البارحه صلـف الهبايـب تهبـي=امـا نسمهـا شـام ولا جنـوبـي
والهاجس الي في الظمير متخبـي=بدع ليـا هبـت عليـه الهبوبـي
يالله ياقابـل دعـاء مـن يلـبـي=تغفر ذنوب المذنـب الـي يتوبـي
طالبـك توفيقـي وتسديـد نبـي=وادمح لي الزلات واغفـر ذنوبـي
تعبت مـن نـاس ٍ تـذم وتسبـي=ابليـس كلفهـم بعـد العيـوبـي
كل ً على المقفـي للنـاره يشبـي=كذاب يضحك في حجاجـه كذوبـي
ياللي تـذم الخلـق ونـت متغبـي=سب العرب منته عليـه مغصوبـي
تـرى مصبـك مايوافـق مصبـي=انته لك اسلوبك وانا اليه سلوبـي
اعرف سلوم الناس واعرف منبـي=ولو ضاق صدري ماتضيق الدروبي
انا علـى سلـم الرجـال متربـي=ولاهمني لو الضعـوف هرجوبـي
ولاني بشيل المدح في وسط عبـي=ولاني بلابس ثوب ماهوب ثوبـي
اطحن ليا جـات المواجيـب حبـي=اليا قصر يمنـاه خطـو الهيوبـي
الجرح يبرى لا لقا الجـرح طبـي=والشمس لو تشرق قفاها الغروبـي
والله خلق قلبـك كـروه ً محبـي=مايقدرون الناس ولـف القلوبـي
يارجل عـن درب المناقيـد ذبـي=ترى خطاء مشيك عليك محسوبـي
الوقـت معهـد والليالـي تـربـي=واما عسفت النفس الايـام عوبـي
قلته وانا ارجي والتمس عفو ربي=يدمح لـي الزلـه ويغفـر ذنوبـي