سمعت لي كلمة مدري ويش أقصاها - حزّت بصدري وأنا ماني بهارجهـا
لو كل كلمـة اليـا جتنـا طردناهـا - بعنا الثمينـة بسعـر مـا يخارجهـا
لو مرت السمع مـا كنـا سمعناهـا -- و نقفّل الـرأس عنهـا لا يبرمجهـا
ومن يـم هـذا لهـذا مـا نقلناهـا -- والناس واجد وتلقى مـن يروجهـا
من جابهـا بيـن خلـق الله ووداهـا - لو به مراجل ترى نفسـه يسمجهـا
من عامل الناس في سابق خطايا ها _- ايقعد بـدار خـلا مـا داج دايجهـا
في كنّة تشوي الجربـوع رمضاهـا - تيبس غصون الشجر من حر واهجها
والناس بالحق حكم الشيخ ما رضاها -- ما ترضي الناس لو إنـك تحججهـا
يا اللي تبي الطيبة خذهـا وعطناهـا -- وخـل الطريـة طريـة لا تثلجهـا
واقضب طريق الأوادم وامش ممشاها _- ا تبع دروب العرب وادرج مدارجهـا
وارسـم لنفسـك حـدود لا تعداهـا -- من حط نفسه بدرب الضيق يحرجها
وإن كان نفسك هواها قـام ينحاهـا -- حط الأعنّة برووس الخيل واسرجها
وفكّـر بمنكافهـا قـدام مغـزاهـا -- واضرب حساباتها وتشـوف ناتجهـا
وكل بعضده يمـوح الدلـو برشاها _- وتلقى كبود الضوامي من يبرهجهـا
وإن كان توك على صدرك تهجاهـا -- حنا ترانـا نـدرس فـي مناهجهـا
لو هي صعيبه اليا انعاجت عدلناهـا _- واللي تجي مستقيمه مـا نعروجهـا
نهتم فـي وزنهـا وابـرام معناهـا _ ومن الكرستـال واللولـو نتوجهـا
مثل الجواهـر ليـا منـا نضمناهـا -- وسلوكها من جديد الـزري ننسجهـا
من يـم مصباحهـا نبعـد معشاهـاا -- ليا قعـد راعـي الضلـع يدرجّهـا
مخايـل ترتـدم والصـدر منشاهـا _- ا ن دك بالبـال داكــوك يهيجـهـا
واليا امطرت ضاقت الوديان في ماها _- تا خذ اليا الحول ما يبسـت مدالجهـا
ان صدت الناس عنا ما اعترضناهـا -- ماتقفـي النـاس عنـا ونتولجهـا
وان جاتنا الطيبـه بالطيـب زدناهـا _- ا لطيبه بالعسـل والسمـن نمزجهـا
وان جاتنا الثانيـة نصبـر ونرفاهـا -- يمكن اليـا فـاق راعيهـا يعالجهـا
وإن عادها عودة مـا عـاد ينساهـا _- من حربة في صميم الصدر نولجهـا
مسمومـة يبلـش الدكتـور بدواهـا _- ما يقنع العـي ليـن انـه يلامجهـا