يامل قلب عانق الفطـر الفيـح=كنه على كيرانهـن محزومـي
ماخلف وعدهنع يقع تخلف الريح=ولا يشد الضلع ضلع البقومـي
ياناشد عنـي ترانـي شليويـح=قلبي على قطع الخرايم عزومـي
ان قلت الوزنه خذوها المشافيـح=اخلي الوزنه لربعـي واشومـي
واليا رزقنا الله بالذود المصاليح=يصير قسمي من خيار القسومي
واضوي اليا صكت علي النوابيح=والي قعد عند الركاب مخدومـي
ان كات لحقو مبعدين المصابيح=معهم من الحافر سواه الغيومـي
واليا ضربت بالسابق ان اللواليح=كل رفع يمنـاه للمنـع يومـي

ليل سريته يم عثمـان لا عـادل=وا حسايـف سريتـي للهدانـي
يجود ربي والمعيثيـر ماجـاد=مده ولا مـد الوجيـه المتانـي
عسىآ الرجا ينقاد والعمر ماباد=على النضا ومعالجات العنانـي
يالله طلبتك من شراشيح الاذواد=يوم ان شوق سميحه ماعطانـي
ياهل الركايب علقو فوقهـن زاد=حطو عليهم من خفيف الاوانـي
ياما لهن من غب الاثنين ميعـاد=لا مالت الفيه على المسنحانـي
اشرف رقيبتهن على راس مسناد=بين النجج والاخشـوم ذهلانـي
وانا دليلتهـم وسبـر لـلاولاد=قالت ابشرو ياشاربين الوزانـي
طالعت عفر في مساريح الابعاد=طالعته امانـي عليكـم بكانـي
غارو هل العيرات والخيل تنقاد=انكافه القناص والشـوف دانـي
طارت عمايمنا وطارن الاجعاد=وتبينن عقـب الغيـا بالبيانـي
والصبح عزل كسبنا كل فـواد=متبجحين بمشرهفـات الاذانـي

الحمـد لله ماعشقـت الرعابيـب=مادري طبع او مبعدتني قلاعـه
خاويت شبان على فطـر شيـب=كم مارد جيته تعـاوىآ سباعـه
ياما لمسنا قرصنـا بالمشاعيـب=وياما دفعناهن ورى الشمس ساعه
كم ليله عقلتها تضـرس النيـب=وانا اتوحىآ نبح كلب الجماعـه
رحت اتخطى كنهم لي معازيـب=اليا رمىآ عذب الثنايـا قناعـه
اهدي الحامي واخطر الاطانيـب=واندس مهاويه الجمـل باندفاعـه
زاري علي اللي عسى ابوه للنـار=متبجح في مـال ابـوه المياتـي
ماقط يـوم فيهـو لـه بمعبـار=وانا الشتاء والقيظ هذي سواتـي
ياما درقناها علـى شبـه النـار=يوم الحرس من دونهـا مايباتـي
ناخذ خيزرام مشاعيـف الابكـار=حم الـذرا وظهورهـن نايفاتـي
لحقو طلبها فوق شحصات الامهار=مستنجييـن كالحنـي مرهفاتـي
قالو عدايلنا وقلنـا علـى يسـار=هذي طلايـق عاشقيـن البناتـي
وياما حلا حس المنومل الى ثـار=واقفن بالـدم الحمـر معذراتـي

يابنت يالي عن حوالي تساليـن=وجهي غدت حامي السمايم بزينه
اسهر طوال اليل وانتي تناميـ=نوان طاح عنك غطاك تستلحقينه
وانا زهابي بالشهر قيس مديـن=مايشبعك يابنـت لـو تلهمينـه
وانتي زهابك بالشهر قيس عدلين=مع در ذود وكلهـن تمصطينـه
مر نضحي والمضحىآ لنا زين=ومر نشيله بالجواعـد عجينـه

ياعبيد دونك شوشت بي هلالـه=شافت بوجهي ياعضيدي سهومي
وجهي مسودته لواهيـب لالـه=من كثر ماننطح لهيب السمومي
ان قيلو ربعي بخطـو السلالـه=انا رقيبتهـم بعالـي الرجومـي
والى قضى مانا وباقـي بلالـه=اخلي التالـي ربعـي واشومـي
والى حصل عند الركايب ضلاله=انـا نطيـح العيـال القرومـي
وكم شيخ قـوم ناثريـن دلالـه=وغنايمه بايمان ربعي قسومـي
وياما عطينا كل وضحىآ جلاله=نمشي على عادتنـا والسلومـي

