخلـق اليـأس
===============والـوقـت يطـلـب مــن حـيـاتـه ضـرايــب
سـلام يابـن الـلـي لـهـم كــل نـومـاس
===============يـــوم الـرجــال تـســاق دون الـركـايــب
سـلام يابـن اللـي علـى الـدوم نبـراس
===============وســـلام لأعتـيـبـه ســــلام ورحــايــب
واخص ابـن مطلـق مـن الـرأس للـرأس
===============ولاخـاب مـن ينـصـى عـريـب النسـايـب
انتـم هلـه .. وانتـم هـل العـز والـبـأس
==============وانـتــم ذراهـــن .. لأنتخـيـتـوا كـتـايــب
يامـسـنـدي والـوقــت مـافـيـه عـبّــاس
==============والـحـزن شــد بـداخـلـي لـــه نـجـايـب
احس بإحساسك والإحساس حسّاس
==============ومن حس بإحساسك يشوف الصعايب
وانــا انتصيـتـك وانـــت لـلـنـار مـقـبـاس
==============الـبــرد حـاديـنـي وشــفــت الـرهـايــب
يـوم ان عـودي عـاش جابـولـي الـفـأس
==============كـلــن يـبــي قـطـعـي ولانـــي بـتـايـب
لفّـيـت انـــا بـيـتـه ودقـيــت الاجـــراس
============== وطلبـتـه يـدهـا مـــن مـواكـيـر شـايــب
مــن بعـدهـا مابيـنـنـا شـــروا انـجــاس
==============عـذالـنـا حـسـبـي علـيـهـم حـسـايـب
هـذا وأنــا يامسـنـدي جـيـت محـتـاس
==============رغــم الألـــم جـيـتـك وكـلّــي طـلايــب
وانت الذي من جـاك ماحـاش الافـلاس
==============مـايـرجـع الا كـاسـبـن لــــه كـسـايــب
وانـــا اطـلـبـك تـبـقــى وتبـقـالـنـا رأس
=============والّا مـعــك خـذنــي .. ولانـــي بـهـايـب

وهـذا ردي

يامرحبا ترحيبتـ ن ساسها ساس

================= ساسـ ن عزاز ولاتجيه الخرايب

ترحيبتـ ن من قلب صافي ومن راس

================= من راس روقيـ ن يدوس الصعايب

يالشمري لاهنت والطيب نبراس

================== يكسي بني شمر شبابـ ن وشايب

انتم هل الغلبا هل الجوخ والطاس

================== ورادة الموت الحمر فالحرايب

وفالجود معروفيـ ن من خيرة الناس

================== اهل الكرم واهل البيوت النصايب

وياراعي المطلوب لاباس لاباس

================== اللي تبيه يصير لوكان غـايـب

ابشر بقو الشعر والراس والباس

================== وليـا دعيـنا فالـطلـب مانـغـايـب

وسلامتكم,,,

المصدر: منتديات شبكة قبيلة الغنانيم الرسمية

hgaJlJvd ,hguJjJdJfJd

__________________

منتديات قبيلة الغنانيم

03-14-2012, 03:17 AM

شاعر غنام

تاريخ التسجيل: Mar 2012

المشاركات: 22

معدل تقييم المستوى: 0

وانت سالم

وبيض الله وجهك على هذه المشاركه الجميل

__________________

منتديات قبيلة الغنانيم

03-14-2012, 09:07 PM

عبدالإله القبوري

تاريخ التسجيل: Dec 2011

المشاركات: 343

معدل تقييم المستوى: 13

شاعر غنام

حضورك يسدني عن باقي المشاهدين!!

وصح كلك

ولاخلا ولاعدم

__________________

منتديات قبيلة الغنانيم

03-14-2012, 09:35 PM

حكيم الراي

كاتب متميز

تاريخ التسجيل: Feb 2011

المشاركات: 379

معدل تقييم المستوى: 14

بيض الله وجهك ووجه الشمري

__________________
"ياوجد حالي على الملفى ... لو هي عجوزٍ وجنيه
وروكـــها كنــها الشـــلفى ... وعيـــونها طــيرٍ فيــه

03-18-2012, 11:31 PM

عبدالإله القبوري

تاريخ التسجيل: Dec 2011

المشاركات: 343

معدل تقييم المستوى: 13

حكيم الراي

حياك ربي

وبيض الله وجهك

وصح بدنك

ولاخلا ولاعدم

__________________

منتديات قبيلة الغنانيم

03-18-2012, 11:34 PM

برق الشمال

كاتب ماسي

تاريخ التسجيل: May 2011

الدولة: الخـلـيـج العــربــي

المشاركات: 3,846

معدل تقييم المستوى: 17

بيض الله وجهك ووجه الشمري

__________________
التوقيع

03-18-2012, 11:38 PM

سعود بن منيف بن نافه

كاتب ذهبي

تاريخ التسجيل: Jun 2011

المشاركات: 2,021

معدل تقييم المستوى: 16

سعود بن منيف بن نافه is on a distinguished road

صح لسانك ومبروك المنصب تستاهل والله شاعر عملاق ومبدع تحياتي وتقديري

__________________

منجّين الدخيل ليا زبنا
اذا فرضت عليه المعجزات

زبنّا من تحيط به المنايا
وربعه حاكمينه بالممات

ثنى طايل طويل الباع دونه
وربعه معه عدمين الصفات

الاد غنام في حدب الهنادى
وفي علط الرماح القاتلات

ابن نافه يبا ينجي دخيله
بشلفا توصل الدم اللهات

تلوذبنا مقطعة العواني
ليا جات العلوم اخذٍ واهات

وترفع عنهم السطوه يدانا
بشلفٍ يشبعن الجايعات

فعل عمي وابويه وابن عمي
نقول العلم والعلم الثبات

للشاعر الكبير /فلاج بن عبدالله بن دخيل الله بن طايل بن نافه

03-21-2012, 12:11 AM

أبو بتـــــال

كاتب ذهبي

تاريخ التسجيل: May 2009

المشاركات: 2,746

معدل تقييم المستوى: 18

أبو بتـــــال is on a distinguished road

بيض الله وجهك وبيض الله وجه الشمري ومشكورين على هذه المجاراه الممتعه

__________________

آلاد غنام ياحماية التالي= الزايده ريعولي راس راعيها

04-05-2012, 01:54 PM

عبدالإله القبوري

تاريخ التسجيل: Dec 2011

المشاركات: 343

معدل تقييم المستوى: 13

برق الشمال

صقر روق

ابوبـتـال

حياكم الله وصحت ارواحكم وابدانكم

وبيض الله اوجيهكم على هذا الحضر

ولاخلا ولاعدم

__________________

منتديات قبيلة الغنانيم

		منتديات شبكة قبيلة الغنانيم الرسمية > القسم الخاص بالقبيلة > ديوانية شعراء الغنانيم
الشـمـري والعـتـيـبـي

اسم العضو		حفظ البيانات؟
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules