البارحه سريتها من كشب لديار القصيم = ابي صغيرن تو له لحظات مع رضاعته
توه على الدنيا انعرف والفضل للرب الكريم = تو انها كتبت حياته تو عرفت ساعته
والخط ماهومزدوج ونا على ددسن قديم = كبليتره خربان والبنزين منها زاعته
وارد عراوي ذمها المصعوك من مصنع عديم=ماذمها الا من ردى عزمه وردي اصناعته
واسباب مابي من صغيرن حطم اضلوعن حطيم =ولاكنه الا يجر معلوق الحشا من قاعته
ايدق اله رقمي يقول ابيك كيف اهنا واقيم = ابيك كلمه ركزت في اقصى الحشا ماتاعته
ون قال لي وينك وصلت الكبد قامت تستزيم =طفيت جوالي مبي صوته على سماعته
اله ثلاث ايام عايش كنه الطفل اليتيم =استغفر الله كن بقعاء ياجماعه صاعته
ماسره المقعاد مع منهي على شوفه تهيم =لاقال ابى امي رددت لاواعناه ولاعته
قامت تهل من العباير بيحت مافي الصميم =وليا نظر في جدته زادت عناه ا وراعته
نكد على نفسه وجاب الجدته ضيقه وضيم =وليا افطنت له خمته بيدينها ثم راعته
وبستر ربي وصلت الرحله ليا بيت الحشيم= بيتن لبن عجاب انا ادله وذكره ناعته
ذكره طلع في انحا الجزيره ونشهربسم الكريم =لا ياهبوب الريح بيته والقبايل ذاعته
وصلو على خير الملا المرسول والهادي الرحيم =الله امرنا والولي ياجب علينا طاعته