سلام يانيلـه بوسـط الجماعـه=وترىآ السلام البرح مافيه منقود
باليل نسري تقل راعي زراعـه=والصبح تفلحنا السمايم على القود
نيله تطالعنـي بوسـط الجماعـه=واظن نيلـه لامستنـي بمنقـود
ياما تعرضنا الفنـي والمجاعـه=ولامسك الملهـاب ياليـن العـود
وميرادنا عـد تعـاوى سباعـه=خاشرت فيه ذياب نمور واسـود
ليته تبارينا علىآ الهجـن ساعـه=حتىآ تعذر وجيهنا لو غدن سـود
وتشوف فينا من فعول الشجاعـه=وتشوف فعل الي كما السدو ممدود
وتشوف شغموم طويـل ذراعـه=صبار في الشدات نطـاح للكـود
وتشوف حمال بتـوع(ن) بتاعـه=مثل الفهد يلفي من الصيد بفهـود
وتشوف خبل همته فـي متاعـه=لانافع ربعـه ولاهـوب مفقـود
ولاهو طماع يجيـب الطماعـه=ولا يقضي اللازم ولا كاسب فود

اليتنـي جنبـت منـاك مـنـاك=ولاجيتهم مستردف لـي رديفـي
ولاجيتهم من فوق دمثات الأوراك=شيب الغوارب مبعـدات الوليفـي
لاوالله الا علقـونـي بـشـبـاك=شبك الدلي من فوق قامت عفيفـي
ان كان مقبل كل ماقلـت يفـداك=ماحدت البصـره لـدار الخليفـي
وان كان مقفي قلت يابكرة الـراك=مايتبع المقفـي ياكـود الضعيفـي
يابوهدب عين الى طرفت افكـاك=يضفي الى حد الحـدق بالرفيفـي
ياحمود سق في شمعة الدار حمراك=لو كان بي تهفي بشـان الشريفـي
دوك اللقوح وبنت خرمان تقفـاك=صفر صفوق اذيالهـن بالخليفـي
ويش الحول في بنت ذباح الأتراك=مرخي على ارقاب السبايا الرهيفي

يالايمي جعل الفهـر يذبحونـه=والا الجحادر مبعدين المراميـس
على عشير حدني البعـد دونـه=ومن دونه حالت طوال الطعاميس
اصفر عفـر بالوصـف لونـه=ادميـه قـادة لصيـد مشاميـس
ينقض على بيض الترايب قرونه=مثل سفايف فوق خيل الملابيـس
وشيوخ برقـا كلهـم يمتنونـه=والظيط والشغار راحو مفاليـس

يا فدى عشيري من عظامه تقلّـه=البـدو اللـي يلبسـون الجـزارا
وابن رشيد الشمّري فدوة(ن) لـه=مغدي فراقيـن البـوادي وقـارا
ومن عرض ما يفداه غوج(ن) تتلّه=وقطعاننـا ومثنديـات الصـدارا
والشيخ يدمح لـي ثمانيـن زلـه=والاش ماني عـن زرايـاه دارا

تضرب بالاربع كل ابوهن صف=المهرة اللـي بالرسـن مطـواع
ان قامت اطراف الجموع تصف=في ماقف يـوم العمـار تبـاع

الغمر ابو جوخة بحبـه شعانـي=شعي القطيع اللي غدى به شليويح
اللي على الضلع القصير كوانـ=يثلاث مرات وانا اقـوم واطيـح
شقح شعاهن من ديار ***انـي=واقفي عليهن مرذي الفطر الفيح
اقفو عليهن يزعجـون الغوانـي=يا بعد ما يرمي لهم بالمصابيـح

الا يالله تغفر لـي ذنوبـي=تغفر لي ذنوبـي والاثـام
كان اني ما اتقفى الغافليـن=ولا اسب الاجاويد الكـرام
هجدنا النذير بهـود ليـل=وحنـا هاجعيـن بالمنـام
والشردان اشاروا بالرحيل=والظفران اشاروا بالمقـام
واقمنـا وبنينـا الخـيـام=وكل دونها لبـس الحـرام
يوم سعود جانا بالدويـش=جاب مطير مع صبيان يام
والقصمان جونا من يميـن=يبـون المبانـي والجهـام
والدمـام دقـوه العبـيـد=ونور الشمس غاطيه الغمام
وشافونا وجونا سارحيـ=نوالله مانوونـا بالـرحـام
ولجن العذارى بالصيـاح=شافن الجموع الها ادحـام
ورمن بالبخانق والهـدوم=وينخن بالجدود وبالاسـام
وردينا لدهمـان السيـوف=وسود الشلف كاسرة العظام
ومركاض يسر الناظريـن=ترعابه مرودنـت السنـام
لاتبكن يابيـض النحـور=عان الفعل في ولد الامـام
دون البل مكرمت الضيوف=بعنا الروح بيـع مايسـام

جـانـا الـنـذيـر عـصـيـر.....=سرور شوق اللي حوى الراس بقران
يقـول جاكـم واحـد مايسـايـر=طاغي وظالم مانوى فيكـم احسـان
سعود جا من يمـة الشـرق فايـر=بصبيان يام مرجحـة كـل ميـزان
معهم هل العارض وسبع الجزايـر=ومعهم بريه وغيرهم جمع دوشـان
وردوا لـراي مذربيـن البصايـر=وقلنا على الله مانبا غيـره اعـوان
وسقنالهم جمـع يشـوق النضايـر=وموحدين اللـي ليـا وحـد اعـان
وبعد صلاة الصبـح والعـج ثايـر=لين اتقى راس النجج عقـب مابـان
وخيل وسط خيـل وخيـل تخايـر=وخيل مرزنها غنيـم بـن شبـلان
كنه ليا اعرض في وجيه الجرايـر=يمنع هذولا عـن هـذولا بقرعـان
وراحولنـا مـع قـدرة الله نحايـر=عقبان نجد اللي يقـدون الاضعـان
جوا بالجراير وانكفـوا بالخسايـر=خسايـر مـا تنتعـوض بالاثمـان
والله مـا اذم متيهيـن العشـايـر=لكن ضاموهـم عطيبيـن الاكـوان
الدم سايـل فـي وجيـه الكسايـر=وراحت سربهم كنها جول غـزلان

أول كلامـي طلبتـي ذكـر الله=ماني عن الرب الكريم غنـاوي
ولا نيب من يمدح بقول لسانـه=ولا نيب في عشق البني هواوي
على طلال الصبح خيل مخيلـة=وصلت سناويها إلى المطـاوي
تمطر بعطشان المحبـب والقنـا=ورعودها البـارود والعـزاوي
جانـا سعـود مسيـر بجنـوده=معه الدويـش ولمـة البـداوي
ثمانيـة الاف عـداد جموعهـم=بلوى وربـي يدفـع البـلاوي
وحنا ثمانميـه عـداد جموعنـا=ماش اجنبي فينـا ولا برقـاوي
وارخيت قيهم حد كـل مصلـة=يحير فيها طـب كـل مـداوي
وارخيت فيهم حد كـل مجـرب=توحي له بروس الخيرين تعاوي
واريخت مذلوق العرينـي فيهم=لين ادبحـوا شرابـة القهـاوي
ورديت سلطـان البعيـربينهم=وشيوخ ما ردوا لهـا النحـاوي
يا رب تنجيني وتنجـي سابقـي=يا رب تمنعنـا مـن الاهـاوي
يا ظفرهم لا قـرب الله دارهـم=وحنا عليهم مثـل نجـم هـاوي
ذوي ثبيت اهل المناخ شيوخنـا=اهل العطف والمنزل المتسـاوي
صحنا عليهـم ثـم عاونـا الله=لين انها صـارت لنـا منـاوي
لكن سربتهم الي اوجهـت بنـا=زمول مخزمة علـى الكـراوي
لكن سربتنا اليا اوجهـت بهـم=شـراد ريـم مـع حمـاد داوي
ولكن جضع الزلم قدم نحورنـا=جضع الخشب بالوادي السنـاوي
وعزي لهم لو لا اسمر في خيلهم=يهوي علينـا اهوايـة النـداوي
لكن شليل الخيل قـدم ربوعنـا=مثل الجراد اللي انتحى متهـاوي
وطلحة نحوا عنا بريه يسارهـم=من بينهم دهم العـروق هـداوي
تعيني يالبيض فـي مركاضنـا=وصلت كسايرهم الى الحجناوي
تزبنوا عنـا قصـور عنيـزة=لين احتماهم بيرق القصمـاوي
لا رحم ابو من صد عن محرافها=يوم انجلاع الستر عن مضاوي
نطعن لعين اللي تهـل دموعهـا=تبكي وفي تالي البكـا نخـاوي
تقول يا الظفران مـن عاداتكـم=هوشوا عسى يبقي لنا شـلاوي
الاد روق اللي عريـب جدهـم=لا جا من الحكـام رد بـراوي
ونطعن لعين اللي تجر حنينهـا=عفرا تبـا صيفيـة المطـاوي
قلت ابشري بالفك يا حم الـذرا=دام الطعـن يفـك والاهــاوي
ترعى بنا عوج الركاب وتنثنـي=ما حدرت حسلة الى الحجنـاوي
وانا احمد الله يوم انا من لابـة=ماهم بقطمان اليديـن شـواوي
الاد روق سعد مـن هـم ربعـه=يوم اللقا زادوا علـى الهقـاوي
يا مسوي الفنجال عـده لمـدوخ=وعده لابن صـلال والجـلاوي
وانا زبون الحرد ابو ضيف الله=لا قصر البرطم عـن الشفـاوي
والمدح لله ثـم نسـل محصـن=عسى لهم عند الالـه عـراوي
سواقة المغتـر علـى الحربيـة=يوم الحريب عن الحرايب يلاوي
واغفر ذنوبي يا محـل ذنوبـي=ان كنت في بدعي كلامي غاوي